Íþróttablaðið - 01.02.1995, Page 9

„GÆTI DREPIÐ
FLUGU MEÐ
PRJÓSKUNNI“
„Um leið og ég sé þessa mynd
skynja ég að hann má ekki gefast
upp. Hann má ekki láta aðra ýta sér
út í enhverja hluti því hann veit hvað
er honum fyrir bestu. Ég veit ekki
hvort hann er í skóla til að læra eða
spila golf en ég skynja tvenns konar
skóla. Ég skynja hann sem einn af
fjórum, fimm útvöldum í einhverjum
skóla tengdu golfi og það er allt já-
kvætt í kringum það. Hann á eftir að
blómstra og aldurinn mun aldrei
standa honum fyrir þrifum í íþrótt-
inni. Hann á eftir að fara oftar holu í
höggi en hann getur ímyndað sér, í
margvíslegum skilningi en hann
verður sjálfur að trúa því. Það er svo
margt jákvættogskemmtilegt í kring-
um hann en hann er ofboðslega
þrjóskur. Hann gæti drepið flugu
með þrjóskunni en það er gott. Núna
er hann farinn að þekkja sín takmörk.
Áður var hann óþolinmóður. Hann á
eftir að skrifa undir góðan samning
sem færir honum peninga. Þetta
verður tímamótasamningur og hefur
enginn íslendingur gert viðlíkan
samning. Þetta opnar ýmsar leiðir
fyrir hann en ég veitekki hvenær það
gerist. Það þarf ekki að vera á þessu
ári. Ég veit ekki hvort hægt er að
dæma víti í golfi en hann verður
ósáttur við eitthvert víti sem hann
fær. Ég skil þetta ekki alveg.
Hann þarf að fara varlega með
aðra öxlina og hálsinn. Svo er hann
mikill matmaður, getur borðað og
borðað en er mjög gagnrýninn á mat.
Sælkeri."
---------------•----------------
„Þetta er mjög áhugavert því ég er
búinn að vera slæmur í öxlinni og
hálsinum frá því síðastliðið sumar,"
sagði Úlfar Jónsson aðspurður um
ummæli Þórhalls. „Hvað varðar
skólana, sem hann nefnir, hef ég lok-
ið námi en úrtökumótin fyrir stóru
mótaraðirnar, PGA og Nike, kallast
„qualifying school" þar sem nokkrir
útvaldir komast að. Vonandi er hann
að tala um þetta. Ég held að allir hafi
gaman af að forvitnast um framtíð-
ina, sé þess kostur, þótt einhverjir
fordómar blundi í sumum. Hvað
golfinu viðkemur lenti ég í ótrúlegri
lægð sem er mjög ólíkt mér því ég
hef yfirleitt verið mjög stöðugur spil-
ari. Fyrri hluta síðastliðins árs spilaði
ég mjög vel en síðan datt ég niður í
einhverja vitleysu. Ég reyndi að laga
sveifluna en það jók bara á vanda-
málin. Fyrst núna tel ég mig vera
búinn að finna lausn á þessum
vandamálum en þá er að efla sjálfs-
traustið aftur því það skiptir höfuð-
máli. Hugarfarið verður að vera rétt.
Ég er því mun bjartsýnni í dag en
fyrir tveimur vikum.
Sigurjón Arnarson og Jón Karlsson
eru líka hér í Orlando og við tökum
þátt í ýmsum mótum á næstu vikum.
Það hefur töluverður tími farið í
flutninga hjá mér og enn er óvíst
hvort ég mun dvelja í Svíþjóð næsta
sumar eins og ég gerði í fyrra. En
helsta verkefnið á árinu er vitanlega
að reyna að komast í þennan úrtöku-
skóla. Ég er bjartsýnn á framhaldið
hjá mér."
9