Víkurfréttir - 15.07.2020, Blaðsíða 36

Keflavík og RKV (Reynir, Keflavík og Víðir)
sendi samtals átján lið til keppni á Símamótinu.
Í 7. flokki voru þrjú lið, í 6. flokki voru sjö lið og
í 5. flokki voru átta lið.
„Í 5. flokki vorum við með næstflest lið á
eftir mótshöldurum í Breiðabliki. Það er sem-
sagt mikill fjöldi hjá okkur og fer fjölgandi. Það
er mesti árangurinn hvað eru margar öflugar
stelpur hjá okkur,“ segir Sólrún Sigvaldadóttir,
yfirþjálfari liðanna.
Liðunum gekk mjög vel á mótinu. Keflavík 1 í
7. flokki vann sinn riðil og fékk bikar að launum.
Í 6. flokki voru þrjú lið sem unnu sína riðla og
fengu bikar. Keflavík 4, Keflavík 6 og Keflavík
7 ásamt því að Keflavík 2 og Keflavík 5 töpuðu
naumlega úrslitaleik og fengu því silfur.
„Í 5. flokki þá vorum við eins og ég sagði að
framan með næstflest lið á mótinu. RKV 1
endaði í 5. sæti í keppni A-liða,“ segir Sólrún. Öll
lið stóðu sig auðvitað mjög vel og sýndu mjög
góða spilamennsku og mikla baráttu.
Á fimmtudeginum fyrir mótið héldu liðin
sameiginlegt Keflavíkur/RKV grill til að mynda
stemmingu fyrir mótinu og leikmenn meistara-
flokks Keflavíkur heilsuðu uppá stelpurnar og
hvöttu þær til dáða.
Njarðvík sendi sex lið til keppni á Símamótið
í ár. Tvö lið í 5. flokki, tvö í 6. flokki og tvö í
7. flokki. Alls fóru því hátt í fimmtíu hressar
Njarðvíkur stelpur á mótið og skemmtu sér frá-
bærlega. Ákveðið var að gista og taka þátt í öllu
enda var mótsstjórn búin að vinna mjög flotta
aðgerðaráætlun vegna Covid-19.
Smá samantekt á helginni hjá Njarðvík:
5. flokkur
Lið 1 endaði í 1. sæti í sinni deild og fékk bikar.
Lið 2 endaði í 2. sæti eftir tap í hörku úrslitaleik.
6. flokkur
Lið 1 endaði í 6. sæti.
Lið 2 endaði í 5. sæti.
7. flokkur
Lið 1 endaði í 2. sæti eftir tap í hörku úrslitaleik.
Lið 2 endaði í 1. sæti eftir hörkubaráttu í úr-
slitaleik.
Einkunnarorð Njarðvíkur er Leikgleði-Sam-
vinna-Dugnaður og stóðu stelpurnar sig frábær-
lega að mati þjálfara og voru félaginu til sóma.
Grindavík sendi einnig lið til þátttöku á Síma-
mótinu. Grindvíkingar komust ekki á verð-
launapall en allir skemmtu sér vel.
Í þessari opnu eru myndir sem þátttakendur
og foreldrar hafa sent okkur frá Símamótinu.
SKEMMTU SÉR VEL Á SÍMAMÓTINU
36 // víkurFrÉttir á SuðurNESjuM í 40 ár
Miðvikudagur 15. júlí 2020 // 28. tbl. // 41. árg.