Íþróttablaðið - 01.02.1983, Side 13

B-keppnin sem slík ætti að vera
auðveldari, þar sem fimm þjóðir
komast áfram úr B-hópnum upp
í A-hópinn.
Þátttökuþjóðimar —
riðlaskiptingin
Þjóðunum 12 sem taka þátt í
B-heimsmeistarakeppninni að
þessu sinni er skipt niður í þrjá
riðla eftir styrkleika og komast
tvær þjóðir áfram úr hverjum
riðli. Sex þjóðir komast því í úr-
slitakeppnina og leika þær síðan
allar innbyrðis um sætin tvö eft-
irsóttu sem gefa þátttökurétt í
Ólympíuleikunum. Þær þjóðir
sem lenda í þriðja og fjórða sæti í
riðlunum þremur leika hins veg-
ar um sæti 6.—12. og þær sem
lenda aftar en í áttunda sæti
verða að bíta í það súra epli að
falla niður um flokk eða í
C-hópinn, sem oft er kallaður
„kjallarinn“ meðal handknatt-
leiksmanna. Riðlaskiptingin í
keppninni í Hollandi er þannig:
A-riðill
Ungverjaland
Svíþjóð
ísrael
Búlgaría
B-riðill
V-Þýskaland
Tékkóslóvakía
Frakkland
Holland
C-riðill
Spánn
Sviss
ísland
Belgía
Tvær fyrstnefndu þjóðimar í
hverjum riðli tóku þátt í síðustu
A-heimsmeistarakeppni sem
haldin var í Vestur-Þýskalandi í
fyrra, en náðu ekki þeim árangri
þar að verða í einu af sex efstu
sætunum. Þjóðir þær sem skipa
þriðja sætið í hverjum riðli urðu
númer fimm til átta í síðustu B-
keppni sem haldin var í Frakk-
landi, sællar minningar. Liðin
sem skipa fjórða sætið í riðlunum
komu úr C-hópnum. Það er
greinilegt að Hollendingar hafa
það markmið að kynna hand-
knattleik úti um landið, því að
keppnisstaðir í B-keppninni eru
hvorki fleiri né færri en 22 talsins
í jafnmörgum borgum. Með-
fylgjandi mynd sýnir þá staði þar
sem verður keppt.
Skipan íslenska
liðsins og undir-
búningur
Sjaldan eða aldrei hefur ís-
lenskt landslið í handknattleik
búið sig jafnvel og mikið undir
heimsmeistarakeppni og að
þessu sinni. Til marks um það
hefur íslenska landsliðið leikið 22
landsleiki á þessu keppnistíma-
bili og leyfi ég mér að fullyrða að
engin þeirra þjóða sem taka þátt í
keppninni í Hollandi hefur leikið
jafn marga leiki. Til samanburð-
ar má nefna undirbúning
V-Þjóðverja sem hafa þó sett sér
það markmið að verða í fyrsta
eða öðru sæti í keppninni. Þeir
hafa leikið 15 landsleiki fyrir
keppnina, þar af 11 á heimavelli
og æfingadagar þýska landsliðs-
ins eru mun færri en íslenska
landsliðsins.
Það gefur því auga leið að
13