Fréttablaðið - 20.11.2021, Qupperneq 6

bth@frettabladid.is
borgarmál Vigdís Hauksdóttir,
borg a r f u l lt r ú i M iðf lok k si n s ,
segir að milljarðar fari í súg-
inn hjá Reykjavíkurborg vegna
ofmönnunar. Starfsmannafjöldi
Reykjavíkurborgar haf i aukist
sem nemur 1.100 til 1.200 manns
á kjörtímabilinu.
„Ég gagnrýni ekki lögbundna
þjónustu eða grunnþjónustu í
þessum efnum, en ég geri athuga-
semdir við skrif borðsstörf, ólög-
bundin verkefni og gæluverkefni,“
segir Vigdís.
Nú standi enn til að ráða inn á
þjónustu-og nýsköpunarsvið 60
manns vegna stafrænnar umbreyt-
ingar. Star fsmannaf jöldinn sé
orðinn slíkur að borgin sé á fullu
að leigja nýtt skrifstofuhúsnæði
þar sem borgin belgist út. „Þetta
er algjörlega óásættanlegt, því við
erum bara rúmlega 130.000 íbúar.
Vigdís segir að heildarstarfs-
mannafjöldi borgarinnar sé milli
11.500 og 12.000, sem sé langt yfir
hlutfallslegum fjölda í nágranna-
sveitarfélögum.
„Það er engin starfsmannahag-
kvæmni hér í höfuðborginni,“ segir
Vigdís, sem leggur til 10 prósenta
hagræðingarkröfu á stjórnsýsluna.
„Ég er ekki síst upptekin af þessu
vegna þess að borgin er lána-
drifin.“ Alltaf sé verið að taka ný
lán sem komandi kynslóðir sitji
uppi með þrátt fyrir að tekjur
borgarinnar aukist, til dæmis af
fasteignagjöldum. n
Ég gagnrýni ekki
lögbundna þjónustu
eða grunnþjónustu í
þessum efnum, en ég
geri athugasemdir við
skrifborðsstörf, ólög-
bundin verkefni og
gæluverkefni.

Vigdís
Hauksdóttir,
borgarfulltrúi
Miðflokksins
Það gildir sú skylda á
íslenskum stjórn-
völdum að afgreiða
mál án nokkurra tafa.
Jón Steinar
Gunnlaugsson,
lögmaður
Kvikmyndaskóla
Íslands
kristinnhaukur@frettabladid.is
stjórnsýsla Jón Steinar Gunn-
laugsson, lögmaður Kvikmynda-
skóla Íslands, segir enga ágalla í
lögum sem kalli á gerð gæðahand-
bókar til að nota við viðurkenn-
ingarmat á skólanum sem háskóla.
Það kom fram í svari mennta- og
menningarmálaráðuneytisins í
gær. Telur hann svarið ekki halda
vatni.
Segir enga ágalla
kalla á handbók
„Það eru engir ágallar á lögunum.
Skilyrðin eru talin upp í þriðju
grein og óháðir aðilar meta hvort
þeim sé náð. Nánar er kveðið á um
þetta í reglugerð frá árinu 2006,“
segir Jón Steinar.
Þá gefur hann einnig lítið fyrir
svör um málsmeðferðartíma, en
ráðuneytið bar því við að umsókn-
in væri sú fyrsta af þessu tagi síðan
lögin voru sett. Umsóknin var send
inn fyrir tæpum tveimur árum.
„Það gildir sú skylda á íslenskum
stjórnvöldum að afgreiða mál án
nokkurra tafa,“ segir Jón Steinar og
bendir á að borist hafi fyrirheit um
að ákveðnir hlutar málsins yrðu
kláraðir á þessu ári. Meðal annars
í bréfum frá starfsmönnum ráðu-
neytisins. Hefur það ekki gengið
eftir og Gæðaráði háskóla kennt
um. n
HAFNARFJÖRÐUR
Hjallahraun 4
NJARÐVÍK
Fitjabraut 12
KÓPAVOGUR
Smiðjuvegur 34
REYKJAVÍK
Skútuvogur 2
ÞAÐ ER ÓÞARFI
AÐ NEGLA TÍMANN
FR
ÁBÆR VER
Ð
Á
DE K K J UM
Bæjarstjórn Akureyrar vakti
mikla athygli í fyrra, þegar
nokkurs konar þjóðstjórn
var mynduð. Fulltrúarnir eru
mistrúaðir á framhald á því.
