Víkurfréttir - 02.09.2020, Blaðsíða 86

Hvað er til ráða?
Fréttir undanfarna daga hafa ekki
beint blásið vonarglæðum í hjarta
manns um komandi vetur. Metfjöldi
atvinnulausra og mun sú tala án efa
hækka á næstunni.
Eins og gerðist í framhaldi af
hruninu 2008 sem leysti úr læðingi
mikinn sköpunarkraft einstaklinga
þá vonar maður að það sama gerist
núna út um allt land. Ferðalög innan-
lands þjöppuðu þjóðarsálinni meira
saman en ég tel að dæmi séu um.
Margir fóru á staði sem þeir höfðu
aldrei komið á áður og var ég sjálfur
þar engin undantekning. Fór með
öll mín 70 aukakíló alveg upp efsta
part að Dynjanda og var það stór-
kostleg stund fyrir sálina, lappirnar
og hjartað.
En núna er veturinn að hefjast
með meiri rútínu fyrir alla og þá
veltir maður því fyrir sér hvaða
möguleika hefur þetta svæði á að
byggja upp fleiri stoðir í atvinnu-
lífinu. Margt kemur til greina:
Uppbygging gróðurhúsa
Álversbyggingin er að manni skilst
bara stálgrindarhús. Hægt væri að
hafa þar lóðrétta ræktun eins og
hefur gefist vel á öðrum stað á Ís-
landi.
Fyrir utan álvershúsið er auðvitað
nægt landrými víða á Reykjanesinu
fyrir slíka starfsemi.
Ávextir taka lengri tíma en græn-
meti að rækta en ekki má heldur
gleyma valmúafræjum sem er orðið
leyfilegt að rækta á Íslandi og alla-
vega eitt fyrirtæki þegar byrjað á því.
Þar geta legið miklir möguleikar.
Uppbygging á
ferðamannastöðum
Koma þarf þjónustumiðstöð sem
talað hefur verið um á Reykjanesi
í gagnið. Staðsetning við Reykja-
nesvita er góð en einnig hefur verið
talað um fyrir ofan Seltjörn, rétt fyrir
neðan mótorkrossbrautina.
Laga þarf veginn að Selatöngum,
slæmur malarvegur sem er ekki
langur.
Laga þarf veginn að Krísuvíkur-
bjargi. Er að verða ófær litlum bílum
og stærri rútum. Er ótrúlega flott
svæði með mikla möguleika.
Gera þarf endurbætur á merk-
ingum á göngustígum. Stika þá og
merkja betur upphafs- og enda-
punktana.
Söfn. Við höfum beðið lengi eftir
hersafni/varnarliðssafni. Spurning
er hvort að til sé húsnæði fyrir það
einhvers staðar á svæðinu sem hægt
væri að fá styrk fyrir leigu í einhvern
tíma.
Fjöldi ólíkra safna gefur okkur
ákveðna sérstöðu á landsvísu og
þarna væri hægt að hafa meiri sam-
vinnu milli safna. Aðgangseyrir inn
á allt Reykjanesið til dæmis varðandi
söfnin er ein hugmynd.
Fleiri hugmyndir eru til varð-
andi ferðamannaiðnaðinn en inn-
viðir okkar eru að sumu leyti veiki
punkturinn og þar er oftast nefnt
salernisaðstöðuleysið sem hefur háð
svæðinu í dagsferðum um svæðið
eftir því sem ferðaþjónustufyrir-
tækin segja.
Halda áfram að markaðsetja Blue
Diamond-hugmyndina sem var
varpað fram fyrir þó nokkrum árum
síðan en er enn fullgild í mínum
huga. Þar sameinast ferðaiðnaðurinn
og orkuiðnaðurinn á skemmtilegan
máta.
Fyrsta alvöru
vindorkuverið á Íslandi?
Eftir að hafa vanist að vera með
vindmyllur í nærumhverfinu í Dan-
mörku, þar sem allt fer á hliðina í tíu
metrum á sekúndu, þá væri áhuga-
vert að athuga svona uppbyggingu
hér á landi. Ég hef alltaf séð fyrir
mér þríhyrninginn sem afmarkast
af hesthúsunum við Keflavík og svo
Garð og Sandgerði. Þarna eru engin
fjöll og varla hægt að tala um hóla.
Fleiri Íslendingar en við höldum
hafa menntað sig í þessum fræðum,
bæði í byggingartæknifræði og orku-
fræðum og meðalvindur á þessu
svæði myndi gera þetta að ákjósan-
legum stað hugsa ég fyrir vind-
myllugarð. Umhverfisáhrifin yrðu
óveruleg. Passa þyrfti að þetta væri
ekki of nálægt byggð eða golfvöllum
og þetta gæti orðið upphafið að ein-
hverju góðu. Hægt væri að reisa
gróðurhús nærri upp á aðgengi að
rafmagni, jafnvel gagnaver.
