Orð og tunga - 2020, Blaðsíða 119

Jóhannes B. Sigtryggsson: Yfirlit yfir bil 107
123.456
500.000.000
Ekki hefur verið almenn venja hér á landi að nota bil til að auðvelda
lestur hárra talna, kennitalna, reikningsnúmera og símanúmera, eins
og víða er gert, til dæmis í ensku og sænsku, en þó mætti vel hugsa
sér að taka upp þann sið. Allalgengt hefur verið að nota bandstrik til
skýrleika í kennitölum, reiknings­ og símanúmerum (kt. 010102­2277,
s. 563­6244) en hugsanlega væri betra að nota skýrleikabil:
3 500
123 456
Í mælikvarðanum 1:100 000
kt. 010102 2277
bankareikningur nr. 104 26 4407
s. 563 6244
4 Bil og skammstafanir
4.1 Skammstöfuð orð
Áður fyrr tíðkaðist að hafa bil á eftir hverjum punkti í fleiryrtum
skammstöfunum: a. m. k., o. s. frv., t. d. Á síðustu áratugum hefur sú
hefð hins vegar látið undan síga. Slíkar skammstafanir eru heild í
huga fólks og því eðlilegt að láta alla liði þeirra standa saman án bila.
Í gr. 22.6 í ritreglum Íslenskrar málnefndar er fjallað um bil á eftir
skammstöfunum. Þar segir: „Ekki er bil á eftir orði í skammstöfun
nema milli tveggja skammstafana sem hvor um sig er sjálfstæð ein­
ing.“ Í ritreglum Stafsetningarorðabókarinnar (2006:717) hafði verið haft
bil aftan við skammstafanir sem voru tveir eða fleiri stafir. Skamm­
stöfunin m.kr. var þá án bils en ma. kr. og millj. kr. með bili. Í núverandi
ritreglum hefur því verið fækkað tilvikum um bil í skammstöfunum
(sjá Jóhannes B. Sigtryggsson 2019:171–172.)
tunga_22.indb 107 22.06.2020 14:03:53