Íþróttablaðið - 01.06.1991, Blaðsíða 76

TAEKWONDO
sjálfsvarnaríþrótt
Síðastliðin ár hafa sjálfsvarnar-
íþróttireinsogt.d.Judo, Goju Ryu og
Sanku Do-kai náð töluverðum vin-
sældum á íslandi. Þessirausturlensku
sjálfsvarnarstílar, eins og sagt er, öðl-
uðust frægð á sínum tíma þegar kar-
ate- og kung fu-myndir voru hvað
vinsælastar. í kjölfar þeirra urðu
Bruce LeeogChuck Norrisgoðsagnir
í hugum margra.
Nú skýtur orðið Taekwondo
skyndilega upp kollinum og menn
spyrja hvort það sé enn eitt furðulega
austurlenska orðið eða einstök sjálfs-
vörn sem vert sé að leiða hugann að?
Hvað er Taekwondo, hvaðan kemur
íþróttin og hverju hefur hún komið til
leiðar í heimi sjálfsvarnaríþróttanna?
Heimspekileg merking Taekwon-
do er „vegur eða leið handa og fóta"
(þýðingin er síður en svo góð). Þar
sem um vopnlausa sjálfsvörn er að
ræða notar þetta sjálfsvarnarform
orku hugar og líkama til þess að
þroska ákveðna hæfileika. Vel þjálf-
aðir menn, sem beita huga og líkama
rétt, geta brotið 9 sm tréplötu með
krepptum hnefa og 15 sm þykka tré-
plötu með fótsparki.
Fyrir meira en 2000 árum varð
fyrsti vísirinn að Taekwondo til í Kór-
eu. Síðan hefur íþróttin þróast sem
þjóðaríþrótt í Kóreu yfir í alþjóðlega
íþróttagrein. Taekwondo er stundað í
113 löndumog íþróttin er viðurkennd
af alþjóða ólympíunefndinni sem ól-
ympíugrein. í apríl síðastliðnum
hlaut Taekwondo viðurkenningu ÍSÍ
sem íþróttagrein á íslandi. Þótt ís-
lendingar hafi aðeins stundað íþrótt-
ina í 3 ár hefur hún verið viðloðandi
NATO stöðina á Keflavíkurflugvelli
undanfarin 20 ár. Núna er Taekwon-
do kennt í Reykjavík og Hafnarfirði
og eru báðir skólarnir viðurkenndir á
alþjóða vettvangi sem „lögmætir"
Taekwondo skólar.
Fyrir 3 árum stunduðu aðeins 3
aðilar íþróttina á íslandi en í dag eru
þeir um 50 talsins. Þótt börn og ung-
lingar séu þar í meirihluta er síður en
svo nauðsynlegt að byrja að stunda
Taekwondo á unga aldri. Búist er við
að ísland sendi í fyrsta skipti þátttak-
endur á heimsmeistaramótið í Taek-
wondo sem verður í Aþenu í Grikk-
landi í október næstkomandi.
Reynsla þeirra, sem leggja stund á
sjálfsvarnaríþróttir, er sú að þróttur,
sjálfstraust og sjálfsvirðing aukast,
einbeiting verður meiri og viðbrögð
hugans skjótari. Þá er það vitað mál
að rétt öndun eykur blóðstreymi lík-
amans og getur því hugsanlega lengt
ævi þeirra sem henni þeita.
76