Íþróttablaðið - 01.06.1991, Blaðsíða 50
„ÞAÐ ER GOTT AÐ VERÐA
ÞREYTT OG VERA ÚTI“
í síðasta maraþonhlaupi hljóp
Anna María Sigurðsson heilt mara-
þon og náði bestum tíma íslenskra
kvenna en hún hljóp maraþonið á
innan við fjórum klukkustundum.
Anna er 29 ára, ættuð frá Fjóni í
Danmörku, er gift Jóni Sigurðssyni
lækni, en hún hefur verið búsett hér
á landi sl. fjögur og hálft ár. Hún er
að útskrifast sem hjúkrunarfræðing-
ur frá Háskóla íslands þessa dagana.
Þetta var þó ekki í fyrsta sinn sem
Anna hljóp maraþon hér á landi.
„Ég hljóp hálft maraþon árið1988.
Ég hef oft hlaupið skemmtiskokk á sl.
tíu árum, hér og erlendis. Árið 1984
tók ég þátt í keppni í Danmörku þar
sem maður byrjar á því að hjóla 25
km, því næst hleypur maður 10 km
og loks syndir maður 1.5 km. Ég byrj-
aði þó ekki að hlaupa fyrir alvöru fyrr
en í Kaliforníu en þar var ég búsett í
tvö ár, 1985 - '87. Það voru allir að
hlaupa þar og ég ákvað að skella mér
með. Þá hljóp ég í fyrsta sinn 10-15
km í einu og hljóp að jafnaði 3-4
sinnum í viku. Svo ég ákvað að taka
þátt í hálfmaraþoni 1988. Árið eftir
hljóp ég ekki í maraþonhlaupi en
1990 ákvað ég að hlaupa heilt mara-
þon."
Undirbjóstu þig eitthvað sérstak-
lega?
„Nei, éggerði það reyndarekki. Ég
var auðvitað í góðri þjálfun en ég
lengdi hlaupið upp í 20 km í tvær
vikur og hljóp lengst 30 km tveimur
vikum fyrir maraþonið. Síðustu tíu
dagana fyrir hlaupið stytti ég vega-
lengdirnar niður í 5 -10 km og hljóp
sex sinnum í viku. Ég var reyndar
miklu betur undirbúin þegarég hljóp
hálfmaraþon 1988."
Hvað með mataræðið fyrir mara-
þon hlaupið?
„Þar gerði ég reyndar mistök. Ég
borða aðöllu jöfnu hollan mat svoég
þurfti ekki að breyta háttum mínum
neitt sérstaklega. Kvöldið fyrir hlaup
borðaði ég pasta, eins og ráðlagt er,
en um morguninn fékk ég mér múslí í
morgunmat og það voru mistök því
eftir 20 km þá fór ég að finna fyrir því.
Það eina, sem ég fann fyrir í hlaup-
inu, voru þessir magakrampar sem
stöfuðu af röngu mataræði um morg-
uninn."
Anna hljóp á innan við fjórum
klukkutímum þessa 42 km í fyrra.
„Já, ég var reyndar búin að segja
fyrir hlaupið að ég yrði ánægð með
að ná þeim tíma en eftir hlaupið var
ég langt frá því að vera ánægð. Mér
leið vel í skrokknum allan tímann,
úthaldið var gott og fæturnir gáfu sig
ekkert svo það eina, sem amaði að,
var maginn. Ég vonast til að ná þess-
ari vegalengd á þremur klukkutímum
50