Skólavarðan - 2017, Page 36

36 VOR 2017
Líklega finnst öllum það sjálfsagt að kennar-
ar og nemendur í grunnskóla hafi aðgang að
fyrsta flokks kennsluefni á hverjum tíma. Að
stöðugt sé verið að endurnýja skólabækur og
önnur kennslugögn til samræmis við allra
nýjustu upplýsingar og þekkingu. Árum
saman hafði Námsgagnastofnun þetta hlut-
verk með höndum en með tilkomu nýrrar
Menntamálastofnunar fluttist verkefnið
til. Útgáfa á kennsluefni heyrir nú undir
Miðlunarsvið Menntamálastofnunar og frá
því í nóvember í fyrra hefur Erling Ragnar
Erlingsson leitt starf sviðsins. Útsendari
Skólavörðunnar settist niður með Erling á
dögunum til að ræða við hann um verkefnin
sem unnin hafa verið og þau sem bíða. En
við byrjum að spyrja út í stöðuna á útgáfu
námsgagna.
„Ég held að staðan sé að flestu leyti góð,
en þó er það svolítið misjafnt eftir fögum. Í
sumum greinum hefur útgáfan verið mjög
öflug og í öðrum hefur krafturinn ekki verið
sá sami, eins og gengur. Við sjáum að í t.d.
náttúrufögunum er mikið af því kennsluefni
sem nú er á boðstólum komið til ára sinna.
Á móti hefur á síðustu árum verið gefið út
gríðarlega mikið efni sem tengist lífsleikni.
Ég ætla ekki að dæma um hvort er mik-
ilvægara, en ég hef alveg spurt mig hvort
áherslurnar hafi alltaf verið réttar. En það
„MATADORPENINGAR“
HORFNIR ÚR BóKAÚTGÁFUNNI
Menntamálastofnun hefur afnumið kvóta á hversu mikið af námsbókum hver skóli getur pantað á hverju
ári. Stofnunin á um milljón skólabækur á lager og vill leggja áherslu á rafræna útgáfu á næstu árum.
Erling Ragnar Erlingsson, sviðs-
stjóri Miðlunarsviðs, en undir
það fellur öll námsgagnagerð
Menntamálastofnunar.