Morgunblaðið - 03.12.2020, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 3. DESEMBER 2020
du í Bílanaust þar færð þú allt fyrir bílinn og meira til“
rafgeymar olíurvarahlutir vetrarvörur
3
7 verslanir um land allt
Hafnargötu 52Vatnagörðum 12
104 Reykjavík
S. 535 9000
m„Ko
Björn Jóhann Björnsson
bjb@mbl.is
Flugvirkjar Icelandair vinna nú
hörðum höndum að því í flugskýli og
viðhaldsstöð félagsins á Keflavíkur-
flugvelli að rífa niður Surtsey, eina
af Boeing 757-vélum Icelandair sem
teknar hafa verið úr notkun. Hreyfl-
ar, lendingarbúnaður, skjáir og ýmis
annar búnaður nýtist áfram sem
varahlutir en skrokkur vélarinnar
fer að stærstum hluta í endur-
vinnslu.
Icelandair hefur sent tvær 757-
vélar úr landi til niðurrifs en tvær
verða teknar niður í flugskýli félags-
ins. Byrjað var á því í síðustu viku að
rífa innan úr Surtsey og mun nið-
urrifið taka um það bil mánuð. Hin
Boeing-vélin fer í sama ferli í byrjun
nýs árs. Verkefni af slíkri stærð-
argráðu hefur ekki áður verið unnið
hér á landi.
Flókið og viðamikið verkefni
Hörður Már Harðarson er yfir-
flugvirki og tæknistjóri viðhalds-
stöðvar Icelandair. Hann tók á móti
ljósmyndara Morgunblaðsins í skýl-
inu en fleiri gesti mátti ekki taka inn
vegna sóttvarna. Unnið er eftir stíf-
um reglum og skýlinu skipt upp í
hólf þar sem ekki mega vera fleiri en
10 í hverju hólfi.
Í samtali við Morgunblaðið segir
Hörður það flókið og viðamikið verk-
efni að rífa niður flugvél. Það þurfi
að fara fram eftir kúnstarinnar
reglum, þar sem ströngustu um-
hverfiskrafna er gætt, og til að geta
afskráð vélina hér á landi þurfti
Samgöngustofa að yfirfara og sam-
þykkja verkáætlun Harðar og fé-
laga. Þar er verkinu lýst lið fyrir lið,
allt þar til sjálf afskráningin fer
fram og skrokkurinn rifinn í brota-
járn, eða öllu heldur í álkurl. „Þegar
ákveðið var að rífa vélina vildum við
reyna að nýta sem mestan búnað úr
henni. Aldur flugvéla er afstæður,
allt byggist þetta á miklu viðhaldi
þar sem við höfum reglulega verið
að skipta um marga varahluti, suma
nýverið, og við viljum nota þá áfram
til rekstrarins. En það var komið að
stórri skoðun á vélinni og það var
talið hagkvæmara að taka hana úr
rekstri. Með því að gera þetta hér
heima náum við einnig að skapa
meiri vinnu,“ segir Hörður, en alls
vinna átta flugvirkjar við verkefnið.
Að hans sögn er til skoðunar að
hluti skrokksins fari á Flugsafn Ís-
lands á Akureyri. Afgangurinn fer
til endurvinnslustöðva og að sögn
Harðar er verið að leita tilboða hjá
fyrirtækjum á Íslandi sem munu fá
endurvinnsluhráefnið til sín. „Við
viljum gera þetta með eins umhverf-
isvænum hætti og hægt er.“
Búið er að tæma vélina að mestu
að innan, úr stjórnklefa og farþega-
rými. Hreyflarnir verða teknir til
hliðar, hjóla- og lendingarbúnaður
og tæma þarf alla vökva úr leiðslum
sem og allt eldsneyti. Einnig er allt
plast fjarlægt til að viðhalda hrein-
leika álsins þegar til endurvinnslu
kemur. Flugsætunum verður hent.
„Við vinnum þetta með umhverfis-
vænum og ábyrgum hætti. Skráum
hvern einasta hlut og flokkum, og
leggjum til hliðar þá varahluti sem
við notum áfram eða mögulega selj-
um. Sumir hlutir fara í sérstaka
meðferð og vottun hjá erlendum við-
haldsstöðvum en allir íhlutir flugvéla
eru rekjanlegir,“ segir Hörður Már
að endingu.
Morgunblaðið/Árni Sæberg
Boeing 757 Þotan Surtsey er tekin niður þessa dagana í flugskýli og viðhaldsstöð Icelandair á Keflavíkurflugvelli. Hreyflar og lendingarbúnaður fara í varahluti en skrokkurinn í brotajárn.
Síðustu dagar Surtseyjar
 Gömul Boeing 757-vél Icelandair rifin niður í flugskýli félagsins  Fyrsta verk af þessu tagi hér
 Hluti skrokksins mögulega á Flugsafn Íslands á Akureyri  Önnur vél rifin niður eftir áramót
Tómlegt Sætin í farþegarými vélarinnar hafa verið tekin niður og heldur
tómlegt um að litast. Sætunum verður hent en skjáirnir fá framhaldslíf.
Klefinn Stjórntæki í mælaborði vélarinnar eru nýtt að mestu leyti í vara-
hluti áfram. Um mikið nákvæmnisverk er að ræða og allt skráð niður.
Varahlutir Þeir varahlutir sem nýt-
ast áfram eru vandlega flokkaðir.