Íþróttablaðið - 01.09.1948, Page 14

6
ÍÞRÓTTABLAÐIÐ
upp einkum seinni hluta hlaupsins og
virtist draga á Bailey sem kom í mark um
2 m. á undan honum. Komst Haukur
þannig í milliriðil. Tími Bailey var 10,5
eins og áður segir og hefði tími Hauks
því átt að vera 10,7 eða 10, 8 í versta lagi.
Því var nú ekki að heilsa heldur fékk
hann tímann 11,0 sek! Kom þessi aug-
sýnilega rangi tími okkur mjög á óvart,
en síðar brá manni ekki eins þótt tíma-
úrskurður væri ekki allskostar í sam-
ræmi við bilið. Því miður mun réttum að-
ilum þ. e. s. fararstjóra og Olympíunefnd
hafa láðzt að kæra þennan úrskurð og fá
honum breytt.
f spretthlaupunum var aðeins birtur
tími á 3 fyrstu mönnum og þótti mörg-
um þ. á. m. mér tímar 2. og 3. manns oft
mjög hæpnir og stundum alrangir. Orsök
þessa er sennilega sú að yfirtímavörður-
inn virðist hafa gefið upp þá tíma, sem
tímaverðirnir fengu, burt séð frá því
hvort þeir fengu staðist við millibil frá
næsta manni að dæma — svo sem leik-
reglur maSla fyrir um. Þessi vinnubrögð
munu hinsvegar eiga rót sína að rekja til
þess að hjá Bretum og Bandaríkjamönn-
um tíðkast yfirleitt ekki að taka tima á
öðrum en 1. manni í spretthlaupum. Og
því til sönnunar höfðu Bretarnir t. d.
alls ekki látið kríta nein metrastrik á
síðustu 5 -10 metrunum, markdómurun-
um til hægðarauka. Hjá öðrum þjóðum.
a. m. k. Norðurlandaþjóðunum er lögð
mikil áherzla á það að ekki aðeins fyrsti
heldur allir keppendur hvers hlaups fái
sem nákvæmastan tíma.
Þessi mistök á Olympíuleikunum voru
að því leyti óþörf, að tæknin til ná-
kvæmrar tímatöku og dómsúrskurða
mun aldrei áður hafa verið jafn mikil. Á
ég þar við rásbyssuna, er setti klukkurnar
á stað og markkvikmyndavélina, sem tók
nákvæmar myndir af keppendunum á
marklínunni og sýndi greinilega bilið
milli þeirra. (Sjá grein á bls. 38).
Eftir þessa fyrstu umferð 100 m.
hlaupsins var sýnilegt að baráttan um úr-
slitasætin yrði mjög hörð svo margir
jafngóðir sem þarna áttu hlut að máli.
Að vísu fannst mér þó 2 menn skera sig
Efst: 9. riöill. frá v.: Bonnhoff, Oestas.
Curotta og Örn. Miöiö: 2. milliriöill frá v.:
Bailey, Haukur, Goldovany, Lewis, Ewell
og Curotta. NeÖst: Sömu menn í marki.