Skólavarðan - 2018, Síða 32

32 SKÓLAVARÐAN VOR 2018
„Þetta var upphaflega skilgreint sem fimm
ára verkefni en það var enginn tilbúinn til
að sleppa verkefninu eftir fimm ár. Þetta
er svo góður vettvangur. Mér þætti eðlilegt
að alls staðar þar sem aðstæður bjóða upp
á yrði þetta innbyggt þannig að það væri
einhver formlegur vettvangur fyrir samstarf
á milli leikskóla og grunnskóla og helst
grunnskóla og framhaldsskóla líka,“ segir
Helga Ágústsdóttir, verkefnastjóri Okkar
máls og kennsluráðgjafi í Þjónustumiðstöð
Breiðholts.
„Það er gríðarlega spennandi skóla­
starf í Fellahverfi. Skólarnir eru einstakir
á landsvísu og þarna starfa hæfileikaríkir
kennarar sem búa yfir mikilli sérþekkingu.
Eins og annars staðar fækkar fagfólki af því
að kennarar og leikskólakennarar eru að
eldast og endurnýjun er lítil. Fellahverfi sker
sig frá öðrum hverfum þar sem í skólunum
er hátt hlutfall barna af erlendum uppruna
sem býður upp á ótal tækifæri í skólaþróun,“
segir Helga Ágústsdóttir, verkefnastjóri
Okkar máls – samstarfs um menningu,
mál og læsi í Fellahverfi og kennsluráðgjafi
í Þjónustumiðstöð Breiðholts. „Börnin
eru langflest fædd á Íslandi en tala annað
tungumál en íslensku á heimili. Það er því
mikill tungumálaauður í skólunum. Dæmi
eru um að í einum bekk séu jafnvel töluð 16
tungumál.“
Aukið samstarf
Árið 2011 fór hugmynd að mótast um aukið
samstarf skólanna í Fellahverfi. „Stjórnendur
skólanna fóru að tala saman og í ljós kom
gríðarlegur áhugi á samvinnu; að tala saman
um faglega starfið og reyna að búa til einhvers
konar heild utan um þetta samstarf.“
Samstarfsaðilar í verkefninu eru
Fellaskóli, leikskólarnir Holt og Ösp,
Menntavísindasvið Háskóla Íslands, Skóla­
og frístundasvið Reykjavíkur og Þjónustumið­
stöð Breiðholts.
„Verkefninu er stýrt af stýrihópi sem
hittist reglulega en í þessum stýrihópi eru
fulltrúar hverrar starfsstöðvar sem taldar
voru upp hér á undan. Það getur reynst flókið
að finna fundartíma sem hentar öllum en
stýrihópsfundirnir hafa verið afar mikilvægur
hluti af því að halda verkefninu gangandi. Þar
gefst tækifæri til að ræða nýjar hugmyndir og
meta hvernig samstarfið hefur gengið. Allir
þátttakendur hafa trú á því að samstarf og
samvinna sé lykilatriði og í raun er verkefnið
fyrst og fremst formlegur rammi utan um það
samstarf.
Fyrir utan stýrihópsfundina starfa
verkefna stjórar á hverri starfsstöð. Þeir
hittast reglulega og skipuleggja það sem
kemur að skólastarfinu eins og heimsóknir
á milli skóla, samstarfsverkefni, vorskólann
og útskriftir leikskólabarna; en þetta eru
verkefni sem eru framkvæmd á vettvangi og
eru ekki í höndum stýrihópsins. Þetta er því
tvískipt ákvarðanataka.“
Vorskólinn
Ýmis verkefni hafa orðið til vegna þessa sam­
starfs, Okkar máls, sem hafa síðan orðið hluti
af skólastarfinu. „Ekkert af þessu var til staðar
áður en samstarfið fór af stað. Skólarnir voru
meira eins og þrjú eyríki.“
Helga nefnir fyrst vorskólann í maí.
Verkefnið Okkar mál – samstarf
um menningu, mál og læsi í
Fellahverfi hefur það að megin-
markmiði að auka samstarf
skóla í Fellahverfi og stofnana í
Breiðholti. Leiðarljósið er að efla
félagslegan jöfnuð, námsárangur
og vellíðan barna í hverfinu.
OKKAR MÁL:
SKÓLARNIR
HAFA STYRK
HVER AF
ÖÐRUM
Helga Ágústsdóttir. „Við sáum mælanlegan árangur í tvö til þrjú ár en síðan hafa mælitölur gengið
eitthvað til baka sem er kannski dæmigert fyrir þróunarverkefni; það kemur oft fyrst mikill með­
vindur en svo reynist flókið að halda lengi út.“
Texti og mynd: Svava Jónsdóttir