Fiskifréttir - 21.09.1984, Blaðsíða 25

föstudagur 21. september
25
aa n n [WJ \ IMPORTERS
um M \8M[ n + AGENTS
Bremerl
Cuxhaven
Hamburg
OCEAN PERCH,
COALFISH, COD
frozen fillets
blockfrozen
+ interleaved
FROZEN PRAWNS
(Pandalus borealis)
LUMPFISH ROE
HERRING +
HERRINGFILLETS
frozen
marinated
FROZEN BLACK HALIBUT
blockfrozen
or IQF
Agency for containerimports Agency for trawlerlandings
of fresh fish in Bremerhaven + Cuxhaven
Please contact: Friedrich Wilhelm Lubbert GmbH & CO
2850 Bremerhaven 29 • P.O.B. 290402 • Telephone: 471-72084 • Telex: 238641
Vélsmi&ja Heiðarss
,Fyrirspurnir um sildar-
söltunarkerti hafa komið
allt frá Indónesiu((
„Petta fyrirtæki var stofnað fyrir
22 árum, árið 1962 og var fyrst
starfrækt í Sætúni í Reykjavík,"
sagði Heiðar B. Marteins um upp-
haf fyrirtækis síns Vélsmiðju Heið-
ars, en það hefur þjónað aðilum í
sjávarútvegi í 22 ár. „Svo fluttum
við í Auðbrekku 43, þaðan fórum
við í Hamraborg 1 og fyrir 10 árum
síðan eignaðist ég þetta húsnæði
hér í Vesturvör 26. Fram að því
hafði fyrirtækið verið í leiguhús-
næði.“
Aðspurður um hvaða viðfangs-
efni fyrirtækið hefði tekið fyrir
sagði Heiðar, að það smíðaði allt
fyrir sjávarútveginn. „Fyrst unn-
um við mest fyrir saltfiskverkend-
ur og smíðuðum fiskþvottavélar.
Fram að þeim tíma voru menn
háðir gömlum aðferðum. Síðan
þróaðist þetta smátt og smátt í það
að við smíðuðum stærri vélar og
færibönd. Þetta hefur verið aðal-
lega fyrir innanlandsmarkað, en
þó fer hlutur útflutnings vaxandi.
Og er nú 1/3 hluti veltunnar fyrir
; ramleiðslu sem selst hefur á erl-
cndum mörkuðum. Við höfum
selt loðnulirognaþvottavélar til
Noregs og til frlands höfum við
selt fiskþvottavélar og færibönd
fyrir síld og rnakríl."
Heiðar sagði að á undanförnum
árum hefði fyrirtækið verið að
þróa upp sjálfvirkt síldarsöltunar-
kerfi og hefði það verið sett upp á
fimm stöðum hér á landi og auk
þess í Bodö í Noregi.
„Fað hefur mikið verið spurt um
framleiðsluna og eru það aðilar
víða að í heiminum, t. d. frá
Kanada og Indónesíu. Erlendar
þjóðir vilja að seljendur setji tækin
upp og gera ráð fyrir að öll þjón-
usta sé innifalin. Og þess vegna
hefur það háð okkur að við höfum
ekki gert nóg af því að selja heil
vinnslukerfi, heldur bara einstaka
hluta,“ sagði Heiðar.
Um stærð fyrirtækisins sagði
Heiðar, að þar störfuðu 7 fast-
ráðnir menn allt árið. Yfir sumarið
eru þetta 11 til 15 manns í vinnu.
Og hann sagði að þessir sjö menn
sem væru fastráðnir hefðu unnið
hjá fyrirtækinu alveg frá upphafi.
Það hefði það í för með sér að
afköst væru mun meiri.
„Það hefur verið mjög mikið að
gera hjá okkur, en það má ekki
koma niður á vinnubrögðunum og
ég vona að sú hafi orðið raunin.
Mér þykir gaman að geta þess, að
þeir sem hafa byrjað að skipta við
okkur hafa haldið því áfram.“
„Við höfum verið sjálfir að
hanna framleiðsluvörurnar, en
höfum notið verkfræðiaðstoðar í
gegnum iðnþróunarsjóð. Hann
hefur séð um að greiða helming af
hönnunarkostnaði. Þetta er gert í
gegnum Meistarfélag járniðnað-
armanna.“
Blaðamaður Fiskifrétta spurði
Heiðar, hvað af framleiðsluvörum
Vélsmiðju Heiðars yrði á Sjávarút-
vegssýningunni.
„Ég verð með síldarsöltunar-
kerfi eins og ég hef sett upp á fimm
stöðum hér á landi og í Bodö. En
eins og er hefur fyrirtækið næg
verkefni og komi einhverjar pant-
anir mun ég ráða undirverktaka til
að framleiða.“
Framleiðsluvörur Vélsmiðju
Heiðars eru: vinnslukerfi fyrir síld,
saltfisk og skreið. Færibönd, fisk-
þvottavélar, netstigar og þvotta-
og hreinsitromlur fyrir loðnu.
Fyrirtækið gerir skipulagstillögur
að vinnslukerfum fyrir hugsanlega
kaupendur og síðan föst verðtil-
boð. Af þessari upptalningu má
sjá, að þjónustan beinist aðallega
og nær eingöngu að sjávarútvegin-
um.
Síldarsöltunarkerfi frá Vélsmiðju Heiðars.