Strandapósturinn - 01.06.1996, Blaðsíða 37

Georg Jón Jónsson, Kjörseyri:
Riishús á
Borðeyri
Á Borðeyri við Hrútafjörð stendur gamaltjárnklætt timburhús
ein hæð og ris, með sneitt ofan af stöfnunum.
Þetta hús var nú orðið æði hrörlegt áður en endurbygging þess
hófst fyrir nokkru, enda komið til ára sinna. Það hefur staðið
þarna nálega frá því byggð hófst á þessum stað fyrir 138 árurn.
Raunar held ég að það sé með elstu húsum hér við Húnaflóa sem
enn eru uppistandandi. Saga þessa húss er nrjög merkileg og
nátengd sögu héraðsins og nær reyndar langt út fyrir það svæði.
Húsið var byggt sem íbúðarhús verslunarstjórans og var upp-
haflega kallað faktorshús upp á dönsku eins og eðlilegt er miðað
við þann tíma.
Þarna hafa búið ýmsir merkir menn og konur í gegnum tíðina,
menn sem mörkuðu afdrifarík spor í sögu verslunar og viðskipta
bæði innan héraðs sem og á landinu öllu. Einnig hefur verið
starfrækt verslun í húsinu og ýmis önnur þjónusta. Svo samofið er
þetta hús öllu á þessum stað að ég hef leyft mér að kalla það
„andlit staðarins".
Árið 1858 hefst samfelld búseta á Borðeyri. Þá flytur þangað
ungur maður að nafni Pétur Eggerts, sonur Friðriks Eggerts
35