Íþróttablaðið - 01.04.1986, Qupperneq 69

.
Gunnleifsson
Qulli eins og hann er kallaður er 10
ára, fæddur 14.júlí 1975 á Akranesi.
Foreldrar hans eru Qunnleifur Kjart-
ansson og Guðbjörg Lárentsínus-
dóttir. Gulli er Hólmari því hann ólst
upp í Stykkishólmi en flutti til Kópa-
vogs 5 ára og stundar íþróttir með fé-
lögunum HK og ÍK. Hann er mark-
maður í ö.flokki í ÍK í fótbolta og hef-
ur þegar náð frábærum árangri sem
slíkur. Á Tommahamborgaramótinu
sem haldið var í Vestmannaeyjum
1984 var hann valinn besti mark-
maður mótsins og þótti sína snilldar-
tilþrif. í handbolta leikur hann sem
útileikmaður með 6.flokki HK og
segist hann hafa jafn gaman af báð-
um íþróttagreinunum.
Sem stendur æfir Gulli fótbolta
einu sinni í viku en meira er að gera í
handboltanum sem eðlilegt er. Sjötta
flokki HK hefur gengið vel það sem
af er vetri. Strákarnir eru efstir í sín-
um riðli í íslandsmótinu og eru því all-
ar líkur á að þeir fari í úrslit.
Næsta sumar tekur Gulli í fyrsta
skipti þátt í íslandsmóti í knattspyrnu
ásamt félögun sínum í 5.flokki. í fyrra
var einungis um Pollamót og fleiri
slík mót að ræða. Markmannshæfi-
leikar hans voru uppgötvaðir á stutt-
um tíma því eftir eina æfingu hjá ÍK
var hann settur í markið í a-liðinu.
Fyrsti leikur hans var gegn Haukum
og er ekki hægt að segja annað en
að frumraunin hafi verið hvetjandi -
11-0 sigur.
Gulli stundar nám í 4.bekk í Hjalla-
skóla og sækist námið vel. Honum
líkar vel að búa í Kópavogi og líður
vart sá dagur að hann leiki sér ekki
með bolta. Hann á sína uppáhalds-
íþróttamenn eins og flestir ungir pilt-
ar. í handboltanum er það Kristján
Arason sá stórkostlegi íþróttamaður
og í fótboltanum Arnór Guðjohnsen.
Gulla dreymir að sjálfsögðu um að
komast í landsliðið og fylgist hann
vel með öilum íslenskum íþrótta-
stjörnum.
Titillinn íþróttamaður Kópavogs
12 ára og yngri hlýtur að vera mikil
upphefð fyrir hvern og einn. Gunn-
leifur hlaut ekki eingöngu þann titill
heldur hafnaði hann í öðru sæti yfir
alla flokka — næstur á eftir Svanhildi
Kristjánsdóttur hlaupadrottningu.
Gulli sagði að útnefningin hefði kom-
ið sér á óvart og hann hafi reyndar
mætt allt of seint í athöfnina. Hann
fékk glæsilega bikara í verðlaun ann-
an til eignar en hinn er farandbikar
sem þarf að vinna þrjú ár í röð til
þess að eignast. Gulli var að lokum
spurður hvort hann ætlaði ekki að
reyna að verða valinn íþróttamaður
Kópavogs aftur. Hann svaraði eins
og sannur keppnismaður sem ætlar
sér að ná langt. „Auðvitað reyni ég
að verja titilinn“.
Texti: Þorgrímur Þráinsson
Myndir: Jens Alexandersson