Strandapósturinn - 01.06.1996, Blaðsíða 46

ur alls fagnaðar ef svo má um konu segja. Kristrún Jónsdóttir var
ættuð héðan úr Hrútafirði. Hún réðst sem unglingur til Höllu og
Kristjáns á Prestbakka og skildu þær Halla og Rúna aldrei eftir
það meðan báðar lifðu. I endurminningum sínum segir Pétur
Sigfússon svo um þær stöllur:
„Tvær ríkja þær saman sem ein heild í meðvitund samtíðar-
fólksins hér um slóðir, og tvær saman munu þær lifa lengi sem ein
óaðskiljanleg heild í hugum fjölmargra, jafnvel þótt önnur eða
báðar hverfi af yfirborði jarðar, svo nátengd og samslungin eru
þessi tvö nöfn: Rúna og Halla eða Halla og Rúna um allan
Hrútafjörð og víðar“.
Síðasti fasti íbúi í Riishúsi var einmitt Kristrún (Rúna) Jónsdóttir,
hún bjó þar langa hríð eftir að Halla lést, flutti úr húsinu árið
1965. Eftir að fastri búsetu lauk má segja að húsið hafi drabbast
niður. Um nokkurra ára skeið starfrækti Helgi Hannesson smið-
ur trésmíðaverkstæði í hluta hússins, annars staðar safnaðist upp
drasl og aðrir einskis nýtir hlutir.
Fyrir nokkrum árum fór af stað umræða um að varðveita og
endurbyggja þetta merkilega hús. Til tals kom að flytja það á
byggðasafnið á Reykjum, en frá því var horfið og ákveðið að gera
húsið upp á sarna stað. Um það verkefni hefur verið stofnaður
starfshópur undir forustu Sverris Björnssonar bónda á Brautar-
holti í Staðarhreppi. Endurbyggingin nýtur styrkja frá Húsfrið-
unarsjóði, einnig hafa Byggðastofnun, Bæjarhreppur, Staðar-
hreppur og Sparisjóður Hrútfirðinga auk Kaupfélagsins, sem er
hinn formlegi eigandi, lagt fram fé til framkvæmdanna. Þorgeir
Jónsson arkitekt var fenginn til að vinna teikningar og áætlun um
endurbyggingu og hafa yfirumsjón með framkvæmdum. Arið
1994 var hafist handa og suðurgaflinn endurnýjaður. Við það var
notaður rekaviður af Ströndum. Aðalsmiður við uppbygginguna
er Bragi Skúlason írá Ljótunnarstöðum nú búsettur á Sauðár-
króki, en hann hefur mikla reynslu af endurgerð gamalla húsa.
Sumarið 1996 var svo gert við þakið og hefur húsið þegar
fengið annan svip og auðséð að það kemur til með að verða hin
besta staðarprýði. Víst er að endurbyggingin mun taka einhver ár
44
J