Vinnan - 01.12.1946, Side 23

Sigurður Jóhannsson
MINNINGAR
Sigurður Jóhannsson skipstjóri á Eskifirði fórst
með v.s. Borgey hinn 5. f. m.
Með lionum er í valinn fallinn einn þekktasti
og bezti sjómaður Ausurlands, enda munu fáir
eða engir stéttarbræðra hans eiga jafn marga vini
á Austfjörðum og hann átti. Hann var um margra
ára skeið skipstjóri á flóabátum, sem gengu rnilli
Reykjavíkur og Austfjarða og kynntist því fjölda
fólks. Eru ótalin þau erindi, smá og stór, sem
hann innti af hendi fyrir fólkið austur þar. Eng-
inn veigraði sér við að biðja Sigga Jóh um greiða,
því að liann var alltaf sjálfsagður og aldrei eftir
talinn.
Skipstjórn á flóabát er vafalaust einhver eril-
samasta og erfiðasta staða, sem nokkur sjómaður
kemst í. Það er svo margt, smáttt og stórt, er fólk-
ið í dreifbýlinu vanhagar um, og ekki fæst afjgreitt
með einni skipsferð, ef erindið er aðeins rekið
bréflega eða símleiðis. Því mun nú mörgum þykja
óvænlega horfa um erindi sín, er Sigurður er
liorfinn úr leik, vitandi það, að enginn meðal-
maður fer í fötin hans um úrræði og dugnað, þótt
góðum vilja væri gæddur. Þeir, sem kynntust Sig-
urði fyrst og fremst á ferðum lians með ströndum
landsins, harma í senn góðan vin og hjálpfúsan
greiðamann, sem hvers manns vanda vildi leysa.
Á Austfjörðum var Sigurður að fleiru kunnur
en lipurð og dugnaði í strandferðunum. Hann
var óvanalega lieilsteyptur skapgerðarmaður. í
stjórnmálum var hann aldrei á báðum áttum.
Hagsmunir alþýðunnar, fjöldans, voru honunr
allt í öllu í því efni. Hann stóð ætíð fremst í
fylkingu í baráttu verkalýðsins fyrir bættnrn kjör-
um. Áður liefur sá þáttur ævistarfs hans verið að
nokkru rakinn í Vinnunni.
Sigurður heitinn hefur um langt skeið átt sæti
í hreppsnefnd Eskifjarðarhrepps og gegnt fjöl-
mörgum trúnaðarstörfum bæði fyrir hreppsfé-
lagið og ýms hagsmunasamtök fólksins. Hann
átti drýgstan þátt í stofnun útgerðarsamvinnufé-
lags á Eskifirði, þegar við landauðn lá á Aust-
fjörðum sökum aflabrests og atvinnuleysis. Hann
var stórhuga og framsýnn, greindur og djarfur og
flutti mál sitt ætíð með einurð og rökfestu, sem
ekki varð í móti staðið, er til lengdar lét. Þess
vegna var hann ætíð sjálfsagður fulltrúi sveitunga
sinna, þegar stór mál voru á döfinni og naut þá
jafnt trausts pólitískra andstæðinga sem samherja
sinna. Mesta framfaramálið, sem Eskfirðingar
hafa barizt fyrir á síðustu árum, er bygging
stærsta hraðfrystihúss Ausurlands þar á staðnum,
og er því verki nú að verða lokið. Enginn einn
maður hefur átt jafn mikinn þátt í framgangi
þess máls og Sigurður. Það er því ekki of sagt, að
við fráfall lians hafi orðið héraðsbrestur á Eski-
firði.
Sigurður var giftur Borgheiði Einarsdóttur,
hinni mestu greindar- oig myndarkonu, og lifir
hún mann sinn. Þau eignuðust fjögur börn, sem
öll eru á lífi og livert öðru mannvænlegra. Elzt
þeirra er Alfons, stýrimaður á Eskifirði, þá Sigrún
igift Hilmari Bjarnasyni sjómanni á Eskifirði, þá
Einar Bragi, stúdent, sem nú stundar nám við
háskólann í Lundi, einnig kvæntur. Yngst barna
þeirra er Anna, sem undanfarin ár liefur stundað
verzlunarstörf í Vestmannaeyjum, en er nú á för-
um til Svíþjóðar.
Sigurður Jóhannsson var fæddur 14. des. 1891
á Djúpavogi.
A.J.
VINNAN
329