Bændablaðið - 02.04.2020, Blaðsíða 26

Bændablaðið | Fimmtudagur 2. apríl 202026
Akureyri · Sími 465 1332
www.buvis.is
RÚLLUPLAST!
RaniRepel er nýtt rúlluplast frá Rani, hannað til
verndar gegn meindýrum, fuglum og nagdýrum
og dregur úr fjárhagslegu tjóni fyrir bændur.
RaniRepel inniheldur óeitruð, náttúruleg virk efni sem er með lykt
sem er fráhrindandi fyrir fugla, rottur og mýs, en þetta innihalds-
efni skaðar ekki dýr.
Skaði á rúllum vegna nagdýra og fuglaárása getur eyðilagt fóður
og verið dýrt fyrir bændur. Umfangsmiklar rannsóknir hafa sýnt að
RaniRepel útrýmir nánast að fullu árás fugla og nagdýra þannig að
umbúðirnar haldast óskaddaðar. Rannsóknirnar hafa einnig sýnt
að nagdýr og fuglar læra að forðast það og koma þessum viðvör-
unum til síns hóps.
Rigning hefur engin áhrif á efnið í plastinu, hitastigsbreytingar
hafa ekki áhrif á efnið og er að fullu virkt í tvö ár frá framleiðslu-
degi. RaniRepel er hægt að nota og geyma eins og hvert annað
Rani Plast rúlluplast.
Efnið sem notað er í RaniRepel er samþykkt af eftirlitsaðilum
Evrópusambandsins, það uppfyllir líffræðilegar reglur og hægt er
að endurvinna það. Lausnin hefur einnig unnið til verðlauna í
mörgum löndum.
2018
PANTIÐ TÍM
ANLEGA
Í SÍMA 465
1332
NÝTT!
LÍF&STARF
Byggðaráð Blönduósbæjar óánægt:
Enginn styrkur til að byggja upp í Hrútey
– Segir hróplegt ósamræmi vera við úthlutun milli landshluta
Byggðaráð Blönduósbæjar hefur
lýst miklum vonbrigðum yfir því að
umsókn sveitarfélagsins um styrk
úr Framkvæmdasjóði ferðamanna­
staða var synjað, sérstak lega með
tilliti til þess að mikil þörf er á
uppbyggingu ferðamannastaða á
svæðinu.
Valdimar O. Hermannsson, sveit­
arstjóri á Blönduósi, segir að sveitar­
félagið hafi sótt um styrk til að halda
áfram uppbyggingu fólkvangsins í
Hrútey. Áður, eða árið 2018, fékkst
styrkur úr Uppbyggingarsjóði ferð­
mannastaða og hófust framkvæmdir
að þeim styrk fengnum.
„Við viljum endilega halda áfram
með þetta verkefni og teljum það
skipta miklu máli fyrir uppbyggingu
ferðamannastaða hér um slóðir. Það
er töluvert mikið eftir að gera og við
viljum fyrir alla muni halda okkar
striki,“ segir Valdimar.
Norðurland vestra
fær langminnst
Byggðaráð bendir í bókun sinni á
það hróplega ósamræmi sem er í
úthlutun sjóðsins á þessu ári á milli
landshluta. Þar komi Norðurland
vestra illa út, einungis 34 milljónir
komi inn á svæðið í formi styrkja af
heildarfjárhæð sem er rúmlega 500
milljónir króna.
Sveitarstjórnarmenn á Norður­
landi vestra hafa velt þessu ósam­
ræmi í úthlutun styrkjanna fyrir
sér og eru margir hugsi. Í svo­
nefndri Landsáætlun kemur fram
að styrkir til verkefna á Vesturlandi
nemi 219 milljónum, 141 milljón
á Vestfjörðum, 338 milljónum á
Norðurlandi eystra, 114 milljónum
á Austurlandi og 1,5 milljörðum á
Suðurlandi. Sem fyrr segir komi 34
milljónir til verkefna á Norðurlandi
vestra. /MÞÞ
Þingeyjarsveit:
Keyptur verður öflugur dróni
Sveitarstjórn Þingeyjarsveitar
hefur samþykkt að taka upp
viðræður við björgunarsveitir á
svæðinu um afnot af drónum sem
þær eiga í þágu sveitarfélagsins.
Hlöðver P. Hlöðversson sendi
sveitarfélaginu erindi og leggur til að
það beiti sér fyrir því að keyptur verði
öflugur dróni í héraðið. Tillaga hans
er sú að björgunarsveitir héraðsins
verði leiddar saman til að vinna
sameiginlega að kaupunum. Dróni
myndi í fyrsta lagi nýtast vegna leita
og björgunar. Einnig gæti hann nýst
til smölunar og leitar á fé. Jafnframt
gæti hann nýst til grenjavinnslu og
hugsanlega veiðieftirlits um sumar og
vetur. Dróninn yrði í umsjón og eða
eigu björgunarsveitanna og seldur út
til þeirra verkefna sem fyrir liggja á
hverjum tíma.
/MÞÞ
Blönduósbær:
Jákvætt tekið í drónakaup
Landbúnaðarnefnd Blönduós­
bæjar tók jákvætt í erindi frá
Halldóri Skagfjörð Jónssyni sem
leitaði til nefndarinnar um styrk
til fjallskilasjóðs vegna dróna­
kaupa.
