Bændablaðið - 02.04.2020, Blaðsíða 48

Bændablaðið | Fimmtudagur 2. apríl 202048
MATARKRÓKURINN
LÍF&LYST – BÆRINN OKKAR
Á Ásólfsstöðum hefur sama ætt
búið síðan 1846.
Fram til ársins 1962 var þar
hefðbundinn sauðfjár- og kúabú-
skapur og hótel um nokkurra ára-
tuga skeið, en eftir að Skógræktin
keypti hluta jarðarinnar, og restinni
var skipt upp í tvö lögbýli, er sauð-
fjárbúskap hætt.
Síðan hefur hver kynslóð reynt
sig við ýmiss konar búskap, allt eftir
tíðaranda og áhuga hverju sinni.
Býli: Ásólfsstaðir 1.
Staðsett í sveit: Skeiða- og Gnúp-
verjahreppur.
Ábúendur: Jóhannes Hlynur
Sigurðsson, Marie Louise Fogh
Schougaard.
Sigurður Páll Ásólfsson, faðir
Jóhannesar, býr í gamla bænum
sem byggður var sem hótel á sínum
tíma.
Fjölskyldustærð (og gæludýra):
Jóhannes og Marie eiga þrjú börn;
þau Jónas Ásólf, 20 ára, Önnu
Birtu, 17 ára og Ástríði Sólveigu,
10 ára.
Tvö gæludýr; hundurinn Bassi og
fjósakötturinn Ólafur.
Stærð jarðar? Um 100 hektarar.
Gerð bús? Holdanautgripir og hross
og ferðaþjónusta á sumrin.
Fjöldi búfjár og tegundir? 20
holdakýr og þar af leiðandi um 60
nautgipir á fóðrum og 12 hross.
Hvernig gengur hefðbundinn
vinnudagur fyrir sig á bænum?
Það er farið á fætur um 06.30, yngsta
barninu komið í skólabíl, húsfreyjan
ekur til sinnar vinnu og bóndinn gefur
skepnunum áður en hann fer sjálfur
til vinnu. Eldri börnin eru að heiman
við nám í miðri viku. Þegar vinnu-
skyldunni lýkur um fimm leytið er
farið í gegningar og útreiðar ef veður
leyfir. Yfir sumartímann lengjast
dagarnir til muna, en þá þarf að þrífa
gestahús, þvo og ganga frá þvotti og
sjá um tjaldssvæðið í Þjórsárdal með
öllu því sem tilheyrir.

Skemmtilegustu/leiðinlegustu
bústörfin? Bóndanum og bónda-
syninum finnst heyskapur á góðviðr-
isdögum skemmtilegastur, en hús-
freyjunni, dætrunum og tengdaföður
húsfreyjunnar þykir hestamennskan
taka öðru fram. Leiðinlegast er að
missa skepnur úr slysum eða veik-
indum.
Hvernig sjáið þið búskapinn fyrir
ykkur á jörðinni eftir fimm ár?
Sennilega með svipuðu sniði, von-
andi með meiri afurðir og enn betri
hross.
Hvar teljið þið að helstu tæki-
færin séu í framleiðslu íslenskra
búvara? Íslenskar búvörur fram-
leiddar í ómengaðri náttúru ættu
að höfða til margra í þéttbýlli og
mengaðri veröld.
Hvað er alltaf til í ísskápnum?
Mjólk og ostur.
Hver er vinsælasti maturinn á
heimilinu? Grilluð nautasteik.
Eftirminnilegasta atvikið við
bústörfin? Þegar kvígurnar ásamt
þarfanauti fældust flugelda eitt
gamlárskvöld og týndust útí skógi.
Páskalamb og fiskur á pönnu
Það er mikil hefð fyrir páska-
lambinu og ætti fólk ekki að
vera feimið að grafa út grillið úr
geymslunni og fá forsmekkinn af
vorinu og bjartari tíma sem eru
fram undan. Hér er líka fiskupp-
skrift, með þorski eða ýsu, sem
er hægt að elda á auðveldan hátt
með grænmeti og setja allt á eina
pönnu til að spara uppvaskið.
Steikt lambafile með brúnuðu
kryddsmjöri, mjúkri kartöflumús
Fyrir 4
› 800 g lambafile
› 4 greinar timjan
› 4 stk. hvítlauksgeirar
› 3 stilkar rósmarín
Hitið pönnu rjúkandi heita. Bætið
olíunni út á og steikið kjötið. Bætið
við timjan.
