Heilbrigðisskýrslur - 01.12.1965, Side 172

1965
— 170 —
Sj. tók landsprófið á eðlilegum tíma. Sat síðan tvo vetur í 3. bekk
M. R. Mér skilst, að hann hafi þá verið latur við nám og víst eitthvað
óreglusamur. Hann hætti námi í 5. bekk. Hann var þá reglusamur, en
átti sérstaklega erfitt með svefn, hafði mjög oft slæman höfuðverk
og var þreyttur og illa upplagður. Eftir að sj. hætti námi, vann hann
fyrst í tæpt ár í Landsbankanum, síðan nokkra mánuði í Fálkanum,
en frá því snemma árs 1965 hefur hann unnið sem skrifstofumaður
hjá S. I. S.
í viðtölunum kemur fram, að sj. finnst honum ekki hafa gengið eins
vel í vinnu og hann hefði óskað. Honum finnst hann hafa verið seinn
að ná tökum á nýjum verkefnum og fljótur að gleyma. Þó skilst mér,
að þetta sé orðið allmiklu betra núna. Hann er ánægður hjá S. I. S. og
hefur tekið þar framförum í starfi, sem yfirmenn hans hafa kunnað að
meta.
Sj. á ekki mörg áhugamál. Helzta áhugamál hans um nokkurra ára
bil hefur verið dulspeki, og er hann ritari í einni stúku Guðspekifélags-
ins. Hann segist ekki vera neitt óreglusamur að ráði, og lítið er hann
hneigður fyrir skemmtanir. Hann á fáa vini og félaga, segist vera feim-
inn og eiga vanda til að koma klaufalega fyrir. Hann mun hafa verið
hálfvegis trúlofaður um eitt skeið, en þau tengsl slitnuðu, og mér skilst,
að hann hafi lítil afskipti haft af stúlkum. Hann segist vera allmikill
draumóramaður og hneigður fyrir spekuleringar.
Hann telur, að hann hafi fengið heilbrigt og eðlilegt uppeldi.
Viðtal viö systur sj. Rætt var einu sinni við systur sj. Hún virðist
vera það af skyldmennum hans, sem hann hefur verið og er einna
tengdastur. Þau hafa alla tíð verið samrýmd og átt auðvelt með að
taia saman. Hún lýsir bróður sínum þannig, að hann sé hæglátur og
prúður í dagfari. Hann er hjálpfús og góður í sér. „Ekkert illt til í
honum“. Hann er samvizkusamur í starfi og mjög heiðarlegur í fjár-
málum, er t. d. sérstaklega illa við að skulda. Hann hefur í rauninni
aðeins átt einn vin, og er það maður, sem er miklu eldri honum. Þeirra
sameiginlega áhugamál er guðspekin.
Hann heldur sig mest heima á kvöldin eða á heimili systur sinnar.
Hann skemmtir sér lítið og er ekkert óreglusamur, svo að heitið geti.
Hún segist t. d. aldrei hafa séð hann undir áhrifum áfengis, þó að
þau umgangist mjög mikið. Aðaláhugamál hans um þessar mundir er
klassisk músik. Hann hefur komið sér upp fullkomnum tækjum, eyðir
kaupi sínu mest í plötur og situr mikið einn heima og spilar. Fyrr á
árum var hann niðursokkinn í guðspekina og alls kyns dulfræði. Hann
las heilu doðrantana um þessi efni, og telur systir hans, að það hafi
átt sinn þátt í því, að hann flosnaði upp frá námi. — Systirin telur, að
hann hafi liðið mikið af einmanaleik undanfarið.
Hún telur að hann hafi breytzt allverulega við ofangreint slys, en
fram að þeim tíma var hann fjörugur, skemmtilegur og duglegur