Skólavarðan - 2018, Síða 6

6 SKÓLAVARÐAN VOR 2018
Handbókin hættir að koma út
Tillaga um að hætta útgáfu Handbókar
kennara var samþykkt á 7. Þingi KÍ sem
fram fór í síðasta mánuði. Heit umræða
var um málið á þinginu og skipar skoðanir
um ágæti handbókarinnar. Tillagan var
borin undir atkvæði og samþykkt með
naumum meirihluta. Þar með lýkur
áralangri útgáfusögu en handbókin hefur
verið gefin út samfellt frá árinu 1989.
Jafnframt var samþykkt á þinginu að
hætta prentun Ferðablaðs Orlofssjóðs KÍ.
Ferðablaðið kemur þó áfram út en verður í
rafrænu formi. Umfjöllun tengd handbók­
inni er á síðu 38.
Nýtt fólk í forystusveit KÍ
Töluverðar breytingar hafa orðið og eru
fyrirhugaðar í forystusveit Kennara­
sambandsins. Ragnar Þór Pétursson tók
formlega við formennsku KÍ og Anna María
Gunnarsdóttir við embætti varaformanns KÍ
á 7. Þingi KÍ sem fram fór í apríl. Fráfarandi
formaður er Þórður Árni Hjaltested og
Aðalheiður Steingrímsdóttir lét af embætti
varaformanns. Þórður og Aðalheiður gáfu
ekki kost á sér til endurkjörs.
Formannskipti í Félagi grunnskóla­
kennara verða á aðalfundi FG 18. maí
næstkomandi. Þá tekur Þorgerður Laufey
Diðriksdóttir við embætti formanns. Ólafur
Loftsson lætur af embætti en hann gaf ekki
kost á sér til endurkjörs. Ekki liggur fyrir
hver verður varaformaður félagsins en
stjórn FG ákveður það á fyrsta fundi sínum.
Þá tekur Sigurður Sigurjónsson form­
lega við embætti formanns Félags stjórn­
enda leikskóla á aðalfundi félagsins í maí.
Sigurður hefur verið starfandi formaður um
langt skeið og var sjálfkjörinn í nóvember
á síðasta ári en Ingibjörg Kristleifsdóttir
fráfarandi formaður gaf ekki kost á sér til
endurkjörs.
Formannsskipti urðu í Skólastjórafélagi
Íslands 1. desember síðastliðinn þegar Þor­
steinn Sæberg tók við embætti af Svanhildi
Maríu Ólafsdóttur.
Haraldur Freyr Gíslason var fyrr á
árinu sjálfkjörinn sem formaður Félags
leikskólakennara og Guðríður Arnardóttir
var endurkjörin formaður Félags fram­
haldsskólakennara. Sigrún Grendal er
formaður Félags kennara og stjórnenda í
tónlistarskólum en aðalfundur félagsins fer
fram í haust.
Kjörtímabil formanna og varaformanna
KÍ og aðildarfélaga er fjögur ár eða til ársins
2022.
Ragnar Þór Pétursson og Anna María Gunnarsdóttir voru formlega sett í embætti formanns og
varaformanns KÍ á nýafstöðnu þingi Kennarasambandsins.
Ekkert plast utan
um Skólavörðuna
Líkt og lesendur Skólavörðunnar hafa
tekið eftir er hún ekki send út í plast­
umbúðum nú í fyrsta skipti. Kennara­
sambandið leitar ávallt leiða til að draga
út notkun á efnum sem hafa skaðleg áhrif
á umhverfið og prentar blaðið hjá um­
hverfisvottaðri prentsmiðju. Á þingi KÍ var
samþykkt að móta stefnu um aðkomu og
hlutverk kennara og KÍ í áætlun Sameinuðu
þjóðanna um heimsmarkmiðin 17 um
sjálfbæra þróun og eru þar umhverfismálin
fyrirferðarmikil.