Íþróttablaðið - 01.04.1986, Page 55

Linda Jónsdóttir — yfirburðakvenmaður.
vetur heitir Birgir Mikaelsson KR.
Hann er ótrúlega hittinn drengurinn sá
og hreinn galdramaður frá vítateigs-
punkti. Birgir sem er tvítugur á um
100 leiki með meistaraflokki KR,lék
sitt fyrsta keppnistímabil 16 ára. Að því
loknu fór hann í nám til Bandaríkjanna
í tvö ár en kom heim 1984. Ætli dvölin
í Bandaríkjunum hafi komið honum til
góða? „Hún víkkaði sjóndeildarhring-
inn og ég hafði gott af dvölinni ytra.
Menntaskólaliðin úti er góð og leik-
menn líkamlega sterkari. Einnig er
breiddin mun meiri. Reyndar spila þeir
hægari bolta og meira kerfisbundinn".
Birgir tók 72 vítaskot í vetur og
skoraði úr 66 þeirra. Það gerir svo
mikið sem 92% nýtingu sem hlýtur að
vera árangur á heimsmælikvarða og er
án efa íslandsmet. „Vítaskot eru bara
hluti af æfingunni og tek ég stundum
nokkur aukaskot eftir æfingar. Þau
geta skipt sköpum í leikjum og eru oft
5-10% af stigum í leik. Er það ekki viss
árátta að reyna að ná árangri í ein-
hverju?
KR-ingar höfnuðu í næstneðsta
sæti úrvalsdeildar í vetur — slakur
árangur sem kom nokkuð á óvart. „Ég
er ekki sáttur við árangur okkar frekar
en aðrir leikmenn í liðinu. Margar
ástæður liggja að baki. Við bjuggumst
við of miklu hver af öðrum en lögðum
okkur ekki nógu mikið fram. Mann-
skapurinn kom úr ýmsum áttum og
tók langan tíma fyrir okkur að ná sam-
an. Erfitt er að segja til um hvaða lið
var best í vetur en Njarðvíkingar hafa
mestu breiddina. Ég geri ekki upp á
milli Hauka og Njarðvíkur en öll liðin
virtust geta unnið hvert annað í vetur
á góðum degi. Ég er bjartsýnn á körfu-
boltann á íslandi því úrvalsdeildarliðin
íslands- og Bikarmeistarar KR.
Aftari röð frá vinstri: Gunnar Pálsson formaður körfuknattleiksdeildar KR. Erna Jónsdóttir, Dýrleif Guðjónsdóttir, Linda
Jónsdóttir, Kristjana Hrafnkelsdóttir, Björg Björgvinsdóttir, Guðrún Kr. Sigurgeirsdóttir, Margrét Árnadóttir og Ágúst
Líndal þjálfari. Fremri röð frá vinstri: Erla Pétursdóttir, Sigríður Baldursdóttir, Cora Barker fyrirliði, Lilja Jónsdóttir og
Hrönn Sigurðardóttir.
55