Íþróttablaðið - 01.06.1991, Blaðsíða 85

þá leikmenn sem skipt hafa úr Vík-
ingi Ólafsvík yfir í önnur félög. Þessi
félagsskapur nefnir sig „Svíkinga" og
ber nafn sitt með rentu því þeir hafa
svikið sitt gamla félag, Víking, með
því að fara í önnur félög. Góð sam-
skipti eru milli Svíkinga og Víkinga
og á 17. júní sl. öttu liðin, í annað
skipti á þjóðhátíðardeginum, kappi
við frábærar undirtektir bæjarbúa.
Af þeim lista, sem hérfer á eftir, má
glögglega sjá að flestir fremstu knatt-
spyrnumenn 1. deildar keppninnar
eru ekki að spila með þeim liðum
sem þeirspiluðu með þegarþeir voru
pollar. Oft hefur því verið haldið
fram að þegar strákar byrji snemma í
fótbolta verði þær taugar, sem þeir
bera til félaganna, svo rammar að
þeirgeti ekki hugsað sér að skipta um
félög. En þetta eru gömul sannindi -
allavega ef marka má þann lista, sem
hér fer á eftir, því leikmenn veigra sér
ekki lengur við að skipta um félög á
grundvelli einhvers ástfósturs sem
þeir hafa tekið við sitt gamla félag.
Listinn er þannig samansettur að
teknir eru til á hann þeir menn sem
leikið hafa meistaraflokksleiki með
þeim liðum, sem þeir hafa alist upp í,
áður en þeir gengu í raðir núverandi
liða sinna. Einnig er að finna á listan-
um menn sem hafa skiptoftaren einu
sinni um félög, t.d. menn sem hafa
verið að koma heim úr atvinnu-
mennsku og gengið í raðir annarra
félaga en þeir voru í áður en þeir
héldu utan.
Á þessum lista eru hvorki fleiri né
færri en sjötíu og tveir leikmenn, en
taka ber það fram að þessi listi er ekki
tæmandi. Það lið, sem hefur flesta
aðkomumenn í sínum röðum, er lið
Víkings með fjórtán aðkomumenn.
Næst kemur KR með tíu aðkomu-
menn, KA með níu, FH átta og Stjarn-
an og UBK með sjö aðkomumenn
hvort félag. í sjöunda sæti eru
Frammarar með sex aðkomumenn,
Valsmenn og Víðismenn eru með
fimm aðkomumenn hvort félag og
ÍBV rekur lestina með aðeins einn
aðkomumann - Arnljót Davíðsson.
Ef litið er til þeirra liða, sem misst
hafa flesta leikmenn, sést að þar
skipa Fram og Víkingur öndvegi. Er
hér e.t.v. komin staðfesting á þeirri
hringamyndun sem áður var talað
um - menn leita sér athvarfs í öðrum
félögum þegar þeir telja sig ekki eiga
sér viðreisnar von í þeim liðum, sem
þeir eru uppaldir hjá, vegna þess að
aðkomumenn hafa gerst þar pláss-
frekir.
HVER VERÐUR
FRAMVINDA MÁLA?
Hvort lykillinn að velgengni ÍBV-
Iiðsins í fyrra hafi verið fólginn í þeirri
staðreynd að leikmenn liðsins höfðu
alist upp hjá sama félaginu og þekktu
hvern annan og þann anda, sem hjá
félaginu ríkir, skal hér ósagt látið.
Allavega talaði árangur Eyjamanna
sínu máli og t.d. í samanburði við
Golffatnaður
frá
LACOSTE
ÚTILÍF"
85