Samkvæmt fjárhagsáætlun
snýst reksturinn í hagnað
eftir tvö ár.
kristinnhaukur@frettabladid.is
norðurland Bæjarfulltrúar á
Akureyri eru mistrúaðir á að því
óhefðbundna stjórnarmynstri sem
verið hefur undanfarið ár verði
haldið áfram eftir kosningar í vor.
Er það nokkurs konar „þjóðstjórn“
þar sem er enginn meiri- eða minni-
hluti. Oddviti Sjálfstæðisflokksins
telur áframhald mjög ólíklegt, en
oddviti L-lista útilokar ekki áfram-
haldandi mynstur.
„Ég á ekki von á að þetta mynstur
haldist. Við fórum í þetta vegna
sérstakra aðstæðna. Ég reikna fast-
lega með því að farið verði í fyrra
horf eftir kosningar,“ segir Gunnar
Gíslason, oddviti Sjálfstæðismanna.
Sjálfstæðisf lokkur, Miðf lokkur
og Vinstri græn voru í minnihluta
fram til september á síðasta ári, en
Framsóknarf lokkur, Samfylking
og L-listi í meirihluta. Halla Björk
Reynisdóttir, oddviti L-lista og for-
seti bæjarstjórnar, segist ekki úti-
loka áframhaldandi mynstur.
„Ég á ekki von á því að það verði
erfiðara að mynda sér sérstöðu en
áður. Þeir sem starfa í meirihluta
þurfa alltaf að mynda sér sérstöðu
fyrir kosningar. Við erum ekki alltaf
sammála þó við störfum saman,“
segir Halla. Reynsla sé nú komin á
samstarfið og það hafi bæði kosti
og galla. „Helsti kosturinn er að
allir kjörnir fulltrúar leggja svipaða
vinnu við stjórn bæjarins og allir
bæjarbúar eiga þá sinn málsvara
í þeirri vinnu. “ segir hún. Það geti
hins vegar verið flókið og tímafrekt
að komast að niðurstöðu,
Guðmundur Baldvin Guðmunds-
son, oddviti Framsóknarmanna og
formaður bæjarráðs, er tvístígandi
um áframhaldandi þjóðstjórn Sam-
starfið hafi gengið ágætlega, en það
hafi verið farið í vegna áskorana í
rekstri, bæði vegna launahækkanna
og áhrifa faraldursins.
„Við erum ekki að sýta það að
okkar starfsfólk, sem oft er með
lág laun, fái kjarabætur. En þetta er
verkefni sem við þurfum að takast
á við,“ segir Guðmundur. „Bæjar-
stjórn á Akureyri hefur í gegnum
tíðina verið 90 prósent sammála.
Ég myndi segja að það væri ágætt að
hafa meiri- og minnihluta til þess að
veita ákveðið aðhald.“
Róðurinn hefur verið þungur í
f jármálunum. Samkvæmt nýrri
fjárhagsáætlun verður tap bæjar-
ins á næsta ári um 670 milljónir en
hagnaður á þarnæsta ári.
„Í gegnum þetta samstarf höfum
við náð samstöðu um erf iðar
aðgerðir sem við erum að vinna í
núna,“ segir Gunnar. „Við erum að
takast á við aukinn launakostnað
og þurfum að leita leiða til að hag-
ræða, til dæmis með því að skerða
þjónustu eða bjóða út verkefni sem
við höfum áður sinnt sjálf.“
Guðmundur segir ástæðu til
bjartsýni, meðal annars vegna
Hólasandslínu, uppbyggingar á
f lugvellinum, opnun heilsugæslu-
stöðva og fleiri þátta. Íbúðum hafi
fjölgað og íbúum líka, til dæmis um
350 á árinu. „Það skiptir miklu til að
auka útsvarið og nýta innviðina,“
segir Guðmundur.
Þá er einnig ljóst að mikil endur-
nýjun verður á listum og hafa meðal
annars Gunnar og Halla ákveðið að
leiða sína lista ekki áfram. Þá hafa
tveir bæjarfulltrúar tekið sæti á
Alþingi. „Sú endurnýjun sem er í
kortunum er helst til of mikil. Ég
hefði óskað að fleiri myndu halda
áfram,“ segir Halla. n
Mistrúuð á áframhaldandi
samstarf eftir kosningarnar
Frá september í fyrra hafa allir sex flokkarnir verið saman í stjórn á Akueyri. Mynd/aðsend
Halla Björk
Reynisdóttir
forseti bæjar-
stjórnar
Ofmönnun kosti
borgina milljarða
Kvikmyndaskóli Íslands vill mennta
kvikmyndagerðarfólk á háskólastigi.
6 Fréttir 20. nóvember 2021 LAUGARDAGURFréttablaðið