Víkurfréttir - 15.07.2020, Blaðsíða 54

Minning: Jón Borgarsson – Jaðri
Hvað eru að segja maður? Viltu að ég leiki veislustjóra? Nei, ég
verð það sjálfur en gætir þú tekið með þér nokkrar vísur og lesið
fyrir Eyfellingana. Þeir eru öllu vanir og spurning hvort þú sækir
ekki efni í neðstu skúffuna. Já, ég get leikið hvað sem er fyrir þig
vinur, í neðstu skúffuna segir þú, mér þykir þeir vera harðir af sér
að vilja það efni.
Eitthvað á þessa leið var samtal
okkar Jóns þegar ég bað hann
að koma með mér á Þorrablótið
í Skógum. Bæjarstjórinn í Garði
gat ekki haft með sér betri mann
en sjálfan borgarstjórann úr
Höfnum. Þetta var sautján tíma
ferðalag og betra að hafa með sér
mann sem var ekki þögull, héldi
manni vakandi á keyrslunni.
Á Skógabrúnni voru 300 km í
Hafnir og ég áhyggjufullur að
halda mér vakandi eftir langan
dag. Ráðið við því var að spyrja
um Vegagerðina en það var eins
og að kveikja á útvarpsþætti.
Borgarstjórinn var þegar kominn
í símtalið við Vegagerðina sem
hann átti nokkrum dögum fyrr.
Þremur tímum síðar rennum
við í hlað á Jaðri í Höfnum og
borgarstjórinn var með síðustu
setninguna á vörunum. Stúlkan
á símanum vissi ekki að menn-
irnir á Heiðinni væru farnir til
síns heima og rétt að færa bið-
skylduna á Hafnarveginum yfir
á veginn að herstöðinni. Undir
þessari einræðu hefði enginn
sofnað.
Jón var ljúfur og vinsæll maður
í samfélaginu. Hann sagði mér
frá því að hann ætti 1000 börn,
öll börnin sem sóttu Njarð-
víkursundlaugina meðan hann
starfaði þar. Jón var svona
maður, átti hug og hjörtu allra. Í
jakkaboðungnum var hann með
merki stjórnmálaflokkanna og í
bindinu merki Njarðvíkur og
Keflavíkur. Hann var einfald-
lega húmoristi sem gerði grín
af uppskafningum og snobb-
hænsnum sem allt þóttust eiga.
Ég er ekki viss hvort við vorum
í sama stjórnmálaflokki en klár-
lega skoðanabræður. Jón var fín-
gerður reglumaður, léttur í lund
og fór vel með, dyttaði að sínu
og sinnti ýmiss konar heima-
framleiðslu sem þótti bera af.
Þegar hann hafði gert við bíla
fyrir barnabörnin stakk hann
stundum pela af eðalvatni úr
Höfnunum í hanskahólfið sem
gat sparað dýr innkaup. Það kom
sér vel að hann hafði aldrei sagt
upp vinnuaðstöðunni hjá ÍAV á
varnarsvæðinu eða HS Orku þó
launasamningurinn hafi runnið
út. Aðstaðan var verklögnum
sívinnandi öldungi mikilvægari
en nokkur laun og klárlega nutu
þess margir. Jón var Lionsmaður
af betri gerðinni, skemmti-
legur vinur, gerði óspart grín af
sjálfum sér og öðrum, var góður
sögumaður og frábær flytjandi
bundins máls. Að eigin sögn var
hann fluttur fjórtán ára frá Hest-
eyri í Hafnir til að bæta stofn
Suðurnesjamanna. Það tókst
vonum framar. Hann bjó alla tíð
í Höfnum og að vestfiskri hóg-
værð kallaði hann það að fara
yfir heiðina þegar hann ók til
Njarðvíkur. Jón var hispurslaus
og þegar heilsunni fór að hraka
sat hann hjá lækni sem var eitt-
hvað hikandi. Þá hjálpaði borgar-
stjórinn ungum lækni og sagði
við hann. Kæri vinur, hafðu
engar áhyggjur að segja mér
hvað sé að mér. Ég hef gert allt
í þessu lífi sem mig langar til og
hef þurft að gera og á nú ekkert
eftir ógert. Vertu því ófeiminn
að segja mér vonda frétt. Hann
hristi það allt af sér en heimur
hans sjálfs tók að lokum yfir og
lífið hvarf honum eins og vest-
firsku fjöllin hulin þoku. Í þann
heim vildi vinur minn aldrei
flytja.
Jón Borgarson átti bara jafn-
ingja í lífinu en skoðar nú verk-
stæðin á öðru tilverustigi og ég
sé hann í anda svara almættinu:
„Hvað ertu að segja maður?“
Votta fjölskyldu
fallins vinar samúð.
Ásmundur Friðriksson,
vinur.
Heyrnarmælingar, ráðgjöf og heyrnartækjaþjónusta
Bókaðu tíma í síma 568 6880 eða á www.heyrnartaekni.is
Vantar þig heyrnartæki?
Opn S eru ný tegund heyrnartækja frá Oticon sem hjálpa þér að
heyra margfalt betur í fjölmenni og klið. Þú getur fengið Opn S
með endurhlaðanlegum rafhlöðum. Árni Hafstað, sérfræðingur
hjá Heyrnartækni, verður í Reykjanesbæ í júlí.
Reykjanesbær
28. júlí 2020
Heyrnartækni | Glæsibæ | Álfheimum 74 | 104 Reykjavík | Landsbyggðaþjónusta | Sími 568 6880
Kaffibollinn
frá Kaffitári í
allar Kjör- og
Krambúðir
Samkaup undirritaði nýlega
samstarfssamning við Kaffitár.
Samningurinn felur í sér að kaffi
og kaffivélar frá Kaffitári verða í
öllum Kram- og Kjörbúðum Sam-
kaupa. Viðskiptavinum býðst nú
rjúkandi bolli frá Kaffitári í versl-
ununum sem staðsettar eru um
allt land.
„Við erum hæstánægð með
samstarfið og að geta nú fært við-
skiptavinum okkar um land allt há-
gæða kaffi. Stefna Kaffitárs hvað
varðar samfélagslega ábyrgð er
algjörlega í takt við okkar eigin.
Það skiptir okkur miklu máli að
vera í samstarfi við fyrirtæki með
svipaða sýn í umhverfis- og sam-
félagsmálum og við,“ segir Linda
Sigurbjörnsdóttir, aðstoðarfram-
kvæmdastjóri innkaupasviðs Sam-
kaupa.
Kaffitár er með skýra stefnu í
umhverfis- og samfélagsmálum.
Fyrirtækið verslar 80% af kaffi
sínu beint frá bónda. Þetta tryggir
bestu mögulegu gæði á kaffinu auk
þess að bændurnir fá vel greitt
fyrir vinnuna sína án aðkomu
milliliða. Kaffið er flutt inn til Ís-
lands og því pakkað hér.
„Við erum mjög stolt af því að
vera komin í samstarf með Kjör- og
Krambúðunum. Þetta er byrjunin
á góðu samstarfi, viðskiptavinum
okkar til heilla. Við hjá Kaffitári
viljum meina að á hverjum degi
gleðjum við fjölda manns með
góðum kaffibolla. Saman getum
við glatt viðskiptavini okkar, einn
kaffibolla í einu,“ segir Sólrún Björk
Guðmundsdóttir, sölustjóri Kaffi-
társ.
vf is
Miðvikudagur 15. júlí 2020 // 28. tbl. // 41. árg.
54 // víkurFrÉttir á SuðurNESjuM í 40 ár