Víkurfréttir - 02.09.2020, Blaðsíða 8

Stjórn knattspyrnudeildar Ungmennafélags
Njarðvíkur hefur farið þess á leit við Reykja-
nesbæ að deildin fái til umráða, líkt og undan-
farin ár, hluta af bílastæðum sem eru við knatt-
spyrnuvöll deildarinnar við Afreksbraut.
Knattspyrnudeildin stefnir að því að bjóða
upp á pláss til geymslu fyrir bíla til lengri eða
skemmri tíma og er þá einkum horft til bílaleiga
sem starfa á svæðinu. Geymsla bíla hefur reynst
deildinni dýrmæt fjáröflun síðustu ár. Í umsókn-
inni til Reykjanesbæjar segir að bílastæðið sé lítið
notað mestallt árið. Þá hefur deildin áhuga á að
gerður verði samningur til tveggja ára. Verkefnið
sé hugsað sem fjáröflun fyrir starfsemi deildar-
innar en á þessum fordæmalausu tímum er
mikilvægt að allir standi þétt saman. Bæjarráð
Reykjanesbæjar tók jákvætt í erindið á síðasta
fundi sínum og fól bæjarstjóra að vinna áfram
í málinu.
Á myndinni má sjá umrætt bílastæði við
Afreksbraut í Njarðvík. VF-mynd: HBB
Vilja bílastæði við Afreksbraut til fjáröflunar
Nú þegar fyrir liggja hertar sóttvarnaraðgerðir á landamærum Íslands,
telur bæjarstjórn Reykjanesbæjar einsýnt að grípa verði til áhrifaríkra
mótvægisaðgerða til stuðnings þeim aðilum sem verða fyrir þungu
höggi vegna þeirra.
Atvinnuleysi mælist nú 19% í
Reykjanesbæ og þá á eftir að að
meta þær uppsagnir sem Isavia og
Fríhöfnin hafa nú gripið til. Reikna
má með að flestir þeirra 195 sem
þar misstu vinnuna búi á Suður-
nesjum.
Bæjarstjórn Reykjanesbæjar
hvetur því ríkisstjórn Íslands til
þess að ráðast nú þegar í aðgerðir
til hjálpar þeim einstaklingum og
fyrirtækjum sem þessar aðgerðir
bitna hvað harðast á.
Þrátt fyrir að það sé hægt að
skilja þörfina fyrir slíkum sóttvarn-
araðgerðum er ekki hægt að láta
einstaka landshluta bera stærstan
hluta þess efnahagslega skaða sem
óneitanlega hlýst að af þessum að-
gerðum. Mótvægisaðgerðir verða
tafarlaust að koma til.
Bæjarstjórn Reykjanesbæjar
vill því hvetja ríkisstjórn Íslands
og þingmenn svæðisins til dáða.
Það eru fjölmörg atvinnuskapandi
verkefni sem hægt er að ráðast í
með litlum fyrirvara og nú ríður á
að allir rói í sömu átt til þess að lág-
marka þann skaða sem nú þegar er
orðinn, segir í bókun Bæjarstjórnar
Reykjanesbæjar á fundi hennar
1. september.
Ríkisstjórnin hvött til að fara í
aðgerðir fyrir Suðurnesin
Atvinnuleysi
mælist nú 19% í
Reykjanesbæ og þá
á eftir að að meta
þær uppsagnir sem
Isavia og Fríhöfnin
hafa nú gripið til ...
8 // vÍkurFrÉttir á suðurNesJuM Í 40 ár