Sá hann fyrir sér að nota mætti
drónann í fjárleitir. Nefndin tók
fram að hún væri jákvæð fyrir því að
gerður yrði samningur við Halldór
gegn því að hann skuldbindi sig
til að sinna ákveðnum verkefnum
fjallskila og var fjallskilastjóra falið
að útfæra það nánar. /MÞÞ
Hafrahvammagljúfur:
Útsýnispallur verður smíðaður
Fljótsdalshérað hefur fengið
styrk upp á ríflega 14 milljónir
króna til að smíða útsýnispall til
að stýra gestum á ákveðinn útsýn­
isstað við Haframhvammagljúfur
og vinna þannig gegn hraphættu á
gljúfurbrúninni. Styrkurinn fékkst
úr Framkvæmdasjóði ferðamanna­
staða.
Að auki er áformað að leggja
stiga ofan í Hvammana til að
bæta aðgengi fyrir gesti og sjúkra­
flutningafólk og auka fjölbreytni
gönguleiðar. Þá er þörf á að að setja
upp stök þrep ofan í Hvömmunum
í brekku þar sem hætta á hrösun er
nokkur og rask á gróðri er orðið
töluvert.
Verkefnið bætir öryggi ferða­
manna til muna á á ferðamanna­
stað, þar sem skapast geta varasamar
aðstæður. /MÞÞ
Hrútey er fólkvangur við Blönduós sem friðuð var árið 1975. Eyjan stendur
í miðri Blöndu. Blönduóshreppur keypti eyjuna árið 1923 af bænum Klifum
og friðaði fyrir beit árið 1933. Skógrækt hófst þar árið 1942 og árið 2003
lýsti Skógræktin yfir opnum skógi þar. Birki og stafafura eru algeng tré.
Göngubrú er út í eyna (núverandi brú er frá 1988).
Ársæll Jónsson, bóndi á Eystra-Fróðholti (t.v.), og Stefán Ólafsson, bóndi á Hóli, klipptu á borðann. Ekki er ólíklegt
að blásið verði til annarrar borðaklippingar á vegum Rangárþings ytra og ríkisvaldsins þegar kórónuveiruástandið
er yfirstaðið. Brúin er 92 metrar að lengd. Mynd / Ragnheiður Sumarliðadóttir
Ný brú á Þverá við Odda á Rangárvöllum
Ársæll Jónsson, bóndi á Eystra­
Fróðholti á Rangárvöllum, og
Stefán Ólafsson, bóndi á Hóli í
Vestur­Landeyjum, mættu nýlega
vopnaðir skærum og rúnings­
klippum og klipptu á borða og vígðu
þar með nýja og glæsi lega brú á
Þverá við Odda á Rangárvöllum.
Þeir félagar ýttu verkefninu úr
vör í byrjun árs 2011. Þá var farið
á milli bæja og safnað undirskrift­
um fjölda íbúa á Rangárvöllum
og vestanverðum Landeyjum um
brú á þessum stað. Áskorun ásamt
listanum var send á alla þingmenn
Suðurkjördæmis, ásamt ráðherra
og fjölda embættismanna. Á end­
anum áttuðu yfirvöld sig á því að
skynsamlegt væri að fara í þessa
framkvæmd og veittu fé til verk­
efnisins. Sveitarstjórn Rangárþings
ytra hefur síðan haft verkið á sinni
könnu.
/MHH
Stórátak í að eyða einbreiðum
brúm um allt land
Sigurður Ingi Jóhannsson sam­
göngu­ og sveitarstjórnaráð­
herra hefur ákveðið með sínu
fólki í ríkisstjórn að á þessu ári
muni hefjast verulegt átak í að
skipta út einbreiðum brúm.
Ætlunin er að verja aukalega
3.300 m. kr. til að breikka einbreið­
ar brýr, alls um 5.200 milljónum
á næstu tveimur árum. Alls verða
til um 140 ársverk vegna átaksins.
Elsta einbreiða brúin á hring­
veginum er brúin yfir Jökulsá á
Fjöllum, byggð 1947, er orðin 73
ára gömul og komin af léttasta
skeiðinu. Sú yngsta er yfir Selá í
Álftafirði en hún var byggð 1985
og er því 35 ára gömul.
Áætlað er að breikka brýr yfir
Köldukvíslargil á Norðaustur vegi,
Gilsá á Völlum á Skriðdals­ og
Breiðdalsvegi, Botnsá í Tálkna­
firði, Bjarnadalsá í Önundarfirði,
Núps vötn, Stóru­Laxá á Skeiða­ og
Hruna manna vegi, og Skjálfanda­
fljót á Hringvegi hjá Fosshóli við
Goða foss. Auk þessa er unnið eftir
samgönguáætlun en þar eru brýr yfir
Jökulsá, Sólheimasandi, Hattardalsá
og Steinavötn, Brunná austan við
Kirkjubæjarklaustur, Kvíá í Öræfa­
sveit og Fellsá í Suðursveit sem fá
að víkja fyrir nýrri kynslóð. /MHH
Brúin yfir Jökulsá á Sólheimasandi, en þar er fyrirhugað að setja tví breiða
brú. Mynd / HKr.