Læknablaðið - nov. 2020, Side 58

Ólafur Már Björnsson augnlæknir
Súlutindar
Þegar hjólaferð til Ítalíu féll niður í lok ágúst fórum við Jón Örvar Kristinsson, meltingarlæknir, Hrönn
Harðardóttir, lungnalæknir ásamt konu minni Þóru Þórisdóttur inní Núpsstaðarskóg. Þar gengum við á
Súlutinda vestan við Skeiðarárjökul. Hér má sjá Jón Örvar á leið uppá blátindinn. Ísland uppá sitt besta.
Jón Baldursson bráðalæknir
Jökulkrókur
Ef maður vill komast burt úr smithættu er
þetta tilvalinn staður. Jökulkrókur austan und-
ir Langjökli inn af Þjófadölum. Þangað leggja
fáir leið sína þótt ekki sé þetta langt frá
gamla Kjalvegi. Við hjónin erum sjálfboðaliðar
á vegum Jöklarannsóknafélagsins og mældum
stöðuna á þessum jökulsporði seint í ágúst í
sumar. Þegar við komum þarna fyrst fyrir tutt-
ugu árum sást rétt í kollinn á höfðanum sem
nú klýfur sporðinn. Á tveimur áratugum hefur
sporðurinn hopað sem nemur hátt á sjötta
hundrað metrum. Heimurinn er hverfull.
Ljósmyndir lækna frá COVID-19-sumrinu 2020
Uppskeran af sumarmyndum er gríðarleg, – og læknar reiðubúnir til að deila þeim með kollegum sínum. Ef allt fer sem
horfir um plágur og smit verður gamla auglýsingaslagorðið ÍSLAND, SÆKJUM ÞAÐ HEIM enn í fullu gildi næsta sumar og við
getum glatt okkur við að búa á „stórustu“ eyjunni.