Íþróttablaðið - 01.06.1991, Blaðsíða 10
„Það hefði verið hægt að þakka mér
unnin störf . .
VORUM NÁLÆGT
ÞVÍ AÐ KOMAST TIL
ÍTALÍU
Cerir fólk sér nægilega grein fyrir
þvíhversu nálægtvið vorum að kom-
ast í úrslitakeppni HM á Ítalíu?
„Nei, ég held ekki og ég tel að við
hefðum getað náð betri árangri. Það
var m.a. hætt við keppnisferð til
Möltu vegna fjárskorts. Einnig tel ég
það hafa verið mikil mistök að láta
leik í lslandsmótinu fara fram á
sunnudegi þegar nokkrir lykilmanna
landsliðsins áttu að leika á miðviku-
degi í Austurríki. Á sama tíma voru
Austurríkismenn með frí í sinni 1.
deild. Ég er ekki alveg viss um að
menn almennt, og þá á ég við bæði
almenning og okkur sem stóðum að
liðinu, hafi gert sér grein fyrir því hve
nálægt við vorum að komast í úrslita-
keppni heimsmeistarakeppninnar."
Er Bo Johanson rétti maðurinn fyrir
landsliðið?
„Ég vil alls ekki dæma um það og
það verður hverogeinn að dæma um
sjálfur. Stjórn KSÍ er kjörin til þess að
velja réttu mennina. Hvort Bo Johan-
son eða einhver annar þjálfari er rétti
maðurinn í starfið læt ég aðra um að
meta. Verkin dæma mennina og það
á bara eftir að koma í Ijós hvernig
hann stendur sig."
Eru einhverjir leikmenn í landslið-
inu sem ekki eiga heima þar?
„Égerekki maðurtil þessaðdæma
um það á þessari stundu því að ég hef
lítið séð til landsliðsins undir stjórn
Bo Johanson. Þetta verður spurning
um það hvaða markmiði eigi að ná.
Bo Johanson sagði að 6 stig í for-
keppni HM '90 væri allt of lítið. Ef
markmiðið er að ná fleiri stigum þá er
eitthvað ákveðið lið valið, en ef
markmiðið er að byggja upp nýtt lið,
t.d. fyrir forkeppni HM '94, getur
Iiðsuppstillingin orðið önnur. Ég veit
ekki hver markmiðin eru þannig að
ég er ekki maður til að dæma um
hvorteinhverjir leikmenn séu í liðinu
nú, sem ekki eiga þar heima."
ÞAÐ ER AUÐVELT
AÐ STILLA UPP 22
MANNA LANDSLIÐI
Hvað með Hörð Magnússon? Nú
myndi það varla gerast annars staðar
í heiminum að markahæsti leikmað-
ur 1. deildar keppni tvö ár í röð fengi
ekki sitt tækifæri með landsliði.
„Þetta hefur reyndar komið upp
áður. Mig minnir að Steinar Jóhanns-
son hafi verið markahæsti leikmaður
1. deildar á sínum tíma, en átti ekki
sæti í landsliði. Auðvitað eiga menn
að hafa skoðanir og maður hefur
heyrt að Hörður ætti að fá sitt tæki-
færi. En þá þarf að taka einhvern út úr
liðinu. Á að taka Eyjólf Sverrisson út
úr liðinu eða Arnór Guðjónsen? Það
er enginn vandi að stilla upp 22
manna liði, en þegar þarf að taka
einhverja út úr liðinu fer málið að
vandast. Annars er þetta mat lands-
liðsþjálfarans hverju sinni og ég er
ekki maður til að svara spurningum
sem Bo Johanson er rétti maðurinn til
að svara."
Nú töpuðu Austurríkismenn á
móti Færeyingum og ítalir fyrir Norð-
mönnum. Er tap gegn Albaníu sams-
konar áfall fyrir íslenska knattspyrnu
eins og þessi töp voru fyrir Austurríki
og Italíu?
„Nei, alls ekki. Albanir eru með
ágætis lið. Þó svo að þeir hafi ekki
verið hátt skrifaðir er lið þeirra ágætt
og menn verða að gera sér grein fyrir
því að ísland er náttúrlega mun fá-
mennara en Albanía. Auðvitað vilj-
um við vinna alla leiki, en við verð-
um þó aðgeraokkurgreinfyrirþvíað
landsliðum hefur oft gengið illa gegn
Albaníu í Albaníu."
KSÍ ÞARF AÐ
STANDA Á RÉTTI
SÍNUM INNAN FIFA
Hvað með tfmasetningar á lands-
leikjum? Nú eru „alvöru" landsleik-
irnir yfirleitt leiknir rétt fyrir eða rétt
eftir íslandsmótið, meðan íslensku
leikmennirnireru ekki ítoppformi og
oft á meðan andstæðingarnir eru í
toppformi á miðju leiktímabiIi sínu.
„Þetta er atriði sem ég hef minnst á
innan KSÍ og Siegfried Held talaði
einnig mikið um. Það er náttúrlega í
hæsta máta óeðlilegt að við séum að
leika landsleiki, t.d. í október eða
jafnvel nóvember. Það geturekki tal-
ist eðlilegt að við þurfum alltaf að
gefa eftir okkar hlut. Við verðum að
standa á rétti okkar. Svo er það aftur á
móti annað mál hvort betri árangur
náist, en það er fyrir öllu að við erum
meðlimir FIFA og eigum að standa
jafnfætis öðrum þjóðum innan sam-
bandsins. Það myndi t.d. henta okkur
best að leika okkar leiki í júní og af
hverju ættum við ekki að standa fastir
á því að leika í júní þegar t.d. Frakkar
segja að þeim henti best að leika 20.
nóvember og þeir fá sínum málum
framgengt? Það er mjög slæmt að
menn skuli gefa svona mikið eftir og
við þurfum að standa fast á okkar
meiningu þvíaðviðerumjafn rétthá-
ir og aðrar þjóðir innan FIFA."
10