Víkurfréttir - 02.09.2020, Blaðsíða 17
Söngvarinn Arnar Dór hefur sent frá sér lagið
Carolyn. Lagið er eftir Gunnar Inga Guðmunds-
son við texta eftir Erin Brassfiled Bourke. Það er
svo Helgi Hannesson sem annast píanóleik.
Lagið var til þegar Gunnar Ingi var
við nám í Songwriting í Berklee
College of Music í Boston í Banda-
ríkjunum veturinn 2017 og var
lagið eitt af skilaverkefnum vetr-
arins í því námi. Eftir að námi lauk
fór lagið bara niður í skúffu.
Í september á síðasta ári hafði
Gunnar Ingi samband við æsku-
félaga sinn, Arnar Dór, og bauð
honum lagið. Arnar Dór féll strax
fyrir laginu og var til í slaginn.
Gunnar Ingi fékk til liðs við sig
bandaríska textahöfundinn Erin
Brassfiled Bourke en saman skipa
þau höfundateymið Second Hour
og er lagið Carolyn fyrsta lag og
texti sem þau gera fyrir Arnar Dór.
Fleiri lög eru væntanleg frá höf-
undateyminu í Second Hour.
„Pælingin var að hafa strengja-
sveit, raddanir og stóra útsetningu
en útkoman var einföld útsetning
í píanó/popp-stíl. Bróðir Arnar,
Helgi Már Hannesson, sá svo um
píanóleik,“ segir Gunnar Ingi í sam-
tali við Víkurfréttir.
Upptökur á laginu hófust í
febrúar sl. en vegna Covid-19 var
gert hlé og kláruðust upptökur svo
í byrjun júni. Það var Svenni Björg-
vins sem sá um upptökur á laginu.
Arnar Dór er silfurverðlaunahafi
í The Voice Ísland og er einnig í
hljómsveitinni Draumar.
Lagið er komið á Spotify og hefur
fengið mjög góðar viðtökur víða
um heim og er komið í um 25.000
þúsund hlustanir.
Arnar Dór sendir frá sér Carolyn
Gunnar Ingi
Arnar Dór
Smelltu hér til að hlusta á Carolyn með Arnari Dór á Spotify
Heil og sæl Suðurnes ...
Föstudag 16 – 20
Laugardag 12 – 20
Frábær tilboð í boði...
... þar sem Ljósanótt
fellur niður þetta árið,
ætlum við hjá Sprell
að hafa litla útgáfu
af Ljósanætur sprelli í
Skrúðgarðinum ...
Tveggja metra reglan virt!
Sóttvarnir við öll tæki!
Virðum náungann!
Að sjálfsögðu verður öllum
reglum um sóttvarnir fylgt:
vÍkurFrÉttir á suðurNesJuM Í 40 ár // 17