Heilbrigðisskýrslur - 01.12.1965, Qupperneq 127
— 125 —
1965
Tómas Sturlaugsson kennari önnuðust kennslu í ýmsum greinum.
Vinnukennsla og vinna til þjálfunar fór fram með svipuðu sniði og
áður. Vistmenn unnu að ýmsum störfum í 109051 klst.
K. Hjúkrunar- og líknarfélög.
Blindravinafélag íslands var stofnað 24. jan. 1932 af um 1000 fé-
lögum. Tilgangur félagsins er að leitast við að hjálpa og hlynna að
blindum mönnum, ungum og gömlum, og vinna að aukinni þekkingu á
augnsjúkdómum meðal almennings og verndun sjónar. Fyrsti blindra-
skóli á landinu var stofnaður 6. okt. 1933 og hefur starfað síðan.
Blindir nemendur hafa verið á skólaaldri. Fyrstu árin voru 6 nem-
endur, en síðastliðinn vetur voru 5 nemendur, þar af 2 í heimavist.
Frá stofnun félagsins hefur það starfrækt vinnustofu fyrir blint fólk.
Þar hafa blindum verið kenndar ýmsar iðngreinar, svo sem burstagerð,
vefnaður, körfugerð, taumahnýting, mottugerð, vörpuriðningogbólstrun
legubekkja. Húseignin Ingólfsstræti 16 í Reykjavík var keypt 1939, og
þar var öll starfsemi félagsins fram til 1958, en þá keypti félagið
húsið að Bjarkargötu 8 og stofnaði þar blindraheimili. Þar er og blindra-
skólinn til húsa. Heimilið er helzt ætlað starfandi fólki. sem vinnur
hjá félaginu. Þar búa nú 8 blindir eða sjóndaprir, en 2 í Ingólfsstræti.
Árið 1933 veitti Alþingi félaginu heimild til að fá að láni frá Viðtækja-
verzlun ríkisins 10 viðtæki á ári handa fátækum, blindum mönnum,
og munu nú allt að 350 blindir menn hafa fengið viðtæki að láni þessi
ár. Tekjur félagsins eru félagsgjöld, merkjasala, gjafir og áheit, svo
og kr. 24000,00 frá ríki og kr. 10000,00 frá Reykjavíkurborg. Félagið
leggur nú aðaláherzlu á að safna fé fyrir segulbandstæki, sem það
ætlar að lána blindu fólki. Félagið á nú þegar nokkurt safn af segul-
bandsspólum með skáldsögum eða öðru skemmtiefni, sem það lánar
þeim blindum, sem þegar hafa umráð yfir segulbandstækjum.
L. Lyfjabúðaeftirlit.
Eftirlitsmaður lyfjabúða gerir svolátandi grein fyrir eftirliti með
lyfjabúðum á árinu 1965. Eftirlitsmanni til aðstoðar var ráðinn um
þriggja mánaða skeið Vilhjálmur G. Skúlason, dr. phil., lyfjafræðingur.
Lyfjabúðir í lok ársins voru 26 að tölu.
Starfslið: Starfslið lyfjabúðanna fyrir utan lyfsala (24), en með
forstöðumönnum tveggja félagsrekinna lyfjabúða, var sem hér segir.
Eru tölur miðaðar við þann dag, er skoðun var gerð hverju sinni: 20
lyfjafræðingar (cand. pharm.), 14 karlar og 6 konur, 20 lyfjafræð-
ingar með fyrri hluta próf í lyfjafræði (exam. pharm.), 5 karlar og 15
konur, 11 lyfjafræðistúdentar, 7 piltar og 4 stúlkur, og annað starfs-
fólk 208 talsins, 21 karl og 187 konur, eða samtals 259 karlar og konur.
Nokkuð skortir sums staðar á, að fyrirmælum 36. gr. lyfsölulaga nr.