Sjávarorkugarður
Þetta hefur verið gert í nokkrum
löndum og 2013 fóru fram tilraunir
við Höfn í Hornafirði. Þarna liggja
gífurlegir möguleikar. Sjónmengun
væri lítil sem engin þar sem þetta
væri allt neðansjávar og einnig
er hægt að ganga að þessari orku
vísri, sem er ekki alltaf raunin með
vindorkuver sem dæmi. Mér hefur
dottið í hug að gera mættir athug-
anir á þessu út við Hafnir. Þar væri
þá hægt í framhaldinu að byggja upp
atvinnulíf sem myndi styrkja þetta
rómantíska hverfi Reykjanesbæjar.
Skipulagstillögur sem voru kynntar
um uppbygginu á Höfnum gætu flýtt
þeirri þróun.
Suðurnesjalína 2
Í stuttu máli að þá þarf að klára það
mál. Ég þekki ekki pólitíkina í því
máli en þetta getur ekki verið stopp
endalaust. Er sæstrengur málið til
Reykjanessins kannski? Einhvers
staðar frá höfuðborgarsvæðinu?
Saman hugum við að heilsunni
Reykjanesapótek • Hólagötu 15 • 260 Reykjanesbæ
Sími 421-3393 • Vaktsími lyfjafræðings 821-1128
Opið alla virka daga frá 9 til 20
Opið um helgar frá 12 til 19
Nokkur önnur atriði
■ Kvikmyndaver hugsanlega í
álversbyggingunni. Skortur er
á stóru húsnæði fyrir þennan
iðnað hér á landi þó reyndar
sé verið að vinna í því þessa
stundina.
■ Bílageymsla á Patterson-
svæðinu. Hægt væri að bjóða
bílaleigunum að geyma flota
sína á því svæði. Girða það af og
hafa vakt. Þúsundir bíla kæmust
léttilega þar fyrir og aðgengi
yrði að vera allan sólarhringinn.
■ Fraktumsýsla fyrir flugið.
Þessari hugmynd var komið á
framfæri við brotthvarf hersins
en þarna er spurning um
markaðssetningu flugvallarins
í þessum geira. Nægt rými er
innan haftasvæðisins til slíkrar
uppbyggingar og líka utan fyrir
stoðstarfsemi.
■ Uppbyggingin sem er fyrir-
huguð í Njarðvíkurhöfn. Ég hef
svo sem ekki neinu við hana
að bæta annað en bara „go for
it“. Afleidd störf yrðu fjölmörg
þar og gætu kallað á meiri þörf
fyrir iðnaðarmenn á svæðinu
sem aftur myndi styrkja Fjöl-
brautaskólann, það er nóg af lög-
fræðingum.
■ Endurvinnsla. Möguleikarnir í
endurvinnslu eru nánast óþrjót-
andi. Hef séð myndbönd og
kynningar á mjög fullkomnum
flokkunarstöðum í Bandaríkj-
unum til dæmis.
■ Mörg fyrirtæki sýndu Helguvík
áhuga á sínum tíma. Dekkja-
framleiðandi, kínverskt rútuyfir-
byggingarfyrirtæki og auðvitað
einhver fleiri. Væri hægt að rifja
upp gömul kynni við þessi fyrir-
tæki eða setja sig í samband við
sambærileg fyrirtæki. Þarna
koma samgöngur með flugi
og sjófrakt sér vel í markaðs-
setningunni.
■ Styðja eins og hægt er ein-
staklinga sem vilja fara af stað
með lítil fyrirtæki. Sama hvaða
geiri það er. Hendur bæjaryfir-
valda eru auðvitað bundnar
fjárhagslega en ráðgjöf og skjót
úrvinnsla fyrirspurna og auð-
skyldir ferlar geta styrkt sam-
keppnisstöðu svæðisins.
■ Núna erum við að upplifa eitt
mesta úrval veitingastaða sem
Reykjanesbær hefur séð. Þá
erum við ekki einu sinni farin
að tala um hin bæjarfélögin og
það sem er í boði hjá þeim hvað
þetta varðar. Allt þetta hjálpar
til að koma okkur á kortið
gagnvart bæði útlendingum til
að dvelja lengur en eina nótt
hérna og ekki síst fyrir íbúa
höfuðborgarsvæðisins að taka
skemmtilega dagsferð hingað
um skagann.
Hér hef ég stiklað á stóru um ýmsar
hugmyndir sem gætu dreift betur
úr vinnumarkaðnum og haft hann
minna einhæfan, sem hann er í sjálfu
sér ekki. En allavega reyna að draga
aðeins úr beinum áhrifum flugsins á
atvinnulíf svæðisins ef sá möguleiki
er fyrir hendi.
Margt af þessu er auðvitað
ekkert sem meðaljón getur farið í
strax á morgun en vonandi kveikir
þetta einhverja vonarglætu og á
einhverri hugmynd sem fólk er
með í maganum. Núna er vissulega
haustið að koma en með samstilltu
átaki getum við kannski látið vorið
koma snemma, að minnsta kosti
í huga okkar. Við erum öll ein stór
fjölskylda.
Með kveðju,
Sigurbjörn Arnar Jónsson,
Sibbi.
á timarit.is
ÖLL BLÖÐIN FRÁ 1980 OG TIL DAGSINS Í DAG
26 // vÍkurFrÉttir á suðurNesJuM Í 40 ár