Skólavarðan - 2017, Side 39

VOR 2017 39
upplýsingatæknikennara, safnakennara og
forritunarkennara.“
Arndís Kjartansdóttir í Garðabæ segir
að kennarar hafi ekki fengið nein sérstök
námskeið hjá tölvudeild bæjarins, „en í
hverjum skóla er starfandi kennsluráðgjafi
sem hefur haldið utan um fræðslu í upplýs-
ingatækni í sínum skóla“.
Fjölgun snjalltækja vandamál
„Okkar helsta vandamál hefur verið
nettengingar því tækjum nemenda sem eru
í notkun samtímis í skólanum fjölgar með
ógnarhraða og erfitt hefur reynst að fylgja
því eftir með nógu góðu netsambandi. Nú
er netsambandið hjá okkur t.d. ekki nógu
gott en endurbætur á því eru að hefjast,“
segir Oddný Hafberg, aðstoðarskólastjóri
Kvennaskólans í Reykjavík. Hún segir erfitt
að svara fyrir kennara um hvort tölvubún-
aður hafi aukið álag. „Hvað mig varðar sem
stjórnanda þá er alltaf álag að taka í notkun
nýtt kerfi en yfirleitt spara þau vinnu og
létta manni lífið um leið og maður hefur náð
tökum á að vinna í þeim.“
Þegar kennsluumhverfi Innu hafi verið
tekið í notkun hafi verið stutt námskeið í
boði, „svo reynum við stjórnendur að að-
stoða kennara ef þeir lenda í vandræðum og
einnig eru kennarar duglegir að hjálpa hver
öðrum. Kerfið er í stöðugri þróun, en alltaf
þegar breytingar og viðbætur verða er sent
út yfirlit yfir nýjungarnar með útskýringum
um hvernig má nota þær“.
Hvenær er gott orðið gott?
„Hvenær er eitthvað nægilega gott?“ spyr
Oddný á móti, þegar hún er innt eftir því
hvort kerfin séu nógu góð. Kvennaskólinn
hafi verið prufuskóli þegar kennslukerfi
Innu var fyrst tekið í notkun. Veturinn
2014-15 hafi verið erfiður því margt hafi ekki
virkað sem skyldi, því kerfið var í raun ekki
fullbúið. Nú virki kerfið hins vegar nokkuð
vel. „Inna er í stöðugri þróun og brugðist
er við öllum athugasemdum og óskum um
breytingar og þær gerðar ef hægt er. Þar
sem þetta er sameiginlegt kerfi sem margir
skólar nota getur hver einstakur skóli ekki
stýrt því hvernig kerfið virkar, heldur verður
að vera samkomulag milli skólanna hvað
varðar óskir um viðbætur og breytingar.“
Ávinningur sem skilar sér
„Notkun á tölvukerfum einfaldar allt
starf kennara, gefur þeim skýra yfirsýn
á stöðu nemanda hverju sinni og gerir
einstaklingsmiðað nám mögulegt. Notkun
á tölvukerfum er grunnur að faglegu starfi
kennarans,“ segir Vilborg Einarsdóttir,
framkvæmdastjóri Mentors, en sá búnaður
er mjög víða í notkun í skólum. Hún telur
að tengingar og tölvukostur séu almennt í
þokkalegu standi þótt víða mætti gera betur.
Og svo sé einnig á öðrum mikilvægum
sviðum: „Skortur á þjálfun og þekkingu til
að vinna í kerfum sem skólar nota er mikill.
Sem dæmi má taka Mentor-kerfið. Það
snýst ekki eingöngu um að læra á kerfið —
grunnurinn er að skilja heildarmyndina er
kemur að hæfnimiðuðu námi og námsmati
samkvæmt nýrri aðalnámskrá. Skólastjórn-
endur þurfa að samræma starf kennara og
gefa skýrar leiðbeiningar um hvernig vinna
á að áætlanagerð og námsmati og hvernig
hæfnikortin eru sett upp.“
Vilborg bendir á að nútímasamfélagið
bjóði upp á fjölmarga möguleika í samskipt-
um og það sé fólks að velja þau kerfi sem
nota á og nýta þau til fulls. „Þegar verið er
að innleiða nýtt kerfi og nýja ferla þá skapar
það aukaálag. Sem dæmi má taka að þeir
skólar sem eru að innleiða nýja kynslóð
af Mentor finna fyrir auknu álagi en segja
má að innleiðingin sé fjárfesting þar sem
kennarar uppskera ríkulega á næsta skólaári
þar sem endurnýta má námslotur, verkefni
og námsefni.“