Morgunblaðið - 18.07.2020, Qupperneq 8

8 FRÉTTIRInnlent
MORGUNBLAÐIÐ LAUGARDAGUR 18. JÚLÍ 2020
Útsölustaðir: Öll apótek, heilsuverslanir og heilsuhillur stórmarkaðanna.
Femarelle Unstoppable er hannað
fyrir konur sem eru hættar á
breytingaskeiðinu.
Innihald í Femarelle Unstoppable:
■ DT56a (efnasamband unnið úr sojabaunum)
■ B2-vítamín
■ Bíótín (B7-vítamín)
■ D3-vítamín
■ Kalk
Unstoppable
„Ég byrjaði að nota Femarelle
kringum 50 ára aldurinn vegna þess að
ég svitnaði mikið á nóttunni sem skerti
svefninn. Ég var búin að vera svona
lengi og ætlaði að fara til læknis,
en sá þá Femarelle auglýst og ákvað að prófa fyrst náttúrulega lausn.
Ég fann fljótlega mikinn mun ámér. Númörgum árum seinna held ég áfram að
taka Femarelle og líður miklu betur, enginn sviti og ágætur svefn.
Ég mæli með Femarelle fyrir allar konur.“
Stefanía Emma Ragnarsdóttir
Icelandair hefur um árabil veriðeinn allra vinsælasti vinnu-
staður landsins. Þegar auglýst er
eftir flugfreyjum til starfa hefur
fjöldinn sem sækir um verið slíkur
að annað eins þekkist varla. Svipað
á við um aðrar flugstéttir sem hjá
félaginu starfa, flugmenn og flug-
virkja, þeim sem lært hafa til þeirra
starfa hefur jafnan þótt eftirsókn-
arvert að vinna hjá Icelandair.
  
Nú er komin upp sérkennilegstaða. Félagið hefur fyrir
löngu samið við báðar síðastnefndu
stéttirnar, flugmenn og flugvirkja,
en samningar hafa ekki náðst við
flugfreyjur. Hefur verið með mikl-
um ólíkindum fyrir landsmenn, sem
eiga mikið undir að hægt sé að
halda uppi öruggu áætlunarflugi til
annarra landa, að fylgjast með
þeim viðræðum.
  
Félagið þarf innan mjög skammstíma að ljúka ýmsum samn-
ingum, meðal annars um störf flug-
freyja. Að öðrum kosti er vandséð
að félagið haldist á flugi. Staðan
gæti þess vegna tæpast verið alvar-
legri, hvorki fyrir félagið, starfs-
menn þess né aðra landsmenn. Í
þessu ljósi verður að horfa á þá erf-
iðu ákvörðun sem stjórnendur Ice-
landair tóku í gær. Hún þarf alls
ekki að fela í sér að flugfreyjur fé-
lagsins missi vinnuna, en þær gætu
þurft að starfa á grundvelli samn-
ings við annað stéttarfélag.
  
