Skólavarðan - 2018, Blaðsíða 11

VOR 2018 SKÓLAVARÐAN 11
Ályktun um raddheilsu kennara
Þing KÍ lýsir yfir áhyggjum
vegna versnandi raddheilsu
kennara en röddin er vinnutæki
þeirra og mikilvægt að vinnu­
aðstæður taki mið af verndun
hennar. Skorað er á ríki,
sveitarfélög og aðra rekstrar­
aðila skóla í samvinnu við KÍ
að taka höndum saman og
hrinda í framkvæmd aðgerðum
sem stuðla að verndun raddar
kennara á öllum skólastigum.
Samþykkt gegn markaðsvæðingu menntunar
Menntun er á ábyrgð hins opin­
bera og opinberir fjármunir eiga
að koma nemendum til góða.
Einkavæðing, markaðsvæðing í
menntakerfinu og samkeppni í
velferðarþjónustu veikir jöfnuð
í menntun, jafnræði til náms og
minnkar opinber áhrif á mennta­
kerfið í gegnum lýðræðislega
kjörnar stofnanir. Þingið
áréttar að félagslegt mikilvægi
menntunar fyrir einstaklinga
og samfélag geri þær kröfur til
stjórnvalda að vernda mennta­
kerfið gegn áhrifum einkavæð­
ingar og útvistun verkefna
til einkaaðila. Þing KÍ leggur
áherslu á að menntun eigi að
vera aðgengileg öllum, innihald
menntunar og faglegt starf eigi
ekki að einkavæða og auka þurfi
eftirlit með einkareknum skólum.
Ályktun um laun kennara
Skorað er á ríki og sveitar­
félög að gera laun kennara
samkeppnisfær við laun annarra
sérfræðinga á opinberum og
almennum markaði. Stórsókn
í menntamálum er orðin tóm
nema laun kennara verði gerð
samkeppnishæf.
Ályktun um verkferla vegna kynferðislegs áreitis, ofbeldis
og mismununar
Útbúa skal verkferla vegna til­
kynninga um kynferðislegt áreiti,
kynferðisofbeldi og kynbundna
mismunun gegn félögum og
starfsfólki KÍ. Verkferlarnir skulu
kynntir vel og vera aðgengilegir.
Ályktun um öryggi og tryggingar kennara vegna ábyrgðar
þeirra á nemendum
Kallað er eftir því að rekstrar­
aðilar menntastofnana gangist
við þeirri ábyrgð sem vinnuveit­
andi ber á starfsmönnum og
nemendum skóla. Félagsmenn
KÍ hafna því að bera persónulega
ábyrgð á slysum og tjóni sem
nemendur verða fyrir. Vinnu­
umhverfisnefnd skuli leita eftir
lögfræðiáliti varðandi ábyrgð og
tryggingar við ýmsar starfs­
aðstæður félagsmanna KÍ.
Samþykkt um stöðu íslenskrar tungu í skólakerfi og
samfélagi
Skorað er á Alþingi og stjórnvöld
að tryggja stöðu íslenskrar tungu
í skólakerfi og samfélagi. Staða
íslenskrar tungu er brothætt og
snúa þarf vörn í sókn. Að verki
eru miklar og hraðar samfélags­
og tæknibreytingar sem hafa
víðtæk áhrif á flestum sviðum
mannlífsins og áhrif enskunnar
á íslenskt málumhverfi eru
meiri og víðtækari en nokkru
sinni. Þingið leggur til aðgerðir
til að styrkja stöðu íslenskrar
tungu og eru þær m.a. að efla
stöðu Íslenskrar málnefndar,
hvetja foreldra/forráðamenn
og kennara til að lesa fyrir
börn, auka framboð á náms­ og
kennsluefni á íslensku, afnema
virðisaukaskatt á bækur, efla
skólabókasöfn og tryggja skólum
ókeypis aðgang að íslensku efni
sem er framleitt með stuðningi
ríkisins.
Samþykkt um að hætta útgáfu handbókar
Þing KÍ samþykkti að hætta
útgáfu handbókar kennara.
Sam þykktin byggir á könnun
sem gerð var árið 2014 og
sýndi að stór hluti félagsmanna
notar handbókina ekki. Bæði
fjárhagsleg og umhverfisleg rök
studdu tillöguna.
Skólastefna
Menntun er mannréttindi og
almannahagur og ein mikilvæg­
asta grunnstoðin í velferðar­
kerfinu. Góð menntun stuðlar að
persónulegri og faglegri þróun
einstaklinga og að félagslegri,
menningarlegri, efnahagslegri
og stjórnmálalegri þróun
samfélagsins í heild. Menntun
stuðlar að friði, lýðræði, sköpun,
samstöðu, félagslegri samheldni
og skuldbindingu við sjálfbæra
þróun og skilningi milli þjóða og
menningarsvæða.