Íþróttablaðið - 01.06.1991, Qupperneq 35

„Nei, alls ekki. Ég fæ mikið út úr
því að hreyfa mig - það þekki ég frá
gamalli tíð. Það að hlaupa verkar vel
á mig og mér líður vel á meðan á því
stendur. Svo er það minn metnaður
sem segir mér að ég eigi ekki bara að
vera með heldur eigi ég að hlaupa
lengra. Gamla keppnisskapið var
ekki lengi að koma upp á yfirborðið."
Ætlarðu að vera með í ár?
„Já, ég ætla að vera með en ég er
ekki enn búinn að gera það upp við
mig hvort ég ætla að hlaupa heilt eða
hálft maraþon."
Ertu þá byrjaður að undirbúa þig
eitthvað?
„Já, ég hljóp í Krabbameinshlaup-
inu um daginn svo ég er byrjaður.
Auk þess fer égeftir prógrammi ÍDV.
Blaðið kostar þessa keppni og einn
liðurinn í undirbúningnum er að við
bjóðum lesendum okkar upp á eina
síðu um helgar þar sem reyndir menn
ráðleggja fólki hvernig sé best að
undirbúa sig fyrir hlaup eins og þetta.
Þessu prógammi fylgi ég eftir. Auk
þess fer ég að sýna fyllstu nærgætni í
mat og drykk þegar nær dregur
hlaupinu - allavega í þrjár til fjórar
vikur fyrir hlaupið."
Stundar þú auk þessa einhverjar
íþróttir?
„Já, ég spila fótbolta tvisvar til
þrisvar sinnum í viku með gömlu fé-
lögunum og auk þess veggtennis
einu sinni í viku. Á veturna fer ég svo
á skíði eins oft og veður og tími
leyfa."
„HÆLSÆRI“
Þú þarft ekki að hafa áhyggjur af því lengur
SPENCO „varaskinnið" sér um að vernda
húðina fyrir blöðrum og lagar ef komið er
sár,— Á meðan þú hleypur.
FÆSTIAPÓTEKUM
og betri sportvöruverslunum
35