Víkurfréttir - 15.07.2020, Page 65

Jón var á síðasta ári í viðtali á heimasíðu Útgerðarfélagsins
Vísis sem hann vinnur hjá. Þar var hann spurður hvort eitt-
hvað skemmtilegt eða furðulegt atvik stæði upp úr sem hann
hefur verið að mynda?
„Ég hef nú séð alls konar; minka, tófur, fiska og alls konar
í fjörunni. En einu sinni gekk ég fram á allsnakinn kvenmann
út í fjöru. Ég var með afastráknum að reyna að mynda Pál
Jónsson sem var að koma í höfn fyrir sjómannadaginn. Þegar
ég kem niður í fjöru eru þær fullklæddar og ég heilsa þeim
og fer niður í flæðamálið að taka myndir. Svo þegar ég sný
mér við þá heyri ég eitthvað skrjáf og ein er orðin allsnakin
búin að klæða sig inn í plast og veifar höndunum einhvern
veginn og hin er að taka myndir. Afastrákurinn hefur aldrei
horft svona vel niður fyrir lappirnar á sér þegar við erum að
labba til baka og ég stóðst ekki mátið og smellti einni. Ég
hugsaði að ef ég segi frá þessu þá trúir mér enginn. Þetta er
það furðulegasta sem ég hef séð, skrítnasta og fyndnasta.
Þetta voru víst þjóðverjar á ferð því einhverjir fleiri höfðu
orðið varir við þessar konur sem voru víst mæðgur.“
Allsnakin kona í fjörunni
65 // víkurFrÉttir á SuðurNESjuM í 40 ár Miðvikudagur 15. júlí 2020 // 28. tbl. // 41. árg.