Víkurfréttir - 15.07.2020, Side 8

Við gerum ráð fyrir
að framkvæmdirnar
hefjist af fullum
krafti á næsta ári
og að heimilið verði
svo tekið í notkun
um mitt ár 2023 ...
Samið um byggingu nýs 60 rýma
hjúkrunarheimilis í Reykjanesbæ
Samið hefur verið um byggingu nýs 60 rýma hjúkrunarheimilis í
Reykjanesbæ. Svandís Svavarsdóttir, heilbrigðisráðherra, og Kjartan
Már Kjartansson, bæjarstjóri Reykjanesbæjar, undirrituðu fyrir nokkru
samning um nýtt 60 rýma hjúkrunarheimili. Gert er ráð fyrir að heim-
ilið verði tekið í notkun um mitt ár 2023.
„Þessi stækkun er stórt skref fyrir
okkur Suðurnesjamenn, enda
þörfin á fleiri hjúkrunarrýmum
brýn. Þetta ár verður nýtt til undir-
búnings á framkvæmdinni og 2. júlí
síðastliðinn var til dæmis farið yfir
tillögu að breytingum á deiliskipu-
lagi og hún send áfram til Skipu-
lagsstofnunar til endanlegrar af-
greiðslu. Við gerum ráð fyrir að
framkvæmdirnar hefjist af fullum
krafti á næsta ári og að heimilið
verði svo tekið í notkun um mitt
ár 2023,“ segir Kjartan Már Kjart-
ansson, bæjarstjóri Reykjanes-
bæjar.
Nýbyggingin mun rísa við hlið
núverandi hjúkrunarheimlis á Nes-
völlum og verður samtengd þvi ́í
samræmi við áherslur Reykjanes-
bæjar. Með tilkomu heimilisins
fjölgar hjúkrunarrýmum í bæjar-
félaginu um 30 en hin 30 rýmin
koma í stað þeirrar rýma sem nú
eru í notkun hjúkrunarheimilinu á
Hlévangi sem verður þá lokað.
„Þetta er gleðidagur sem markar
upphafið að stórri og mikilvægri
framkvæmd fyrir íbúa á þessu
svæði. Hjúkrunarrýmum fjölgar
umtalsvert með þessari fram-
kvæmd sem er mikilvægt. Þá er
ekki síður gott til þess að vita að
hér verður aðstaða sem stenst
kröfur um aðbúnað eins og best
verður á kosið, bæði fyrir íbúa og
starfsfólk,“ segir Svandís Svavars-
dóttir, heilbrigðisráðherra.
Áætluð stærð nýja hjúkrunar-
heimilisins er um 3.900 fermetrar
og áætlaður framkvæmdarkostn-
aður er um 2.435 milljónir króna.
Samkvæmt samningnum er
framkvæmdin á höndum sveitar-
félagsins. Reykjanesbær annast
fjármögnun framkvæmdakostn-
aðar en heilbrigðisráðuneytið
greiðir sveitarfélaginu 85% kostn-
aðarins á árunum 2020–2023 í
samræmi við framvindu verksins.
Sveitarfélagið mun greiða 15% af
framkvæmdakostnaði.
Engar athugasemdir við
deiliskipulag Nesvalla
Engar athugasemdir bárust við tillögu að breytingu á deiliskipulagi
Nesvalla vegna lóðanna Njarðarvellir 2 og Móavellir 1–13 vegna fyrir-
hugaðrar stækkunar á hjúkrunarheimili um 60 ný hjúkrunarrými.
Umhverfis- og skipulagsráðs Reykjanesbæjar hefur því samþykkt að
senda tillöguna til Skipulagsstofnunar til endanlegrar afgreiðslu.
Nesvellir í Reykjanesbæ

Elskuleg eiginkona mín, móðir okkar, tengdamóðir,
amma og langamma,
SIGRÚN ERLA HELGADÓTTIR,
Vallarbraut 6, Reykjanesbæ,
lést á Heilbrigðisstofnun Suðurnesja laugardaginn 11. júlí
í faðmi fjölskyldunnar.
Útförin fer fram frá Keflavíkurkirkju miðvikudaginn 29. júlí kl. 13.
Ragnar Birkir Jónsson
Guðmundur K. Birkisson Erla Guðjónsdóttir
Valgerður Hrefna Birkisdóttir Eyjólfur Gísli Garðarsson
Helga Magnea Birkisdóttir Ólafur Jóhannes Sólmundsson
barnabörn og barnabarnabörn
8 // víkurFrÉttir á SuðurNESjuM í 40 ár
Miðvikudagur 15. júlí 2020 // 28. tbl. // 41. árg.