Víkurfréttir - 02.09.2020, Blaðsíða 72

Bakaradóttirin leiðir Hérastubb áfram veginn með mörgum nýjungum.
Forfallnir Arsenal-aðdáendur og eiga ársmiða á heimavöll liðsins.
„Það er búið að vera brjálað að gera í Covid og hér hafa stundum myndast raðir langt út úr
bakaríinu. Svo höfum við líka verið að gera ýmsar nýjungar sem hafa orðið mjög vinsælar,
meðal annars vegan-kleinuhringi og -snúða og fleira vegan-bakkelsi,“ segir Sigurður Enoks-
son, bakari og eigandi Hérastubbs bakarísins í Grindavík.
Siggi bakari er ekki einn í bakarínu
en hann stofnaði það með föður
sínum fyrir aldarfjórðungi, eða árið
1995, og segist hafa lent í tveimur
niðursveiflum á þessum árum en
staðið þær af sér. Grindvíkingar
hafa verið góðir viðskiptavinir og
Siggi og bakarafjölskyldan baka gott
bakkelsi. Dóttir hans, Hrafnhildur
Kroknes, útskrifaðist sem bakari
árið 2014 og síðan sem konditor
2017 og súkkulaðimeistari eftir
framhaldsnám í Danmörku 2019.
Hún byrjaði snemma að venja komur
sínar í Hérastubb og fór fljótlega að
afgreiða sem ung skólastelpa. Bak-
arinn blundaði greinilega í blóðinu á
stelpunni og hún er núna á fullu alla
daga í bakarínu með föður sínum og
tveimur bræðrum. Sannkölluð bak-
arafjölskylda.
Nýjungar með unga fólkinu
Hrafnhildur hefur verið dugleg að
mæta með nýjungar og hún segir
það skemmtilegt. Faðir hennar
tekur sannarlega undir það og er
ánægður með stúlkuna sem hefur
til að mynda verið dugleg að baka
súrdeigsbrauð sem eru vinsæl um
þessar mundir. Þá hefur hún líka
verið dugleg að baka ýmislegt bakk-
elsi í vegan en þá eru ekki notaðar
mjólkurvörur eða afurðir úr dýra-
ríkinu.
„Vegan-verslun í Reykjavík hafði
samband og við sendum þeim reglu-
lega vegan-bakkelsi frá okkur sem
hefur fengið skemmtilegar mót-
tökur. Þá höfum verið dugleg að
baka og gera ýmislegt í veislur eins
og pítubrauð, lítlar pítsur og marg-
víslegur pinnamatur, það hafa verið
vinsælar vörur sem og veislutertur
sem Hrafnhildur hefur sérhæft sig
svolítið í. Hún er orðin hámenntuð
stúlkan og kann ýmislegt,“ segir
Sigurður Hérastubbur glaður með
dótturina og bætir því við að bak-
aríið eigi orðið viðskipavini langt út
fyrir Grindavík. Suðurnesjamenn og
fólk frá höfuðborgarsvæðin lætur sig
ekki muna að renna í Grindavík eftir
góðu bakkelsi.
Hrafnhildur segir að hún hafi
fengið bakarann í æð þegar hún var
í áttund bekk en þá fór hún að vinna
í afgreiðslunni í Hérastubbi. Var þar
þangað til hún kláraði tíunda bekk
en þá fór hún í bakaranám í Mennta-
skólanum í Kópavogi og á samning
hjá föður sínum. „Jú, það var lítið
mál að semja við pabba,“ segir hún
aðspurð en núna, nokkrum árum
eftir bakaranám og framhaldsnám í
Danmörku í konditorí og súkkulaði-
gerð, leiðir hún nýjungar í bakaríinu.
Siggi faðir hennar er alsæll með það.
„Þetta er bara alveg frábært. Hún
mætir með margar hugmyndir að
nýjum vörum og við höfum verið
að spreyta okkur í ýmsu sem hefur
gengið vel.“
Súrdeigið er hollara
„Fyrst sjá ég bara kökur en hef líka
fært mig yfir í brauðið og er mjög
áhugasöm um súrdeigsbrauð. Þau
eru mjög vinsæl hjá mörgum en
þau henta betur þeim sem eru með
geróþol. Það fer betur í magann á
manni,“ segir unga konan. Meðal nýj-
unga eru Naan-súrdeigsbrauð sem
eru í boði á þriðjudögum – en svo
eru margar þekktar vörur í bakarínu
líka orðnar til í vegan, þar má nefna
snúða, kleinuhringi, rúnstykki og
nýjasta tilraunin er í vínarbrauðum.
Feðginin sögðu að það hefði verið
áskorun en vegan-vínarbrauð er frá-
bært með góðum kaffibolla að sögn
Sigurðar en bætir því við að það sé
samt misskilningur að vegan-vörur
séu eitthvað hollari, þar sé t.d. sykur.
Hrafnhildur dregur fram „Brownies“-
kökur sem innihalda í hefðbundinni
uppskrift talsvert af smjöri og
eggjum. „Ég þurfti nokkrar tilraunir
til að finna réttu vegan-uppskriftina
en það tókst mjög vel.“
Sigurður segir að vegna margra
nýjunga sem þau séu að bjóða upp
á þá sé plássið stundum of lítið í
bakaríinu. Því þurfi að huga að því
og skipuleggja vinnuna því ekki sé
hægt að bjóða upp á allt alla daga.
„Hrafnhildur, varstu búinn að sýna
honum töfluna okkar? Sjáðu, hér
sérðu pantanir næstu vikuna. Svona
er þetta. Ánægjulegt en við þurfum
að vera skipulögð og biðjum því við-
skiptavini um að panta tímanlega hjá
okkur ef þau vilja fá sitt bakkelsi á
ákveðnum degi,“ segir Siggi.
Páll Ketilsson
pket@vf.is
Vegan-kleinuhringir
og súrdeigsbrauð
meðal nýjunga í 25 ára Hérastubbi
Þetta er bara
alveg frábært. Hún
mætir með margar
hugmyndir að nýjum
vörum og við höfum
verið að spreyta
okkur í ýmsu sem
hefur gengið vel ...
Feðginin saman við alls
kyns kræsingar sem
eru á boðstólum hjá
Hérastubbi bakara.
12 // vÍkurFrÉttir á suðurNesJuM Í 40 ár