Íþróttablaðið - 01.04.1997, Qupperneq 59

Kristinn Óskarsson var kjörinn
dómari ársins af þjálfurum liðanna.
Þjálfurunum fannst vanta töluvert
upp á að dómgæslan væri nægilega
góð í kvennaboltanum.
Dómari ársins:
Kristinn Óskarsson 2
Antonio Roberto Cuillo 1
Jón Otti Ólafsson 1
Kristinn Möller 1
Leifur Garðarson 1
Sigmundur Herbertsson 1
Stigin skiptust þannig á milli liða:
ÍBK 12
UMFG 11
KR 9
ÍS 2
UMFN 1
Eftirtaldir tóku þátt í valinu:
Antonio Vallejo, ÍR
Ellert Magnússon, Grindavík
Hannes Jónsson, Breiðablik
Jón Guðbrandsson, Njarðvík
Jón Guðmundsson, Keflavík
Pétur Ingvarsson, ÍS
Svali Björgvinsson, KR
Sheringham með
bensínið í botni!
Á meðan Teddy Sheringham, enski
landsliðsmiðherjinn sem leikur með
Tottenham í úrvalsdeildinni, var
meiddur um og eftir síðustu áramót sat
hann ekki auðum höndum. í samvinnu
vib BP opnaði hann bensínstöð sem
kallast BP Express shopping. Ekki fylgir
sögunni hvort Sheringham á fleiri en
eina bensínstöb en þegar hann hættir
boltasparkinu hefur hann sem betur fer
að einhverju að hverfa. „Má bjóða þér
95 oktan eða diesel," gæti knattspyrnu-
kappinn sagt í framtíðinni, nema hann
ætli lítið að koma nálægt afgreiðslunni.
35.000 tonn af
hrísgrjónum fyrir að tapa
Eins og mörgum er enn í fersku
minni sigraði Argentína Ffolland í úr-
slitaleik heimsmeistarakeppninnar í
knattspyrnu árið 1978, 3:1. Argentína
þurfti að vinna Perú meb þriggja marka
mun til að komast í úrslitaleikinn á
kostnað Brasilíu. Nýlega komust sögu-
sagnir á kreik um það að ríkisstjórnin í
Argentínu hefði mútað hershöfðingj-
unum í Perú til að tapa stórt sem varð
raunin. í stað tapsins fékk Perú 35.000
tonn af hrísgrjónum, skipssendingu af
vopnum og stórar fjárfúlgur. Þetta hef-
ur vitanlega ekki verið staðfest en það
þótt sæta furðu að Perú skyldi setja
varnarmenn í framlínuna í leiknum
gegn Argentínu og aðalmarkvörðinn á
bekkinn. Þá þóttu leikmenn Perú af-
skaplega klaufalegir í þeim dauðafær-
um sem þeir fengu í leiknum. Argent-
ína sigraði nógu stórt til að komast í úr-
slitaleikinn og sól Mario Kempes skein
skært.
Vissir þú...
... að tyrkneska félagið Canakkale Dar-
danel rak sína skærustu stjörnu, Afríku-
manninn Steve Kompela, fyrir það að
byrja með sjónvarpsþátt. Félagið sagði:
,,Við keyptum hann til að tala inni á vell-
inum en ekki utan hans."
... að brasilíski knattspyrnumaðurinn,
Emerson sem leikur með Middles-
borough, leiddist svo mikið í vetur að
hann keypti sér risastóran móttökudisk
og skellti honum á þakið á húsinu sínu
til að geta náð brasilískum sjónvarps-
stöðvum. Nágrannanum leist ekki á
ferlíkið á þakinu, hann kvartaði og knatt-
spyrnustjarnan varð að gjöra svo vel að
rífa diskinn niður — og sætta sig við Sky
og Eurosport!
... að Peter Scmeichel, markvörður
Manchester United, gaf nýlega út geisla-
disk í Danmörku með lagi sem kallast
We can do it. Stóri Pétur rappar í laginu,
spilar á tommur og á gítar. Fjölhæfur
kappi!
... að fyrrum framlínumaður Everton,
Daniel Amokachi sem leikur með
Besiktas í Tyrklandi, var sektaður um
rúmlega 500.000 krónur fyrir að koma
of seint til landsins eftir að hafa verið í
heimsókn hjá sjúkri móður sinni í
London. Besiktas sendi leiguvél til
London þegar þótti sýnt að Amokachi
næði ekki vélinni til Tyrklands. Hann var
varla stiginn úr vélinni en flautað var til
leiks sem hann átti að spila — sem hann
og gerði reyndar. Amokachi segist ekkert
hafa gert af sér og neitar að trúa því að
hann þurfi að borga sektina.
... að knattspyrnustjarnan, George
Weah, fari sparlega með peningana sýna
og eyði þeim ekki í vitleysu eins og
margir í hans „gæðaflokki". Hann fjár-
festi nýlega í fyrirtæki í Tansaníu sem
framleiðir sódavatn. Væri ekki rétt að
bjóða drengnum til íslands til bragða á
besta vatni heims sem het'ur ekki enn
tekist að markaðssetja í útlöndum?
59