Strandapósturinn - 01.06.2006, Síða 26

duglegur og frískur á mörgum sviðum. Hann var formaður á
hákallaskipum og var sagður góður skipsstjórnandi. Þó var það á
öðru sviði sem hann tók öllum öðrum fram. En hann var sagð-
ur og var með afbrigðum kvensamur og átti nokkur börn utan
hjónabands. Það var haft eftir samtíðarmanni Jóns, sem þekkti
hann vel og var á Eyri samtíma honum, að Jón Melsteð væri sá
kvensamasti maður sem hann hefði þekkt. Hann var svo kven-
samur að hann sat fyrir konum þegar hann vissi að þær voru á
ferð. Hann lá úti fyrir þeim eins og menn lágu fyrir tófum sagði
þessi samtímamaður Jóns.
Það var einhverju sinni þegar Jón bjó á Eyri að hann slóst í
för með konu sem átti leið um Geitahlíð, hlíðina frá Eyri út með
Ingólfsfirði. Á þessari leið gerði Jón konunni barn. Konan hafði
orð á því að þetta hefði verið góð ferð. Helga, kona Jóns, mun
hafa verið hagmælt og kastaði fram stöku í orðastað konunnar.
Atlot þar ég þáði blíð,
það var liðugt gaman.
Gjóturnar á henni Geitahlíð
gerðu mig þykka að framan.
Eins og áður segir var Jón hákallaskipsformaður enda sagður
góður sjómaður. Þá skeði það eitthvert sinn að Jón var í hákalla-
legu að á skall vestan stórviðri og var mjög tvísýnt um að þeir
næðu landi. Jón lét ekki á sér bilbug finna og stjórnaði sínu skipi
af list hins snjalla stjórnandi. Og undir þessum kringumstæðum
strengdi hann þess heit að ef hann næði landi þá skyldi hann
gilja konu á þeim stað sem þá bæri að landi. Svo fór að eftir
harðræði og þrautseigju náðu þeir landi í Drangavík og gátu
borgið skipi og mönnum þar. Gistu þeir allir þar og biðu af sér
veður. Ekki töldu menn miklar líkur á að Jón gæti staðið við heit-
strengingu sína á þessum bæ því þar var ekki annað kvenfólk en
húsfreyjan og vinnukona sem Guðríður hét Jóhannesdóttir en
til hægðarauka kölluð Gudda. Hún þótti nú heldur rínulegur
kvenmaður og ekki fýsileg eða líkleg til ástarleikja. En þegar
stundir líða fór Gudda að þykkna undir belti og þótti það tíðind-
um sæta og ekki ljóst hver væri valdur að því. Þegar Gudda fæddi
24