Fiskifréttir - 21.09.1984, Blaðsíða 29

föstudagur 21. september
29
Kassagerð Reykjavíkur:
Litil þróun verið í pökkun
fisks i frystihúsunum:
Kassagerðin kynnir nýjan búnað til pökkunar á fiski ásamt nýjum öskjum
Það þarf vart að kynna Kassagerð
Reykjavíkur almenningi, svo
þekkt er fyrirtækið meðal almenn-
ings. Kassagerðin var stofnuð 1932
og var höfuðtilgangur hennar
framleiðsla umbúða fyrir íslenskar
fiskafurðir til útflutnings.
Nú framleiðir Kassagerðin hvers
kyns umbúðir úr pappa fyrir hinar
þrjár höfuðatvinnugreinar íslend-
inga, sjávarútveg, landbúnað og
iðnað, en sem fyrr er framleiðslan
lang mest fyrir sjávarútveginn. Þá
hefur fyrirtækið náð góðum árang-
ri erlendis og framleiðir til dæmis
verulegan hluta umbúða fyrir fær-
eysku frystihúsin og einnig hefur
verið selt til Bandaríkjanna og
fleiri landa.
Þegar rætt var við Leif Agnars-
son framkvæmdastjóra Kassagerð-
arinnar sagði hann, að lítil vöruþró
un hefði átt sér stað í umbúðum til
frystihúsa um langt skeið. „Þar
getum við nefnt hina víðfrægu 5
punda pakkningu, hún hefur verið
óbreytt í fjölda ára,“ segir Leifur.
„Við höfum talið að þetta myndi
breytast og ennfremur höfum við
vonast til og reiknað með að um
frekari vinnslu afurðanna hér
heima. Að vísu hafa margir fært
rök á móti frekari vinnslu á íslandi,
en engu að síður höfum við búið
okkur undir slíka þróun, enda
hefur þróun í umbúðum orðið
mikil erlendis á síðustu árum.
Það hefur líka verið mikil þróun
í frystihúsunum hér heima á síð-
ustu árum. Vélabúnaður er full-
kominn, margt er tölvuvætt, en
þegar kemur að pökkuninni hættir
vélvæðingin. Þar er enn hand-
pökkun og sömu umbúðir notaðar
og fyrir mörgum árum,“ segir
Leifur.
í því skyni að framþróun verði í
pökkun og nýjum umbúðum í
frystihúsum á íslandi hefur Kassa-
gerðin samið við þau tvö fyrirtæki,
sem eru langfremst í pökkun á
frystum matvælum í heiminum, en
það eru Kliklok Corp. í Bandaríkj-
unum og Diotite í Bretlandi. Með-
al annars nota verksmiður SH og
Sambandsins í Bandaríkjunum
pökkunarkerfi frá Kliklok Corp.
„Þessi fyrirtæki framleiða vélar
til uppsetningar og lokunar á um-
búðum. Vélasamstæðurnar frá
þessum fyrirtækjum reisa öskjurn-
ar og síðan fara þær eftir færibandi
þar sem þær eru fylltar. Á færi-
bandinu má annaðhvort vél- eða
handfylla öskjurnar allt eftir því
hvort hentar betur. Síðan halda
öskjurnar áfram, að vél sem lokar
þeim,“ sagði Leifur.
Þá sagði hann, að öskjurnar sem
notaðar væru, væru hannaðar með
tilliti til notkunar í þessum vélum.
Kassagerðin hefði hins vegar feng-
ið leyfi til að leigja þessar vélar og
framleiða öskjur fyrir þær. Þessar
öskjur væru yfirleitt plasthúðaðar,
annað hvort aðeins að innanverðu,
eða bæði utan og innan. Þegar
þeim væri lokað soðnaði plastið
Vélasamstæða eins og Kassagerð Reykjavíkur er með á
sjávarútvegssýningunni.
saman, þannig að þær verða
vökvaheldar.
Kassagerðin hefur tryggt sér
framleiðsluleyfi fyrir þessar öskjur
á Islandi, í Færeyjum og á Græn-
landi.
„Ef fyrirtæki hérlendis ætla sér
að fara að framleiða matvörur
fyrir erlendan markað í neytenda-
umbúðum verður að nota þessar
öskjur,“ segir Leifur.
Á sjávarútvegssýningunni í
Laugardalshöll á bás C-30 sýnir
Kassagerðin vélasamstæðu frá
Diotite í Englandi og sú samstæða
hentar til dæmis ntjög vel til
pökkunar á 1 punda öskjum.
Kassagerðin hefur þurft að
þjálfa starfsfólk til viðhalds og
eftirlits á þessum samstæðum.
Þá kom fram hjá Leifi, að aðra
tækni þarf við litprentun á plast-
húðaðar öskjur, en þegar prentað
er á venjulegt karton. Auk þess er
hráefnið í plasthúðuðu öskjurnar
vandmeðfarnara.
„Ég vil taka það fram, að við
erum ekki beint að auglýsa véla-
samstæðuna, sem við sýnum í
Laugardalshöll, heldur fyrst og Kassagerð Reykjavíkur og er
fremst að kynna þá möguleika, starfsmannafjöldinn svipaður og
sem svona pökkunarkerfi bjóða undanfarin ár. Framleiðsla fyrir-
upp á,“ sagði Leifur Agnarsson. tækisins hefur heldur vaxið undan-
Um 160 manns starfa nú hjá farin 2 ár.
PACKED BY
(CEtAND SEAFOOD CORP.
r/
NET WEIGHT 15 LBS.
'UCT OF FAROE ISLANOS
wm
QUICK FROZEN
ADDOCK FILLETS
Ibs 5.90 kg.
NORTH ATLANTIC
FILLETS
GUARANTEED
FRESH!
JUMBO COD
FLOUNDER
HADDOCK
POLLOCK
SOLE
MED. JUMBO COD
G0LDEN EYE
Það eru ekki bara islensk fyrirtæki sem notfæra sér áratuga reynslu Kassagerð-
ar Reykjavíkur hf. í gerð umbúða fyrir hinar ýmsu tegundir sjávarafurða. Hefur
þú góða vöru sem þarfnast góðra umbúða? Við erum ávallt til viðtals.
KASSAGERÐ REYKJAVÍKUR HF
KLEPPSVEGUR 33 - PÓSTHÖLF 4180- 124 REYKJAVÍK - SlMI 38383