Víkurfréttir - 02.09.2020, Blaðsíða 73

– En þið hafið verið að fram-
leiða vegan-vörur fyrir verslun
í Reykjavík?
Sigurður jánkar því og segir að það
hafi gerst í framhaldi af því að við-
skiptavinur hafi prófað vegan-vörur
hjá þeim og hann hafi látið versl-
unina vita. Í framhaldi af því hefur
Hérastubbur bakað vegan-vörur og
sendir búðinni í borginni þrisvar
sinnum í viku. „Bakkelsið er með
límmiðum frá Hérastubbi því það
þarf að vera innihaldslýsing á öllum
vegan-vörum,“ segir Siggi.
Hrafnhildur segir að það berist
mikið af sérpöntunum og þá meira
í tertum. „Núna er Þristakakan og
saltkaramellukakan vinsælar en svo
bökum við líka mjög oft marsipan-
tertu með jarðarberjafyllingu. Svo
prófuðum við nýja blöndu með
jarðarberjum, kókosbollu og vanillur-
jóma og hún hefur fengið góðar mót-
tökur. Við erum hér til að þjónusta
fólk og hvetjum fólk til að panta t.d.
deginum áður,“ segir bakaradóttirin
með brosi á vöru og jánkar spurn-
ingu blaðamanns um það hvort þau
baki eitthvað gamaldags eins og
franskbrauð. Pabbi hennar svarar
þessu nokkuð ákveðið líka og kinkar
kolli. „Jú, við erum í þessu hefð-
bundna og sumir segja gamaldags
brauðum og kökum að sjálfsögðu
líka. Ég get bætt normalbrauðinu við
í þá umræðu. Það er svakalega gott
hjá okkur. Já og gömlu formkökurnar,
sandkaka, jólakaka og möndlukaka.
Við eigum dyggan viðskiptavin, eldri
mann í Vogum sem pantar svona
reglulega,“ segir hann.
Bakari – ekki leikari
Nafnið á bakaríinu er dregið út úr
samnefndu leikriti um Hérastubb
en Siggi bakari lét hugann jafnvel
reika í að verða leikari þegar hann
var yngri. Úr því varð ekki. Bakari
skyldi strákur verða.
Hérastubbur er opinn alla daga
og fjölskyldan skiptist á að vinna
um helgar. Fjöldi viðskiptavina utan
Grindavíkur lætur sig ekki muna um
að skjótast í bæinn og ná sér í súr-
deigsbrauð eða vegan-kleinuhring
með bleiku glassúri. Við fengum
sögu af hvernig hægt var að gera
glassúrið vegan. „Við tókum út
rauðan matarlit og notum sólberja-
saft í staðinn,“ sagði Hrafnhildur
sem hefur þurft að hugsa margt upp
á nýtt í bakaríinu. Í Grindavík hafa
jarðskjálftar verið allt að því daglegt
brauð og ótrúlegt en satt þá kom
einn stærsti skjálfti ársins á meðan
Víkurfréttamenn voru í heimsókn.
Arsenal og Grindavík
Í lok heimsóknarinnar fengum við að
heyra að fjölskyldan væri ekki bara
í bakstri heldur séu þau öll forfallnir
aðdáendur enska knattspyrnuliðsins
Arsenal, að Grindavík ógleymdu
að sjálfsögðu. „Við eigum ársmiða
á Emirates, heimavöll Arsenal, en
höfum ekki farið síðustu mánuði út
af Covid – en það koma dagar von-
andi fljótlega. Við höfum hér heima
stutt Grindvíkinga og Þrótt í Vogum
og erum ánægð með það.“
Siggi segist hvergi vera hættur í
bakarísrekstri og bætir því við að
með nýju fólki fylgi breyttir tímar
en hann hefur þurft að hafa sig allan
við til að vera með dótturinni í hug-
myndavinnunni. Það hafi þó gengið
vel. Reynslan segi líka sitt. „Nýju
fólki fylgja breyttir tímar en við
fylgjum straumnum þar sem dóttirin
leiðir okkur áfram veginn.“
„Jú, við erum í þessu
hefðbundna og sumir
segja gamaldags
brauðum og kökum
að sjálfsögðu líka.
Ég get bætt
normalbrauðinu
við í þá umræðu.
Það er svakalega
gott hjá okkur ...
Núna er
Þristakakan og
saltkaramellukakan
vinsælar en svo
bökum við líka mjög
oft marsipan tertu með
jarðarberjafyllingu.
Svo prófuðum við
nýja blöndu með
jarðarberjum,
kókosbollu og
vanillurjóma og
hún hefur fengið
góðar móttökur ...
Hrafnhildur er alger meistari
þegar kemur að bakaralistinni,
hún hefur útbúið fjölmargar
vegan-uppskriftir að
gómsætu bakkelsi.
Vegan-snúðarnir eru
sannkallað lostæti.
Það er stutt í gleðina í bararíinu í Grindavík.
vÍkurFrÉttir á suðurNesJuM Í 40 ár // 13