Skólavarðan - 2017, Page 6

6 VOR 2017
Sjöunda þing Kennarasambands Íslands
verður haldið í apríl á næsta ári. Fyrir
þingið þurfa allir kjörnir fulltrúar KÍ, þar á
meðal formaður, varaformaður og formenn
aðildarfélaga, að endurnýja umboð sitt
hafi þeir áhuga á að sitja áfram. Tveir
þeirra, þau Þórður Á. Hjaltested, formaður
Kennarasambandsins, og Svanhildur María
Ólafsdóttir, formaður Skólastjórafélags
Íslands, hafa þegar tilkynnt að þau muni
ekki gefa kost á sér til áframhaldandi setu.
Þórður Árni tilkynnti ákvörðun sína
í lok ársfundar KÍ í lok mars. Þar rifjaði
hann upp að árið 2011, þegar hann var
kosinn formaður Kennarasambandsins,
hafi hann lýst þeirri skoðun sinni að hann
stefndi á að sitja í tvö kjörtímabil. Þá
væri rétt að gefa nýjum formanni, með
nýjar áherslur og hugmyndir, tækifæri
á að spreyta sig. Kosið verður um nýjan
formann KÍ í allsherjaratkvæðagreiðslu í
lok þessa árs, en nýr formaður mun taka
formlega við á þingi KÍ í apríl á næsta ári.
Svanhildur María Ólafsdóttir tilkynnti
félagsmönnum Skólastjórafélags Íslands
að hún hygðist stíga til hliðar í rafrænu
fréttabréfi sem sent var félagsmönnum
SÍ í lok mars. Svanhildur, sem kjörin var
formaður SÍ árið 2011, segir í fréttabréfinu:
„Síðustu sjö ár hafa verið afar gefandi og
lærdómsríkur tími með fullt af áhugaverð-
um og krefjandi verkefnum en nú er mál að
linni og því mun ég ekki gefa kost á mér til
áframhaldandi formennsku.“
Aðalfundur Skólastjórafélagsins verður
haldinn 14. október næstkomandi og þar
verður ný forysta félagsins kosin.
BREYTINGAR FRAM UNDAN Í FORYSTU KÍ
MÁLFRÍðUR NÝJUNG Á
SKóLAvÖRðUvEFNUM
STÍL – Samtök tungumálakennara eru
komin í samstarf við vef Skólavörðunnar
(skolavardan.is). Samstarfið felst í því
að greinar sem hafa birst í Málfríði,
tímariti samtakanna, verður að finna á vef
Skólavörðunnar undir undir stiku merktri
Málfríði. Þá munu nýjar greinar á vegum
STÍL verða birtar á næstu mánuðum og
misserum.
Ritstjórn Málfríðar hefur umsjón með
greinaskrifunum áfram í samstarfi við
útgáfusvið KÍ.
Þórður Árni Hjaltested, formaður Kennarasambands Íslands. Svanhildur María Ólafsdóttir, formaður Skólastjórafélags Íslands.
FRÉTTIR