Vinnan - 01.12.1946, Blaðsíða 15

innstæðna, innköllun peninga og endurmati allra
fasteigna.“
Um kjaramálin var samþykkt eftirfarandi á-
lyktun:
„19. þing Alþýðusambands Islands telur nauð-
synlegt, að haldið verði áfram á sömu braut í
baráttunni fyrir bættum launakjörum verkalýðs-
ins, en leggja beri einkum álterzlu á að bæta kjör
þeirra starfstétta, sem enn bera skarðastan hlut
frá borði í launamálum. í þessu sambandi bendir
þingið á eftirtalin verkefni:
1. Unnið verði að bættum launakjörum kvenna
og keppt að því marki að fullkomnu jafnrétti
verði komið á milli kvenna og karla í launamál-
um.
2. Kostað verði kapps um að fá frarn sanngjarna
leiðréttingu á dýrtíðarvísitölunni og spyrnt gegn
hvers konar tilraunum til að skerða frekar en orð-
ið er hag launþeganna í sambandi við útreikning
hennar.
3. Ákvæði kjarasamninga varðandi vinnuskil-
yrði og öryggisútbúnað, tilhögun kaffi- og matar-
tíma, kaup í veikinda- og slysatilfellum o. s. frv.
verði endurskoðuð og samræmd. Löggjöf verði
sett um vinnuvernd verkafólks og bættan að-
búnað.
4. Áfram verði haldið að samræma kaupgjald
þannig að sama kaup gildi fyrir sömu vinnu hvar
sem er á landinu."
5. Lagður verði skattur á allan stórgróða, að
undangenginni skráningu allra verðbréfa, banka-
innstæðna, innköllun peninga og endurmati allra
fasteigna.
Út af frumvarpi Jóhanns Hafsteins um lög-
festingu hlutfallskosninga í stéttarfélögum voru
samþykkt eftirfarandi mótmæli:
„19. þing Alþýðusambands íslands mótmælir
eindregið frumvarpi Jóhanns Hafsteins um breyt-
ingu á lögum um stéttarfélög og vinnudeilur,
þar sem lagt er til, að lögfestar verði hlutfalls-
kosningar í stéttarfélögum og skorar á Alþingi
að fella það. Þingið lítur á frumvarp þetta sem
árás á félagafrelsið í landinu og óskammfeilna
tilraun til þess að skerða óumdeilanlegan rétt
verkalýðsfélaganna og annarra samtaka til að ráða
sínurn innri málum, árás, sem ekki mun eiaa sér
neina hliðstæðu í lýðfrjálsu landi.
Þingið lítur svo á, að slík lagasetning myndi
beinlínis lögfesta pólitíska sundrungu innan sam-
takanna, verða stöðug uppspretta ófriðar meðal
verkamanna og verka lamandi á alla starfsemi
verkalýðsfélaganna, en gera lýðræðið að skrípa-
mynd. Það myndi leiða til þess, að trúnaðarmenn
VINNAN
verkalýðssamtakanna yrðu ekki kosnir eftir starfi
sínu í þágu þeirra, heldur eftir stjórnmálaskoð-
unum, það myndi löghelga afskipti stjórnmála-
flokka af innri málefnum verkalýðssamtak-
anna, skerða þar með sjálfstæði þeirra og gera
þau að leiksoppi stjórnmálaflokka í stað þess að
vera óskoruð hagsmunavígi meðlimanna.
Þingið vill vekja sérstaka athygli allra laun-
þega á því, að tillagan um að lögfesta stjórnmála-
erjur í verkalýðssamtökunum, er um leið lævís-
leg tilraun til þess að dreifa athygli verkafólks-
ins frá hagsmunabaráttunni, sem krefst samstilltr-
ar einingar alls verkalýðs.
Þingið álítur, að þau fjögur ár, sem liðin eru
síðan Alþýðusambandið varð skipulagslega sjálf-
stætt, hafi sannað, að verkalýðssamtökin eru þá
sterkust, þegar þau eru sjálfstæð.
Þingið álítur því, að í stað þess að liða verka-
lýðssamtökin í sundur nteð pólitískum hlutfalls-
kosningum og ónýta þannig árangurinn af hálfr-
ar aldar erfiði íslenzkra verkamanna og verka-
kvenna, þurfi verkalýður alls landsins að rísa upp
til varnar samtökum sínum og vernda sjálfstæði
Þóroddur Guðmundsson i forsetastól þingsins
321