Fréttabréf Öryrkjabandalags Íslands - 01.09.1995, Page 34
Útskriftarhópur síðasta vors með kennurum sínum.
Fulltrúaráðsfundur
Fulltrúaráðsfundur Starfsþjálfunar
fatlaðra var haldinn fimmtudag-
inn 8. júní sl. í fundarsal ÖBÍ að Há-
túni 10. Fundarstjóri varHelgi Seljan
og fundarritari Snorri Þorsteinsson.
Forstöðumaður Guðrún Hannesdóttir
fór yfir liðið starfsár, en alls útskrif-
uðust 18 frá síðasta fulltrúaráðsfundi;
í desember og maí. Kennsluskipan og
kennaralið með mjög líkum hætti,
sömuleiðis var starfsráðgjöf veitt.
Áhugasviðskönnun var framkvæmd
og verið er að vinna úr henni. Minnti
á ýmislegt sem gert hefði verið til
gagns og gamans um leið. Hún kvað
flesta sem útskrifuðust stefna á frek-
ara nám. Gat um vinnuklúbb sem
starfræktur yrði í haust. Fór svo yfir
hinn mikilvæga þátt sem tölvunám-
skeiðin eru, en styrkur úr Starfs-
menntasjóði farið að verulegu leyti til
þeirra. I fyrrasumar voru 6 hópar alls,
nú voru 5 að ljúka. Guðrún velti svo
upp spumingunni um ýmislegt í fram-
tíðarþróun m.a. með tilliti til vaxandi
ásóknar í einstaklingsþjónustu. Sam-
starf við Tölvumiðstöð fatlaðra afar
dýrmætt. 14 nýir nemar komu inn í
janúar og umsóknir um nýja önn væru
sem óðast að berast. Þá var dreift
gögnum um ýmislegt varðandi starf-
semina og ársreikningum liðins árs.
Margrét Margeirsdóttir form.
stjórnar Starfsþjálfunar fatl-
aðra kvaðst fagna því hve starfsemin
væri blómleg og í örum vexti. Hennar
erindi fjallaði svo um nýbygginguna.
Útboð verksamnings fór fram á liðnu
ári og áætluð verklok 25. ág. Bygg-
ingasagan því ævintýralega stutt - 9
mánaða meðganga. Heildarfjár-
veitingar úr Framkvæmdasjóði fatl-
aðra næmu nú 65 millj. kr„ en þar af
væru 1.5 millj. kr. til búnaðar.
Öryrkjabandalag Islands hefði og lagt
fram 1.5 millj. kr. til búnaðarkaupa.
Margrét kvað endumýjun tölvuflotans
afar nauðsynlega. Allnokkuð stæði út
af í búnaði ofl. og í því sambandi sagði
Ólöf Ríkarðsdóttir að Öryrkjabanda-
lagið myndi áfram að málum koma
með einhverframlög. Margrét minnti
svo á allnokkra þörf aukins rekstrar-
fjármagns, þegar í nýja húsnæðið væri
komið, enda væri stefnan sú að
nemendum fjölgaði og aukin þjónusta
fylgdi í kjölfar nýrra húsakynna.
Sigrún Jóhannsdóttir forstöðum.
kynnti því næst starfsemi Tölvu-
miðstöðvar fatlaðra en að henni
standa 6 félög fatlaðra. Tölvumið-
stöðin þjónar öllum hópum fatlaðra
og bæði einstaklingar og hópar geta
leitað til hennar. Hún sagði samvinnu
við aðra aðila hafa afar vel gengið. Á
ársgrundvelli væri þjónusta veitt milli
50 og 60 einstaklingum sem og
ýmsum aðilum, er á þessu sviði starfa.
Sigrún er afar ötul að kynna starfsem-
ina hér í Fréttabréfinu og skal vísað
þar til um allan frekari fróðleik. Þær
Margrét og Guðrún litu svo til fram-
tíðar. Markmiðið sem fyrr að koma
enn fleiri út á vinnumarkað, enn fleiri
til frekara náms. Möguleikar bættir til
þessa með nýju, glæsilegu húsi.
Starfsgreiningu og ráðgjöf þyrfti að
auka sem allra mest. Guðrún kynnti
sérstaklega samstarfsverkefni Starfs-
þjálfunar og Vinnustaða ÖBI um
fyrirtækjaþjónustu. Þannig mætti fara
í fararbroddi með að gefa skjólstæð-
ingunum tækifæri. Tölvugrundvöllur-
inn væri mikilvægur mjög - tenging
við gagnabanka og net ásamt öðru
sem tækni tölvunnar færði upp í
hendur manna. Fundurinn var allvel
sóttur og urðu umræður allnokkrar.
Ákveðið að hittast á ný að ári í nýjum
húsakynnum. H.S.
Hlerað í
hornum
Hálfur heimurinn er fólk, sem hefir
eitthvað að segja, en getur ekki sagt
það, og hinn helmingurinn er fólk,
sem hefir ekkert að segja, en segir það
samt.
*
Gestur á áheyrendapöllum enska
þingsins spurði einn dyravarðanna,
hvort starf þingprestsins væri í því
fólgið að biðja fyrir þingmönnunum.
„Nei“, svaraði dyravörðurinn, „hann
kemur hingað í þingið, lítur yfir hóp-
inn og biður svo fyrir fósturjörðinni“.
Þessi gerðist snemma á öldinni:
„Viljið þér verða konan mín?“ „Hvað
hafið þér mikil laun?“ „Hundrað
krónur“. „Uss það myndi ekki nægja
fyrir vasaklútum handa mér“. „Jæja,
en ég gæti nú beðið þangað til yður
batnar kvefið“.
*
Dórothea kvartaði undan því, að hún
hefði verk í maganum. „Það er vegna
þess að maginn er tómur“, sagði
móðir hennar. „Láttu eitthvað í hann
og vittu hvort þér batnar ekki“. Næst
þegar Dórothea var í spurningum hjá
prestinum, ásamt stallsystrum sínum,
kvartaði prestur sáran um höfuðverk.
„Það er vegna þess að höfuðið er
tómt“, sagði telpan. „Viljið þér ekki
reyna að láta ofurlítið í það og sjá svo
til, hvort yður batnar þá ekki?“
34