Bændablaðið - 02.07.2020, Blaðsíða 46

Bændablaðið | Fimmtudagur 2. júlí 202046
Smábílar sem ekki beint eru brúk-
legir til stórferðalaga eru í raun
óeðlilega vinsælir á Íslandi miðað
við vegi og vegleysur á landinu
öllu. Eftir stórlega fækkun ferða-
manna til landsins og færri seldra
bíla á bílaleigur er mikið úrval
smábíla á ágætis verði hjá bíla-
umboðum.
Í síðustu viku prófaði ég einn
alminnsta bílinn í smábílaflórunni,
Toyota Aygo X-me.
Keyri á mínum hraða og er ekki í
sparakstri við prófun bíla
Toyota Aygo er fáanlegur í sex
mismunandi útgáfum á verði frá
2.160.000 upp í 2.930.000, allir
bílarnir eru með sömu vél, sem er
þriggja strokka 998cc bensínvél sem
á að skila 72 hestöflum. Uppgefin
meðaleyðsla er sögð vera 4,1 lítri
á hundraðið í blönduðum akstri við
bestu aðstæður.
Ég byrjaði að taka innanbæjarrúnt
í frekar þungri umferð og eftir 60
km akstur var mín eyðsla 7,2 lítrar
á hundraðið.
Næst var það lengri keyrsla og
eftir tæpa 40 km sýndi aksturstölvan
mér að þar hefði ég verið að eyða 4,6
lítrum á hundraðið, en þess ber að
geta að ég reyni að passa mig á að
halda frekar umferðarhraða og vera
á mínum forsendum í akstri frekar
en að reyna að ná uppgefinni eyðslu
samkvæmt sölubæklingum.
Mikið af góðum
aukabúnaði í Aygo
Það er ágætlega þægilegt að
sitja í bílstjórasætinu, fótapláss
gott. Bíllinn sem ég prófaði var
næstdýrasti Toyota Aygo og nefnist
x-me. Fannst í fyrstu verðið vera
í hærri kantinum, en þegar allur
aukabúnaðurinn er skoðaður er
verðið nokkuð sanngjarnt.
Aukabúnaðurinn telur í verði
bíla og í Toyota Aygo er m.a. hiti í
sætum, rafmagn í speglum, snerti-
skjár í bakkmyndavél, bluetooth
símakerfi, USB tengi, aksturstölva,
akreinalesari, hemlunarkerfi með
rafeindastýrðu hemlunarkerfi,
sjálfvirkt háuljósakerfi, árekstrar-
öryggiskerfi og fleira. 7 ára ábyrgð
og tveggja ára þjónustupakki fylgir
hverjum Toyota Aygo.
Kom verulega á óvart
á malarveginum
Að keyra bílinn er þægilegt þó að
krafturinn mætti vera aðeins meiri
gagnvart upptakinu. Hefði viljað að
svona lítill bíll mætti vera sneggri
upp í umferðarhraða. Hann liggur
vel á malbiki og fjöðrun ótrúlega góð
gagnvart skemmdum í malbiki. Mun
minni högg upp undir bíl miðað við
marga aðra smábíla.
Á malarvegi er ekki mikið smá-
steinahljóð upp undir bílinn eins og
í flestum smábílum, en það er aðeins
aftast í bílnum sem heyrist í steinum
upp undir bílinn.
Skriðvörnin virkar ágætlega á
lausamöl, tekur ekki allan kraft af
manni þegar hún kemur á í lausri
beygju eins og í sumum öðrum
bílum.
Eins og alla bíla sem ég prófa
þá hávaðamældi ég bílinn og bjóst
við frekar hárri tölu vitandi af litlum
dekkjum og lítið einangruðum bíl þá
var niðurstaðan ekki eins slæm og
ég hafði haldið. Á 90 km hraða var
hávaðinn inni í bílnum í kringum 73
desíbel (db).
Góður bíll en ekki
alveg gallalaus
Ef maður tekur smábíla og líkir
þeim við skóstærð karlmanna
sem er fyrir meðalmenn skóstærð
43–44 þá væri Aygo skóstærð
36 og svona lítill bíll hefur þann
galla að mjórra er á milli hjóla en
á meðalbílum. Það veldur því að
þegar malbik er orðið slitið og rásir
komnar í það, passar bíllinn ekki
í förin. Þá vill hann leita upp úr
förunum á mikið slitnu malbiki
og hæglega snúist ef bleyta er á
veginum. Svolítið eins og það sé
stútur undir stýri.
Varadekkið í bílnum er það sem
ég kalla aumingi, en samt varadekk
líkt og í mörgum öðrum bílum í
dag.
Afturljós kvikna ekki þegar
bíllinn er settur í gang og muna þarf
að snúa ljósatakkanum í hvert sinn
sem farið er af stað til að maður sé
löglegur í íslenskri umferð.
Farangurspláss er ekki mikið, en
að öðru leyti er bíllinn eigulegur og
fínn til styttri ferða og borgaraksturs.
Nánari upplýsingar um bílinn er
hægt að nálgast á vefsíðunni www.
toyota.is þar sem nú eru ýmis sum-
artilboð í gangi.
VÉLABÁSINN
Hjörtur L. Jónsson
liklegur@internet.is
Toyota Aygo x-me. Myndir / HLJ
Svolítið sérstök litasamsetning, en mér finnst hún flott.
Þriggja strokka vélar titra almennt mikið, en þessi titrar lítið.
Tveir farþegar í aftursæti. Báðir undir 180, ekkert of mikið pláss í viðbót
fram á við, en gott til hliðanna.
Hávaði inni í bílnum mældist með
minna móti í svona litlum bíl.
Frekar óskýr bakkmyndavélin, en gerir sitt gagn.
Í Toyota Aygo þarf að muna eftir að
kveikja ljós í hvert sinn sem farið
er af stað.
Lengd 2.340 mm
Hæð 1.460 mm
Breidd 1.615 mm
Helstu mál og upplýsingar
Lely Center Ísland
Reykjavík: Krókháls 5f – Sími 414 0000 – www.vbl.is
Akureyri: Óðinsnes 2 – Sími 464 8600
KÚPLINGAR í flestar
gerðir dráttarvéla