Íþróttablaðið - 01.09.1948, Page 24

16
ÍÞRÓTTABLAÐIÐ
Reiff vinnur 5 km. hlaupið, rúmum metra
á undan Zatopek.
voru 34 og hlupu í 3 riðlum. Skyldu
4 fyrstu úr hverjum riðli komast í úr-
slitahlaupið, en það fór fram mánu-
daginn 2. ágúst. Fyrsta riðilinn vann
Svíinn Nyberg á 14:58,2 eftir harða
keppni við Finnann Koskela og Banda-
rikjamanninn Stone. Það vakti athygli
mína að Koskela skyldi fá tímann 14:58,3
en ekki 14:58,4, því alþjóðareglur segja
að minnsta tímabrot í hlaupum lengri
en 1000 m. skuli vera 2/10 úr sek. 1
næsta riðli náðist ágaetis tími, en þar
varð mjög hörð keppni um fyrsta sætið
milli Svíans Ahldén og Zatopek. Var
sá síðarnefndi aðeins brjóstþykkt á eftir
en fékk þó 2/10 sek. verri tíma. Var
óneitanlega nokkuð ósamræmi i þessum
tveimur tímaúrskurðum. Marga furð-
aði á því hve mjög þeir Ahldén og Zato-
pek lögðu að sér, sér í lagi þar sem sá
síðarnefndi hafði unnið 10 km. hlaupið
daginn áður. 4. maðurinn sem komst
í úrslit úr þessum riðli var t. d. ekki
á betri tíma en 15:04.4 (Stokken, Nor-
egi). Mér þykir líklegt að Zatopek hafi
verið að reyna 200 metra endasprettinn
fyrir úrslitahlaupið. Þriðji riðillinn
vannst á lakasta tímanum — 15:06,8 —
en þó varð mjög hörð keppni um 4
fyrstu sætin. 1. Slijkhuis 15:06,8; 2. Reiff
15:07,0; 3. Albertsson 15:07,8; 4. Perála
15:07,8. Bandaríkjamaðurinn Thompson
var sleginn út á 15:08,4! — Eins og áður
er sagt fór úrslitahlaupið fram 2 dög-
um seinna, mánudaginn 2. ágúst. Braut-
in var bæði þung og blaut af rigningun-
um og háði það mjög hlaupurunum, sem
voru orðnir gegnblautir og slettóttir í
lok hlaupsins. Eftir 200 - 300 m. tók
Zatopek forustuna með Reiff, Ahldén,
Slijkhuis, Albertsson og Parála næsta
sér. Bráðlega fóru þó Svíarnir að stríða
honum með því að fara fram úr, en
Zatopek var ekki um slikt gefið og
sleit þá jafnan af sér. Millitímarnir voru
þessir: 400 m. 63,5; 800 m. 2:10,0; 1000
m. 2:48,0 og 200 m. 5:40,0. Var ferðin
á Zatopek nú orðin svo mikil að aðeins
Reiff, Ahldén og Slijkhuis gátu fylgt
honum en hinir drógust nokkuð aftur úr.
Eftir 3 km. var bilið milli þessara tveggja
hópa orðið um 50 m. en svo komu nokkr-
ir enn aftar. Tími Zatopeks á 3 km. var
8:33,0 mín. Hélzt Þessi mikla ferð og
þessi sama röð enn um stund, eða þar
til 3,6 km. (9 hringir) voru hlaupnir og
3% hringur eftir. Þá smeigði Reiff sér
skyndilega fram úr og setti enn upp
ferðina. Zatopek kom þetta mjög á ó-
vart og reyndi að ná honum aftur, en
án árangurs enda var hraði Reiffs meiri
en nokkur hinna gat þolað. 200 m.
seinna lék Slijkhuis sama bragðið við
Ahldén, sem virtist þreyttari en svo
að hann gæti svarað. Við 4 km. markið
var timi Reiffs 11:23,0 og hafði Zatopek
þá dregist svo aftur úr að Slijkhuis fór
einnig fram úr honum. Þegar 2 hringir
(800 m.) voru eftir var Reiff um 5-6
metrum á undan Slijkhuis, sem aftur var
álíka langt á undan Zatopek. Ahldén
kom svo í 4. sæti 20 m. aftar. Bjuggust
nú flestir við því að röðin yrði þessi,
enda lengdist bilið meira og meira. 600
m. frá marki var það 10 og 15 m. og þegar
1 hringur var eftir var Reiff um 20 m.
á undan Slijkhuis og 30 til 40 m. á und-
an Zatopek. En nú var eins og Zato-
pek vaknaði af dvala. Þrátt fyrir þreyt-
una herti hann nú skyndilega á sér og
nálgaðist óðum hinn dauðþreytta Slijk-
huis. Við þetta óx honum ásmegin og
náði honum 200 m. frá marki. Og enn
bætti hann við sig, því Reiff var eftir
og hann virtist lika vera búinn með mesta
púðrið. Þótt ótrúlegt sé tókst Zatopek
enn að herða á sér svo að bilið mink-
aði óðfluga. 30 metrar — 20 metrar —
10 metrar — 5 metrar og nú var komið
á beinu brautina. Reiff heyrði hrópin og
leit við. Skelfingarsvipur kom á andlit
hans, en hann hafði þó mátt til þess að
bæta aðeins við sig. Zatopek tók nú á
öllu sínu, nú var hann alveg kominn
á hæla hans — of seint, marksnúran
birtist og Reiff snart hana með útbreidd-
an faðminn. Hann hafði sigrað þrátt
fyrir hinn undraverða endasprett Tékk-
ans og var nú fagnað ákaft af löndum
sínum. Zatopek hristi höfuðið og barði
saman höndunum. Tilraun hans hafði
mistekist enda gengið kraftaverki næst
að reyna að vinna upp 30 til 40 metra á
síðustu 200 metrunum. Það hafði samt
næstum tekizt og því voru vonbrigði hans
mikii. Hann gekk niðúrlútur í burtu og
gerði sér vafalaust ekki ljóst að þótt
hann hefði ekki unnið hlaupið, hafði
hann unnið það sem meira var um vert
þ. e. a. s. hjarta og samúð áhorfenda,
sem dáðust að viljaþreki hans. 1 æsing-
unum gleymdi maður að fylgjast með
hinum hlaupurunum enda voru þeir
svo langt á eftir. Slijkhuis tókst að verða
þriðji þótt Ahldén drægi mjög á hann
síðustu metrana. Svíinn Nyberg gafst
upp 200 m. frá marki og urðu það mörg-
um vonbrigði. Daninn Paulsson varð
einnig að gefast upp á miðri leið, vegna
lasleika, en Norðmaðurinn Stokken
mætti ekki til leiks.
Reiff setti nýtt glæsilegt Olympiumet .
og hljóp Zatopek einnig langt undir
því gamla. Þessir tveir hlauparar hafa
mjög ólikt hlaupalag. Reiff hefir löng
og mjúk skref, en Zatopek virðist fyrst
og fremst haupa af kröftum. Bezti tími
Reiffs er 14:14,2, en Zatopek hefir hlaup-
ið á 14:08,2 mín. sem er næst bezti timi
í heiminum.
10.000 METRA HLAUP:
Heimsmet: 29:35,1/ mín. Viljo Heino,
Hinnlandi
Olympsmet: 30:11,k mín. J. Kusocinski,
Póllandi 1932.
1. E. Zatopek, Tékk. 29:59,6 mín.
2. A. Kacha, Frakkl. 30:47,6 mín.
3. B. Albertson, Svíþ. 30:53,6 mín.