Setjið inn í ofn og bakið við 100
gráður þar til kjarnhiti nær 58 gráð-
um.
Brúnað kryddsmjör
› 4 msk. smjör
› 3 msk.ólífuolía
› 3 msk. maldon salt
› 2 msk. svartur pipar heill
› 400 g smjör
› 1 stk. chili
› ½ búnt graslaukur
› ½ búnt steinselja
› 2 msk. ferskt engifer
› 4 stk. hvítlauksgeirar
› 2 msk. sérríedik
› 2 msk. sojasósa
Setjið smjörið í pott og látið á hell-
una við miðlungsháan hita. Þegar
smjörið fer að freyða, hrærið þá með
písk og takið af hellunni, smjörið ætti
þá að gefa frá sér hnetukeim og vera
ljósbrúnt að lit. Skerið niður chilið,
graslaukinn, steinseljuna, engiferið
og hvítlaukinn í smá bita. Blandið
við smjörið og bragðbætið með
sojasósunni og sérríedikinu, sjáv-
arsalti og svörtum pipar úr kvörn.
Heilsteikt lambalæri
og villisveppasósa
› 1 lambalæri
› 7 hvítlauksgeirar
› 1/4 búnt timjan
Leggið lærið í marineringu í 1 dl
ólífuolíu ½ búnt timjan, ½ búnt rós-
marín og hvítlauk, kraminn undir
hnífsoddi.
Látið marinerast yfir nótt í kæli-
skáp. Stráið yfir lærið salti 10 mín-
útum fyrir ofnbökun þannig að allir
hlutar lærisins fá hóflega áferð af
salti. Setjið lærið inn í 180 gráðu
heitan ofn í 10–15 mín. og bætið svo
vatni í ofnskúffuna til að fá kraft í
sósuna. Lækkið niður í 110 gráður
til að kjötið fái væga ofnbökun í
45–60 mínútur. Setjið kjötið undir
grillið í 5 mínútur og látið svo kjötið
jafna sig í 10 mínútur við stofuhita
fyrir skurð. Miðlungs steik er 60
gráður í kjarnhita eftir að kjötið
hefur hvílt.
Villisveppasósa
› 100 g blandaðir villisveppir
› ½ dl vín að eigin vali
› ½ l rjómi
› 50 g smjör
Steikið sveppina í 50 g af smjöri,
kryddið með salti og pipar. Bætið
víni yfir og sjóðið í 1 mín. Sigtið
þá lambasoðið af lærinu yfir og
bætið rjómanum yfir. Sjóðið í
nokkrar mínútur eða þar til sósan
nær hæfilegri þykkt. Einnig er hægt
að þykkja með maizena ef sósan
er of þunn.
Koníaks- og grænpiparsósa
› 2 skallotlaukar
› 150 g sveppir niðursneiddir
› 2 msk. grænpipar í legi
› 250 g koníak (eða brandí)
› 1 peli rjómi
› 1 msk. nautakraftur
› 2 msk. steinselja, fínt söxuð
› maizena
› 200 ml vatn
Svitið laukinn ásamt sveppunum í
potti, bætið grænpipar út í og því
næst koníakinu. Leyft að sjóða
þar til vökvinn hefur minnkað um
helming. Þá er vatni, nautakrafti og
rjóma bætt út í. Leyft að sjóða í 5
mínútur og þykkt eftir smekk með
maizena og smakkað til með salti og
pipar. Að síðustu er steinseljunni
stráð yfir.
Hrátt grænmeti og fiskur á pönnu
› 1 kg ýsa eða þorskur, skorin í hæfilega
bita
› 1 laukur
› 4 gulrætur
› ½ blómkálshaus
› 1 brokkolíhaus
› 1 stk. sítróna
› 100 ml ólífuolía
› Salt og svartur pipar
Raðið fiskstykkjunum í smurt eldfast
mót eða pönnu og kryddið.
Léttsteikið niðurskorið græn-
metið og dreifið því yfir fiskinn.
Blandið saman sítrónusafa og
-berki ásamt ólífuolíunni, hellið svo
yfir fisk og grænmeti og bakið við
180 gráður í 10 mínútur.
Gott með salati.
Bjarni Gunnar Kristinsson
Matreiðslumeistari
Ásólfsstaðir 1
Gamli bærinn þar sem Sigurður býr.Hestamennskan er í uppáhaldi.