Ef ekki verður samið, endur-fjármögnun tekst ekki og fé-
lagið hrapar til jarðar er hins vegar
öruggt að þar verður engin störf að
finna, hvorki fyrir flugfreyjur né
aðra.
Allra hagur að
félagið fljúgi
STAKSTEINAR
Morgunblaðið/Ómar
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Margét Sigríður Ein-
arsdóttir, fyrrverandi
sjúkraliði og for-
stöðumaður, lést á
Landspítalanum
fimmtudaginn 16. júlí,
81 árs að aldri. Hún
fæddist í Reykjavík 22.
maí 1939 og voru for-
eldrar hennar Einar
Guðmundsson, stór-
kaupmaður í Reykja-
vík, og Jóhanna K.S.A.
Hallgrímsdóttir hús-
móðir.
Margrét lauk lands-
prófi 1955 frá Gagn-
fræðaskóla Vesturbæjar, námi frá
húsmæðraskólanum á Laugum 1956
og Sjúkraliðaskóla Íslands 1981.
Auk heimilis- og verslunarstarfa var
hún móttökuritari á læknastofum á
Laugavegi 42 og læknaritari á
Heilsugæslustöðinni í Árbæ. Hún
starfaði svo á Landakotsspítala uns
hún tók við stöðu forstöðumanns við
þjónustuíbúðir aldraðra á Dalbraut
27 árið 1985. Þar vann hún til starfs-
loka árið 2005.
Margrét var formaður kvenfélags
Árbæjarsóknar 1968-1975, sat í
stjórn hverfafélags sjálfstæðis-
manna í níu ár og í stjórn Hvatar í
tólf ár. Hún var í stjórn Lands-
sambands sjálfstæðiskvenna í 10 ár
og formaður þess 1978-1982. Mar-
grét átti sæti í undirbúningsnefnd
fyrir fyrsta kvennafrídaginn 1975.
Sat í stjórn Kven-
félagasambands Ís-
lands í tíu ár og í stjórn
Kvenréttindafélags Ís-
lands í sex ár, í stjórn
Húsmæðrafélags
Reykjavíkur í átta ár, í
stjórn Sjúkraliðafélags
Íslands í fjögur ár, þar
af formaður 1984-1986,
og varaformaður í
stjórn heilbrigðisstétta
1983-1985. Hún var
heiðursfélagi í Sjúkra-
liðafélagi Íslands.
Margrét var vara-
borgarfulltrúi fyrir
Sjálfstæðisflokkinn 1974-1986 og sat
þá m.a. í heilbrigðisráði, félagsmála-
ráði, stjórn Borgarspítalans, stjórn-
arnefnd Vogs, leikvallanefnd og
stjórn dagvistunar. Hún var fyrst
kvenna formaður þjóðhátíðar-
nefndar Reykjavíkurborgar, átti
sæti í sexmannanefnd búvöruverðs,
sat í stjórn Sjúkrasamlags Reykja-
víkur í 12 ár, þar af formaður stjórn-
ar 1987-1990. Átti sæti í trygginga-
ráði og síðar Tryggingastofnun í
áratugi og gegndi auk þess fjölda
annarra trúnaðarstarfa.
Margrét giftist Atla Pálssyni 30.
nóvember 1957. Synir þeirra eru
Einar blikksmíðameistari, f. 5.6.
1958, d. 28.6. 2015, Hallgrímur blikk-
smíðameistari, f. 20.8. 1959, Guðjón
framkvæmdastjóri, f. 1.8. 1964, og
Atli viðskiptafræðingur, f. 8.10. 1966.
Andlát
Margét S. Einarsdóttir
Brim hefur selt allt hlutafé í
sjávarútvegsfyrirtækinu Norðan-
fiski á Akranesi til hóps fjárfesta
sem allir eiga rætur á Akranesi.
Meðal hluthafa er núverandi bæj-
arstjóri, Sævar Freyr Þráinsson.
Þetta kemur fram í tilkynningu frá
Brimi. Kaupsamningurinn var
undirritaður í lok maí, en allir
fyrirvarar eru nú uppfylltir.
Starfsmenn Norðanfisks eru um
30 talsins, en félagið sérhæfir sig í
framleiðslu, sölu og dreifingu á
sjávarfangi til veitingahúsa á inn-
anlandsmarkaði ásamt sölu neyt-
endapakkninga í verslunum um
allt land.
Kaupandi fyrirtækisins er nýtt
eignarhaldsfélag í eigu tíu aðila
sem allir eiga rætur á Akranesi
auk framkvæmdastjóra Norðan-
fisks, Sigurjóns Gísla Jónssonar,
sem áfram mun stýra fyrirtækinu.
Formaður stjórnar verður Inga
Ósk Jónsdóttir en hún og eigin-
maður hennar, Gísli Runólfsson,
eru stærstu hluthafar í eignar-
haldsfélaginu sem kaupir.
Ráðgjafar í söluferlinu voru
Sævar Freyr, KPMG og Örn
Gunnarsson hjá Lex lögmanns-
stofu. Þá voru Íslensk verðbréf
ráðgjafi fyrir hönd Brims og
stýrðu söluferlinu.
Bæjarstjórinn á meðal nýrra hluthafa
 Brim seldi allt hlutafé í Norðanfiski
 Sigurjón mun áfram stýra fyrirtækinu
Morgunblaðið/Hari
Nýr hluthafi Sævar Freyr Þráins-
son er bæjarstjóri Akraness.