Víkurfréttir - 19.08.2020, Qupperneq 10

Ljósanótt 2020 verður ekki haldin. Menningar- og atvinnuráð Reykjanesbæjar lagði fram til bókunar
á fundi sínum þann 12. ágúst síðastliðinn að Ljósanótt yrði aflýst í ár í ljósi þess óvissuástands sem ríkir
vegna Covid-19.
Yfirskrift Ljósanætur í ár var „Ljósanótt í
höndum bæjarbúa“ þar sem til stóð að veita
íbúum styrki til að standa fyrir smærri við-
burðum víðs vegar um sveitarfélagið. Á fjórða
tug umsókna barst og því ljóst að samstaða
bæjarbúa er mikil. Menningar- og atvinnuráð
telur þó nauðsynlegt að sveitarfélagið gangi á
undan með góðu fordæmi og taki ábyrga af-
stöðu í ljósi stöðunnar. Bæjarstjórn Reykjanes-
bæjar tók fundargerð Menningar- og atvinnu-
ráðs til umræðu og afgreiðslu á fundi sínum
þann 18. ágúst.
Bókun Menningar- og atvinnuráðs:
Menningar- og atvinnuráð tekur undir sjón-
armið stýrihóps Ljósanætur og telur sýnt að
ekki verði gerlegt að halda Ljósanótt dagana
2.–6. september n.k. í ljósi þeirra samkomu-
takmarkana sem nú eru í gildi auk tveggja
metra reglu. Ráðið telur mikilvægt að sveitar-
félagið sýni ábyrgð og stuðli ekki að óþarfa
samsöfnun fólks á óvissutímum. Ráðið leggur
því til að hátíðinni 2020 verði aflýst.
Um leið lýsir ráðið mikilli ánægju með góð
viðbrögð við yfirskrift hátíðarinnar „Ljósa-
nótt í höndum bæjarbúa“ en á fjórða tug um-
sókna barst í sérstakan Ljósanætursjóð sem
settur var á laggirnar til að gera íbúum kleift
að standa að smærri viðburðum víða um
bæinn. Ráðið leggur áherslu á að slíkur sjóður
verði einnig opinn fyrir umsóknir á næsta ári
svo íbúar geti með virkari hætti tekið þátt í að
skapa hátíðina. Ráðið hvetur umsækjendur
til að halda áfram að móta hugmyndir að fjöl-
breyttum viðburðum og koma sterk inn að ári.
Ráðið mælist til þess að tekið verði tillit til
þess í fjárhagsáætlun næsta árs og fjármagni
sem ætlað var í Ljósanótt 2020 verði bætt við
fyrirhugað fjármagn Ljósanætur 2021.
Hólmsteinn fær tvær milljónir í viðhald
Bæjarráð Suðurnesjabæjar hefur samþykkt að verja tveimur milljónum
króna til viðhalds á bátnum Hólmsteini GK sem er hluti af byggðasafninu
sem staðsett er á Garðskaga.
Verkefnið verður fjármagnað af liðnum menningarmál. Jafnframt á að
vinna unnin áætlun um frekara viðhald á bátnum sem hefur látið nokkuð
á sjá síðustu misseri.
Afhentu 660.000 krónur
í minningu Áslaugar Óladóttur
Vinkonur Áslaugar Óladóttur heitinnar afhentu Samtökum um
kvennaathvarf 660.000 krónur sem vinir, skólafélagar og fjöl-
skylda Áslaugar söfnuðu í tilefni að því að 6. ágúst hefði Áslaug
orðið 40 ára hefði hún fengið að lifa.
„Styrkurinn rennur beint í splunkunýtt verkefni sem við hlökkum
til að kynna fyrir ykkur fljótlega en látum nægja núna að opinbera
hið fremur óþjála vinnuheiti „framúrskarandi, þverfagleg þjónusta
við börn í dvöl“ og markmiðið sem er að auka lífsgæði krakkanna
okkar í nútíð og framtíð. Við þökkum fólkinu hennar Áslaugar fyrir
okkur og lofum að vanda okkur við að eyða söfnunarfénu,“ segir á
Facebook-síðu Samtaka um kvennaathvarf.
Engin Ljósanótt í ár
10 // vÍkurFrÉttir á suðurNEsJuM Í 40 ár
Miðvikudagur 19. ágúst 2020 // 31. tbl. // 41. árg.