Íþróttablaðið - 01.11.1979, Blaðsíða 42

Til marks um það má nefna að
Barsarnir hafa ekki tapað leik á
heimavelli í mörg ár. Á leik ÍA og
Barcelona voru um 50 þúsund
áhorfendur og þeir komu til að
sjá stórsigur síns liðs. Þetta vissu
leikmenn Barcelona og því
keyrðu þeir á fullu allan leikinn,
enda uppskáru þeir 5 góð mörk.
Það fór eins og menn höfðu
spáð að dómarinn var hliðhollur
Spánverjunum og þeir gengu á
lagið. En það má líka alltaf kenna
dómaranum um ef illa fer.
Síðasti leikur
sumarsins
Þessi leikur var síðasti leikur
Skagamanna þetta keppnistíma-
bil. Þá var þetta einnig síðasti
leikur Jóhannesar Guðjónssonar
með Skagamönnum en hann
hefur nú ákveðið að leggja skóna
á hilluna. Hann hefur verið fyr-
irliði Skagamanna í sumar og það
var hann einnig í þessum leik.
Eftir leikinn héldu menn upp á
hótel og fengu sér í svanginn. Og
síðan fóru sumir í rúmið en aðrir
kusu að gera sér glaðan dag
(nótt).
Morguninn eftir var haldið frá
Barcelona; nokkrir fóru suður á
bógin í langþráð sumarfrí en
hinir brugðu sér til London í
heimleiðinni. Velheppnuð för
var á enda og allir voru ánægðir
með Spánarförina og það eina
sem skyggði á var að tapið í
leiknum var helst til stórt.
Undirritaður vill koma hér á
framfæri þakklæti til hópsins
fyrir samveruna þennan stutta en
ánægjulega tíma. Og einnig vill
hann þakka þær frábæru mót-
tökur sem hann fékk hjá gest-
gjöfum sínum, þeim Viggó og
Evu. TT.