Íþróttablaðið - 01.06.1991, Blaðsíða 27
ogætlasérekki um of íbyrjun. Þaðer
t.d. ekkert sniðugt að byrja á því að
hlaupa 10 km í fyrsta skipti og ganga
nærri frá sér því ef það gerist er hætta
á því að menn fari einfaldlega ekki
aftur út að hlaupa og sprengi sjálfa
sig. Ég ráðlegg fólki að fara hægt og
rólega, t.d. skokka í 20 mínútur eða
eitthvað þess háttar, og auka síðan
jafnt og þétt við sig. Einnig er mjög
sniðugt að vera nokkrir saman því þá
er minni hætta á því að maður gefist
upp þegar róðurinn fer að þyngjast."
Eitthvað sérstakt mataræði sem þú
mælir með?
„Maður má náttúrlega ekki borða
hvað sem er. Það er nauðsynlegt að
vera léttur, sérstaklega í lengri hlaup-
unum og þegar farið er að setja mark-
ið hátt verður að leggja það niður
fyrir sér hvað fer ofan í magann. Ég er
t.d. grönn og fólk heldur að ég sé
rugluð þegar ég segist þurfa að taka af
mér tvö til þrjú kíló, en það eru ein-
mitt þau kíló sem hafa gríðarlega
mikið að segja þegar út á hlaupa-
brautina er komið.
Ég held að íþróttafólk fari ósjálfrátt
að velta því aðeins fyrir sér hvað það
lætur ofan í sig þegar það er komið út
í keppnisíþróttir. Kolvetnarík fæða,
svo sem brauð og spagettf, baunir,
ávextir og fleira í þeim dúr, er megin-
uppistaðan í mínu fæðuvali. Einnig
borða ég mikið grænmeti..."
Ertu þá jurtaæta eða hvað?
„Nei, alls ekki. Ég get borðað nán-
ast hvaða mat sem er, en mér finnst
aftur á móti ekki allur matur góður.
T.d. borða ég kjöt þegar það er borið
á borð fyrir mig, en mér finnst það
ekkert sérstaklega gott. Annað mál er
aftur á móti með fisk sem mér finnst
mjög góður matur. Ég er alveg á því
að maður eigi ekki að afneita ein-
hverri sérstakri matartegund."
En hvað með mataræði fyrir
keppni?
„U.þ.b. viku fyrir keppni í löngum
hlaupum fer ég að leggja meiri
áherslu á kolvetnaríka fæðu til að
byggja upp eins konar forðabú í
vöðvunum. Á keppnisdaginn sjálfan
passa ég mig á því að borða ekki
síðstu þrjá til fjóra tímana fyrir hlaup-
ið sjálft. Þá drekk ég bara vökva, en ef
hungrið er alveg að drepa mig fæ ég
mér einn banana eða eitthvað þess
háttar."
HANN SKELLTI SÉR Á
KLÓSETTIÐ í MIÐJU
HLAUPI
En hvað gerist ef þér verður nú
brátt í brók?
„Það hefur sem betur fer aldrei
gerst hjá mér í keppni og það er ein-
mitt ástæða þess að ég borða svona
löngu fyrir keppnina að maður vill
ekki lenda í þeirri aðstöðu. Fyrir
hlaup er ég orðin það stressuð að
líkaminn hefur losað sig við það sem
hann vill. Málinu er öðruvísi háttað
þegar ég er á æfingum og ég kem
iðulega við á bensínstöðvum til að
„hvíla" mig aðeins.
Annars er nú til ein saga um hlaup-
„Ef ég færi út þyrfti ég helst að fá
hlaupafélaga mína og Gunna Palla
með mér . .
ara sem varð allt í einu rosalega mál
þegar hann var í miðju langhlaupi.
Sagan segir að hann hafi verið heil-
um hringá undan keppinautunum og
hafi verið kominn í svo rosalegan
spreng að hann hafði bara skellt sér á
klósettið og mætt síðan aftur í hlaup-
ið. Hversu mikill sannleikur felst í
þessari sögu skal ég ekkert segja
um!"
Stundið þið langhlauparar ein-
hverjar lyftingar?
„Já, en það eru nær einvörðungu
minni þyngdir sem við lyftum. í vet-
ur, aftur á móti, hefég veriðað styrkja
kálfa og læri og þá hef ég lyft aðeins
meiri þyngdum."
Hvað er það tímatakmark sem þú
stefnir að?
„Égstefni hátt, þaðerengin spurn-
ing. Ég stefni að því að komast í hóp
þeirra allra bestu í heiminum - hinn
svokallaða „Elite-hóp" sem eru 50
bestu hlauparar í heiminum. Það eru
svo rosalega margir hlauparar sem
eru að æfa af krafti í mínum greinum
þannig að ég tel það mjög góðan ár-
angur að komast í hóp 50 bestu.
10 km hlaup er það, sem ég er að
einbeita mér að um þessar mundir,
en til þess að ná langt í því þarf ég að
ná upp meiri hraða en ég hef nú. Það
er einmitt það sem ég og þjálfari
minn, Gunnar Páll Jóakimsson, erum
að vinna að að bæta."
VERÐ AÐ FARA ÚT
EF ÉG ÆTLA AÐ
BÆTA MIG
Hefur þig aldrei dreymt um að fara
til útlanda í nám?
„Jú auðvitað hefur mig dreymt um
að fara út. Ég held að nú sé svo komið
að ég bókstaflega verði að fara út að
æfa og e.t.v. í framhaldsnám - annars
staðna ég. Ég get ekki treyst á það að
næstu vetur verði eins góðir og sá
síðasti og ef ég ætla ekki að staðna
verð ég að æfa nær allan ársins hring
við pottþéttar aðstæður. Ef ég færi út
þyrfti ég helst að fá hlaupafélaga
mína ogGunna Palla með mér því að
ég myndi sakna þeirra svo mikið,
þannig að það er allavega ekki nýir
hlaupafélagar eða nýr þjálfari sem ég
er að sækjast eftir - heldur fyrst og
fremst aðstaðan."
Hvað er það leiðinlegasta sem þú
gerir?
„Þetta er eiginlega spurning sem
ég á engin svör við. Eða jú, segðu að
mér finnist leiðinlegast að gera hús-
verkin - og það er alveg rétt. Mér
hundleiðast þau."
En hvað er það skemmtilegasta
sem þú gerir?
„Mér finnst mjög skemmtilegt að
vera með fjölskyldu minni og ég set
hana ofar öllu. Mér finnst líka mjög
skemmtilegt að borða góðan mat í
góðra vina hópi"
Framtíðardraumar?
„Sem hlaupari stefni ég á það að
komast í hóp þeirra bestu í heimin-
um, eins og ég sagði áður, en hvað
varðar mig persónulega og fjölskyldu
mína vonast ég til að mega vera sátt
við Guð og menn og vera hamingju-
söm í framtíðinni."
27