Bjarmi - 01.04.2021, Blaðsíða 44

| bjarmi | apríl 202144
1 Stefán Júlíusson. Nýjar kvöldvökur 3.hefti 1961, bls.126-130
2 Elín Þorgilsdóttir. Morgunblaðið 27.ágúst 1991, bls. 33
3 Katla Ólafsdóttir Fagnaðarboði 3. tbl. 1991, bls. 2-7
4 Katla Ólafsdóttir. Óbirt ritgerð í kirkjudeildafræði við guðfræðideild Háskóla Íslands, bls. 6
5 Arnljótur Davíðsson. Morgunblaðið 29. júní 2020, bls. 18
var hún ótrúlega afkastamikil við að ganga í
hús með Fagnaðarboðann og bera vitni um
Krist fyrir þeim sem vildu heyra. Kristínu eru
borin ákaflega falleg vitni í minningargreinum
að henni látinni. Henni er lýst sem elskandi,
umhyggjusamri, glaðlyndri konu, sem bar
Drottni sínum vitni í orði og verki hvar sem
hún fór. Jesús sagði við lærisveina sína: „Þér
eruð ljós heimsins.“ Kristín var slíkt ljós.
VILBORG BJÖRNSDÓTTIR (1.
JANÚAR 1914-23. JÚNÍ 1985)
Vilborg var ein þeirra þriggja kvenna sem
störfuðu hvað lengst með Salbjörgu og
Guðrúnu. Vilborg hafði frá unga aldri mjög
daufa sjón sem dofnaði stöðugt þrátt fyrir
stöðuga leit að lækningu. Það var árið 1935
sem Drottinn gaf henni heilbrigða sjón fyrir
bæn Guðrúnar og hélt hún henni óskertri
fram á síðasta dag. Vilborg sá lengi vel um
undirleik á samkomum þeim sem haldnar
voru í Hörgshlíðinni.
Árið 1948 hófst útgáfa Fagnaðarboðans,
málgagns samfélags ins. Vilborg bar hitann
og þungan af vinnslu Fagnaðarboðans.
Hins vegar var það Guðrún sem ritaði flestar
greinar blaðsins. Afgreiðsla blaðsins fór fram í
kjallaranum á heimili Guðrúnar og Salbjargar
í Hafnarfirði. Þar sat Vilborg löngum stundum
við ýmis störf tengd blaðinu en um tíma var
það prentað og því dreift í um 10-11 þúsund
eintökum. Margar ferðir voru farnar víðs
vegar um landið þar sem blaðið var boðið
til kaups auk þess sem liðsmenn gengu hús
úr húsi klukkustundum saman. Einnig voru
áskrifendur margir.
MARGRÉT ERLINGSDÓTTIR (19. JÚLÍ
1930-8. JÚNÍ 2020)
Margrét var yngst þessara kvenna og
tengdadóttir Kristínar Hannesdóttur. Það
kom í hlut Margrétar að taka við keflinu.
Í minningargrein um hana í Morgunblaðinu
í júní sl. segir Arnljótur Davíðsson:
„Þegar kynslóðin sem staðið hafði að
starfinu var að fylla tal daga sinna steig
smám saman fram þessi hógláta kona sem
Margrét var. Það kom fljótt í ljós að þar var
sami bænakrafturinn, fullvissan og óbifandi
trú á Jesú Krist. Hún stóð stöðug í skipsstafni
ásamt þeim sem eftir voru, staðföst í bæninni
fyrir landi og þjóð og öllum sem óskuðu
fyrirbænar ... Margrét sem var einstaklega
vel máli farin, boðaði Guðs Orð hreint og
ómengað af sömu staðfestu og fyrirrennarar
hennar.“
AÐ LOKUM
Það er fólgin í því mikil blessun að kynna sér
líf þessara kvenna. Það er blessun vegna
þess að ávextir andans, eins Páll postuli lýsir
þeim í Gal. 5:22, eru svo auðsæir í lífi þeirra,
af samdóma lýsingum þeirra sem þekktu
þær náið. Blessunin felst líka í því hvernig
draga má lærdóm af því hvernig þær fóru að
því að lifa í andanum. Þær gerðu það með
því að lifa fyrir Krist og fyrirverða sig ekki fyrir
vitnisburðinn um hann. Þær gerðu það með
að lifa samtímis í náð Guðs og hlýðni við orð
hans. Þær gerðu það með því að þjóna og
elska náungann í krafti andans.
Drottinn blessi minningu þeirra.
Með þessu tölublaði hefst nýr árgangur.
Áskrifendum hefur fækkað á liðnum árum
og alltaf matsatriði hvort eða hvernig
skuli halda tímariti sem Bjarma úti. Meðal
breytinga nú er að unnt er að vera í
pappírslausri áskrift og fá þá áskrifendur
blaðið á rafrænu sniði og geta lesið í tölvu
eða snjalltæki. Áskrift til þessa hóps er kr.
2.950 á ári.
Hefðbundin áskrift er enn í boði og
kostar kr. 4.950 á ári. Breytingar voru
gerðar á póstþjónustu til útlanda um
áramótin og myndi slík áskrift kosta
10-12 þúsund krónur. Því var ákveðið
að bjóða eingöngu upp á rafræna
áskrift út fyrir landsteinana.
Greiðsluseðlar verða sendir á
næstunni til innheimtu á árgjaldi
yfirstandandi árs. Greiðsluseðillinn
er í nafni Salts ehf, sem er útgefandi
blaðsins. Áskrifendur sem ekki hafa
greitt verða feldir af áskrifendaskrá.
Vefsíðan bjarmi.is hefur ekki verið í
notkun en draumurinn er að geta sett
þar inn efni og nýtt hana samhliða
útgáfu blaðsins á komandi mánuðum.
Einnig má benda á að Bjarmi er
aðgengilegur á timarit.is frá upphafi til
ársins 2009. Markmiðið er í samstarfi
við Landsbókasafn að þar sé blaðið
aðgengilegt nema síðustu 3 árgangar
á hverjum tíma.
Að lokum skal þess getið að
ritnefnd tekur við ábendingum um efni
í blaðið og athugasemdum um efni
þess, hvort sem viðkomandi vill að þær
séu birtar eða ekki. Netfang ritstjóra er
ragnar@sik.is. Síminn er 533 4900.
Ritnefnd Bjarma
Til áskrifenda