Víkurfréttir - 02.09.2020, Blaðsíða 58

Frans Elvarsson, fyrirliði Keflvíkinga, hefur átt gott tímabil með sínu liði.
Frans var valinn í úrvalslið fyrri hluta Lengjudeildarinnar ásamt þremur
öðrum Keflvíkingum, þeim Joey Gibbs, Sindra Þór Guðmundssyni og Rúnari
Þór Sigurgeirssyni. Keflvíkingar hafa sýnt frábæra takta í sumar þrátt fyrir af-
leit úrslit í síðasta leik, gegn Leikni Reykjavík, sem tapaðist stórt.
„Já, þetta er búið að vera ágætt
hjá okkur í sumar en ég get eigin-
lega ekki útskýrt hvað gerðist í
síðasta leik,“ segir Frans. „Mér
fannst þetta í sjálfu sér ekkert
ójafn leikur úti á vellinum en þeir
skoruðu úr öllum færum sem þeir
fengu. Mér finnst tölurnar ekki
gefa rétta mynd af leiknum – en
þær ljúga svo sem engu. Það er
eins og Leiknir hafi eitthvað tak
á okkur, það hefur gengið illa á
móti þeim undanfarin ár.“
– Segðu mér frá ferlinum
þínum. Þú kemur frá Horna-
firði, er það ekki?
„Já, ég byrjaði með meistaraflokki
2005. Spilaði reyndar fyrsta
leikinn 2004, fjórtán ára gamall,
kom inn á í úrslitaleik um að
komast upp í 2. deild með Sindra.
Svo kom ég til Njarðvíkur og fór
í Íþróttakademíuna sem þá var.
Það var Freyr Sverrisson, sem var
með Njarðvík þá, sem benti mér á
þessa leið. Gæti verið á æfingum
á morgnana og í skóla eftir það.
Þá kom ég hingað og spilaði með
Njarðvík í fjögur ár.“
– Ert menntaður í íþróttafræðum?
„Ég á lokaritgerðina eftir í íþrótta-
fræði – en já, ég er búinn að vera að
læra það síðustu ár í Háskólanum
í Reykjavík. Ég var að byrja sem
íþróttakennari í Háaleitisskóla í
seinustu viku, þar er ég einmitt
að vinna með Gumma Steinars
– sem ég hafði mikið dálæti á
þegar maður var lítill sjálfur. Ég
spilaði líka með honum á tímabili.
Skemmtilegt hvernig þetta þróast.“
Fyrst markvarðahrellirinn Guð-
mund Steinarsson bar á góma
ræddum við atvikið þegar hann
skoraði frá miðju á móti Fram: „Já,
ég skoraði einmitt hitt markið í
þessum leik og ég man að ég varð
rosalega pirraður þegar hann tók
skotið, að hann skyldi ekki gefa á
mig ... en svo skoraði hann. Já, ókei!“
– Þú lékst eitthvað með yngri
landsliðunum.
„Já, ég á ellefu landsleiki minnir
mig. Sjö með U17 og fjóra með U19,
ég var í einhverjum æfingahópum
fyrir U21 en aldrei valinn í loka-
hópinn.“
Ætla upp úr Lengjudeildinni
– Nú eruð þið búnir að eiga
mjög gott tímabil, hvernig
heldurðu að þetta fari?
„Ég hef fulla trú á að við förum upp
þegar allt er yfir staðið. Við erum
búnir að vera nokkuð óheppnir
með meiðsli, misstum Magga Þór,
fyrirliða, og Adam Árna í langtíma-
meiðsli. Það væri gaman ef þeir
myndu ná einhverjum leikjum. Fá
smá innspýtingu aftur í hópinn.“
– Þú ert nýorðinn þrítugur, ertu
ekkert farinn að spá í að hætta?
„Nei, ég er nýbúinn að skrifa undir
samning við Keflavík svo það er
alla vega ekki planið á næstunni.
Ég hugsa að ég spili á meðan fæt-
urnir leyfa, svo ég þurfi ekki að
vera með neitt „comeback“. Það
Er ekkert
að fara að
hætta!
Já, ég skoraði
einmitt hitt markið
í þessum leik og
ég man að ég
varð rosalega
pirraður þegar
hann tók skotið,
að hann skyldi
ekki gefa á mig ...
Jóhann Páll Kristbjörnsson
johann@vf.is
58 // vÍkurFrÉttir á suðurNesJuM Í 40 ár